DOOR JAA RAHI HO MUJHSE

DOOR JAA RAHI HO MUJHSE

Door Jaa Rahi Ho Mujhse, Mera Ye Paigam Sunti Jaana
Mera Dard Agar Chuu Le Dil Ko, Do Aansu Apni Aankhon Se Bahati Jaana
Kitna Tanha Ho Jaoonga Main Tumhare Jaane Se, Ehsaas Uska Dil Me Rakhna
Har Pal Tumhe Yaad Karoonga Main, Meri Bhi Yaadein Dil Me Taaza Rakhna

Tum Nahi Hogi Saath, Phir Bhi Tumhare Saath Hone Ka Ehsaas Dil Ko Karaoonga
Jahan Hamne Bitaaye Suhaane Pal, Un Jagahon Ki Sair Akele Hi Kar Aaoonga
Ek Pyaala 'Juice' Apne Liye, Ek Tumhare Liye Bhi Mangaoonga
Phir Ek 'Sip' Apne Pyaale Se, Ek Tumhare Pyaale Se Peeonga
Mat Kaho Deewana Mujhe, Tumhare Jaane Ke Baad Isi Tarah Dil Ko Behelaoonga
Dil Me Hogi Bechaini, Man Me Pareshani, Yaadon Ke Sahare Hi To Main Jeeonga

Jaate Hue Mera Dil Lekar Jaa Rahi Ho, Ise Sambhalkar Rakhna
Apni Aankhon Me Meri Tasveer Sada Sajaaye Rakhna
Apnon Ke Beech Rahogi Tum, Mujhe Bhi Apna Samajhna
Din Ke Kuch Pal Meri Yaadon Ke Saath Bhi Bitaana
Mere Liye Nafrat Ki Koi Chingari Bhadki Hui Hogi Dil Me, Us Chingari Ko Tum Bujhati Aana
Vapas Aate Hue Hamare Mohobbat Ke Liye Ek Nayi Umeed Leti Aana

Dua Karoon Main Khuda Se, Ye Judaai Ke Din Jaldi Kat Jaaye
Dil Se Phir Dil Mile, Kuch Aisa Ho Jaaye
Jahan Paas Rehkar Hum Door Hote Jaa Rahe Hain
Ye Dooriyan Hi Shaayad Hame Nazdeek Le Aaye