Chiraagh .... Zarraa

mujhe log dekh ke poochhte bhala is chiraagh ka kya hua
garm aahoN se hai jala hua sard aahoN se hai bujha hua

koyee keh raha ke bhala hua koyee keh ke bura hua
usey poochho jis pe ye guzri hai wo ye keh raha jo hua hua

wo ajeeb sa hai shajar* jise naheeN mausamoN ki khabar jise
kisi josh se hai tana hua kisi bojh se hai jhuka hua

ye to waqt waqt ki baat hai bhala is ka keeje malaal* kya
mere qadmoN pe jo parha kabhi maiN usi ke dar pe kharha hua

the gunaah kya mere poochho mat maiN gunaahgaar yahi hai sach
maiN ne baat dil ki kahi zara mila rasan-o-daar* saja hua

kahe jaaye "zarraa" sukhan* kayee teri baat kis pe ayaaN* huee
ke wo larhkharhaaya zubaan par jo laboN* meiN lavz* daba hua

- zarraa

*
shajar = tree
malaal = regret
sukhan = poetry
ayaaN = apparent
rasan-o-daar = rope and gallows
laboN = lips
lavz = word