faasle

~Yunhi faslon ko sajaye rakh,
yunhi intezaar rehne de

~Mere zehn-o-dil ke sukoon par,
Mera ikhtyaar rehne de

~Teri chaahaton mei jo dard hai,
ye sab khushi se qabul hai

~Meri chashm-e-nam ka gumaan na kar,
Mujhe ashk baar rehne de

~Teri bebasi baja sahi,
Meri khush fehmi bhi galat nahi

~Tujhe har qadam pe khushi mile,
Mujhe sogwar rehne de

~Meri guftagu me jo dard hai,
wohi dard Mera naseeb hai

~Mai bhula chuka hoon qaraar ko,
Mujhe beqaraar rehne de....

-Nabil Mukadam

thanks Azeem bhai..