Malaal

na jaane aaj ye kis kaa Khayaal aayaa hai
Khushii kaa rang liye har malaal aayaa hai

vo ek shakhs ki haasil na thaa jo Khud ko bhii
mitaa kisii pe to kaisaa bahaal aayaa hai

zubaan pe harf-e-talab bhii nahiinn koii phir bhii
nigaah-e-dost mein rang-e-jalaal aayaa hai

kiyaa na zikr bhii jis kaa tamaam umr kabhii
hamaare kaam bahut vo malaal aayaa hai

nahiiin hai tum se koii dostii bhii ab to magar
qadam qadam pe ye kaisaa vabaal aayaa hai