khal rahi khamoshiyan kyon jub baate meri naapasand he
aawaz meri jo ye bund he, to tumhaari youn buland he!

jhankrit kadachit kub hriday,sun teevra vaani teekhe swar
zhakjhorti he pur tumhe-meri khaamoshiyon me woh asar!
gupt gutthi garjna he- khojta inme mein baaten
sehaj saral khaamoshiyaan he---
sufiyaana sur he saare, chatpatate chhund he
awaaz meri jo yeh bund he, to tumhaari youn buland he!

hasraton ka hajoom hoga ya hatthon ka hoga halla
raag aisa kub chira,mein gungunaata sun surila
tyaag kar teekhe zehar,kub sehbhaaagi bane meri dagar
ho-na-ho kuch ho bhala khamoshiyon mein,khwaishey to chund he
awaaz meri jo yeh bund he,to tumhaari youn buland he!

tum tumhaari aur mein meri kehte jaaye, kya yeh baat he?
furk samjho ub zara kya roshni kya raat he---
adhron se kuch na kahon,nayan pudh bus mein tumhare
jaan lu mein kya tere haalat he
aur mere mun ki khalish ko mere kehne se he pehle
tum pehchaan lo to jazbaaat he
shaant hum tum pur goonjte ho sub kinaare
jhoomte ho sub sitaare
chehchahate-kehkahaate-kya baat he-kya baat he!
ub to hriday ke kholo chakshu-mund he ya undh he
awaaz meri jo yeh bund he,to tumhaari youn buland he!

goodh samjho geet ka to yeh anubandh ek sugandh he
aur na samjho meet mere -to zindgaani dwand he!
awaaz meri jo yeh bund he to tumhaari youn buland he!

Prateek

jhankrit---dil mein khushi ki lehar uthna
hasraaton ka hajoom---icchaon(desires) ki bheed
hatthon ka halla---zid ka shor



kuch leta hu mein jaan ke,
kuch behad anjaan mein,
baaki bekhauf itni nidar
lekar apna saara kehar,
aa jaato he khud-b-khud
ab mera mun pareshaaniyon ka
aashram hein doston!


Aaaye bethen ghar kar jaye
apna sampoorn jeevan yahan bitaye
faile itna ke hriday dukhaye
bebas,laachaar, asahaye
mun sisak,sikud, sankuchit ho jaaye
pur aasshram badhta he jaaye!

Kabhi kabhi  kuch inme aabhagi
jo hokar apne saathiyon se baagi
aashram se bhagh jaaye,
to sekaron aane ko aatur
mun ki chowkhat khadkhadaye
ek jaaye--dus ko laaye
aashram badhta he jaaye!

youn aanker aaise kaafilon mein
kyaa jaachti ho hausla!
karna he he gar mera shakti parikshan
to aa jaon alehda alheda
youn samooh bun vaar karna
to kapat hein buzdilon
yudh he he gar zarrori
toh ek ek karke aakar milon!

woh to fir bhee tha veer Abhimanyu
pur ghir gaya maara gaya
yeh mera adna sa mun
saath subko is tarah se
kub talak jhel paayega
lekin yeh to tay he fir bhee
ladta yeh bhee jaayega...
ladte ladte gar hua parajit
to vahi itihaas dohraayega
haar kur bhee mun yeh mera
saahsi kehlaayega
aur tumhaari jeet ko
bus chul he maana jaayega!

syeednaamiji,

aapka shukrana ki aapne padha aur jo ansh aapko pasand aaya uske liye mujhe apaar prasannta he.aapki duaon se he prerna milti he janaab.

prateek

pooja ji,

kavita khumar-e-ishq mein nahi,shaayri-e-durd mein he likhi he.baaki to aap monitor he-uthka-patki kar sakte he!khumar-e-ishq se to mulaakat kabhi hui hi nahi!

kavita vaakai kathin nahi hein-gehri ho sakti he-shabd aisa koi bhee nahi jis-se aapki samajh pare ho.bus itminaan-se padhne ka samy gona chahiye.
aapki haazirjawaabi pur to koi sandeh kabhi nahi ho-sakta pur sawaal khoj raha hu apni kavita mein.

Prateek

pooja ji,

upar likhe shabd saare aasaan hindi ke rozmarra istmaal ke shabd he,shayad spelling mistakes ho sakti he.I cannot write the exact meanning but trying for the similar ones

chhund---paragraph or a part of poem
youn=yo
pudh=padh=read
dwand=kashmkash
shayad only due to spelling errors.

syeednaami ji,
meri spellings mein kuch errors rahe honge,kuch shabdon ke arth aapne sahi kahe he,pur kuch ke arth alag he...mujhe shaayad theek se samjhaana nahi aa raha .
aapki madad ka sadev karzdaar

Prateek

Prateek ji, apki kavita ko samjhne mai kuch waqat lag gaya... magar jab samjh mai aai to shabd nahi bayan karne ke liye ki kaise mehsoos hua... bahoot hi gahari vedna hai apki is kavita main... ussi vedna ko najar mai rakhte hue ek koshish meri taraf se.. app jitna gahra likhna nahi atta.. so apne sadharan shabdo se likh rahi hu:

Mujhe shayad kabhi apni baat kahni he nahi aii
Chaha sirf tujhko hi, kyun yah baat teri samjh nahi aaii

Her cheekh mai ek dard tha, her shikayat main zakham
Teri tarah khamoshio se, na baat main tujhse kar paaii

Raho her pal mere hi sung, itna hi to chaha tha
Kyun mere ansuo main, tujhe, apni tasveer, najar nahi aaii

Her meri hasrat main tum, iss liye to jhanjhora tha
Jitna tumhe paana chaha, utani he doori tumne hai banaii

Surilapan kab kho gaya, yah to main bhi na kabhi samjh paai
tumahari kami ne he, yah chirdchiraht meri zindagi mai laaii

Tumne kahin apni aor maine her baar apni baat doharaaii
Kyun? Kis liye kabhi koi baat, Humaari nahi ho paaii

Khamoshi teri, mujhko lagi, tujhe meri preet ab nahi bhaaii
Na jaane kaya kaya soch soch kar, her baat gusse se he munh se aaii

Itani se thi jo baat, to pahle kyun nahi is tarah samjhaaii
Teri ek muskurahat main, meri sari khushia hai simat aaii!!!!!

Janati hu apki kavita ke samne, meri yah kavita kahin door tak nahi tik.ti,.. magar chah kar bhi apki is vedna bhari kavita ka jawab, ek aourat ke man ki vedna se nahi de paai...

Jalad hi kuch aor likhne ki koshish hogi!!

Arre bhaiya, Pooja didi ko pata hai mujh jaise log bi
shayri padne ka shauk rakhte hai. Poora vakiya shudda
hindi (urdu) pe likha to dictionary ko refer karke
samajne main waqt lagjata hai...

Hands off pooja di...