Kya Likhoon...

Tanhaayi mein jab baitha likhne
To khayal aaya ki kya likhoon.............

Yaad aaye phir woh lamhe,
Jo tere saath maine bitaaye the,
Socha kyun na unhi lamho ka,
Ek haseen Aagaaz likhoon...............

Na jaane kyun sudh-budh gava baithe,
Aur khoye rahe tere khayalon mein,
Socha kyun na is marz ke,
Aasaar aur Raaz likhoon..............

Majbooriyaan thi teri kuch aisi,
Jo tu mujhe na apna saki,
Socha kyun na unhi majbooriyon se,
Apna main Intekaam likhoon...............

Kaise samjhaayein dil ko,
Ye to paagal aur nadaan hai,
Phir sochta hoon kyun na is,
Mohobbat ke dardnaak anjaam likhoon..........

Saugaat mein mile ashq se hai pyar,
Kyunki girte huye bhi ye tera naam lete hain,
Dekhkar in ashkon ko sochta hoon,
Kyun na teri bewafaai ki lambi daastaan likhoon............

Tere diye ghamo.n ko humne dil ke kareeb rakha hai,
Kyunki ye sab tujhse juray hain,
Sochta hoon kyun na in ghamo.n aur dardon ko
Apne ishq ka Inaam likhoon..................

nice RAIN......

bahut khoob

shukriya vikas aur sadiqa jee..!!
Mohsin Naqvi jee ki ye ghazal dekhain..ummeed hay aap logo.n ko pasand aayegi..!!

ghaltiyon say mara tu bhi nahin main bhi nahin
donon insaan hain khuda tu bhi nahin main bhi nahin

tu jafa ki main wafa ki rah per hain gaamzan
peechay murr kay daikhta tu bhi nahin main bhi nahin

tu mujhay ,main tujhay ilzaam dharta hoon
apnay munn main jhaankta tu bhi nahin main bhi nahin

maslehat nay kar diyey donon main paida ikhtilaaf
warna tou dil ka bura tu bhi nahin main bhi nahin

budd gumaani shehar main kisnay phailadee jabkay
aik doosray say khafa tu bhi nahin main bhi nahin

jaan-e-mohsin tu bhi thaa ziddi ana mujh main bhi thi
donon khud sar thay, jhuka tu bhi nahin main bhi nahin.....

by Mohsin Naqvi...!!