JO BOL DU TO DIL KAA DAAG JALTAA HAI.....JO NA BOLU TO BUJHTAA CHIRAAG JALTAA HAI.....from DARD KA AALAM written by ABHAY SHUKLA
Jo bol du to dil ka daag jaltaa hai
Jo na bolu to bujhtaa chiraag jaltaa hai
Yu to bahut dekhe marham kaa daavaa karne waale
Lekin har shakks namak mere jakhmo par maltaa hai
Hum apna dard to apno se kehte hai
Dard jisko sunkar aankho se aansu behte hain
Lekin apno ko apnaa dard nahi bataayaa jaataa
Sirf nishabd hokar apne dard ko hai jataayaa jaataa
Agar vo apnaa hai to hi hamaari samajh paayegaa ankahi jubaani
Vernaa har dard kaa majaak banaane ki to hai zamaane ki reet puraani
Vo apnaa nahi hotaa jis se apnaa dard kehnaa pade
Apne dard me agar uss ki khushi ko sehnaa pade
Sirf aansu hi aansuo ko rok sakte hai
Dil ke dariyaa ko dil me hi sokh sakte hain
Pataa nahi log apne hone kaa daavaa kyo karte hain
Log apnepan kaa dikhaavaa kyo karte hain
Log insaano ko kya, bhagwaan ko bhi nahi chodte
Na jaane log mandir me beman chadaadavaa kyo karte hain
Ab jab shaayad mere pyaar me mere pyaar ko mere pyaar kaa dard na rahaa mere pyaar ke seene me
To shaayad mere dard ke baadaal se aankho kaa paani barse iss saavan ke mahine me
Ab tak bahut jee liya apno ke naam par dusro ke sahaare
Kya karungaa aise logo ka jinko dard nahi hotaa dard se hamaare
Iss hi liye sochtaa hu apna dard ab kisi se na kahu
Dil ki tadap ki aag se ho rahi dard ki jalan ko khud hi sahu
Shaayad sukoon mile mujhko meri khaamoshi me
Shaayad raahat mile kuch mujhko mere dard se tanhaayi ki aagoshi me...
GIVE ME YOUR FEEDBACK at
www.facebook.com/dardkaaalamshaayarabhay@gmail.com
on eTI community..
