Meri tasvir

Meri tasvir mein rang aur kisi ka to nahin
gher lein mujhako sab aake main tamaashaa to nahin

zindagi tujhase har ik saans pe samajhautaa karoon
shauq jeene ka hai mujhako magar itanaa to nahin

ruuh ko dard mila dard ko aankhein na mili
tujhako mahasus kiya hai tujhe dekha to nahin

sochate sochate dil doobne lagata hai mera
zahan ki tah mein 'Nino' koi dariya to nahin

Shukria

bahoot khoob likha hai nino ji

Akhm-e-tanhai mein Khushboo-e-hina kis ki thi
saaya divaar pe mera tha sada kis ki thi

uski raftaar se lipti rahi meri aankhein
us ne mud kar bhi na dekha ki vafaa kis ki thi

waqt ki tarah dabe paanv ye kaun aayaa hai
main andhera jise samajha vo qabar kis ki thi

aansuoon se hi sahi bhar gayaa daaman mera
haath to main ne uthaaye the dua kis ki thi

meri aahoon ki zabaan koi samajhata kaise
zindagi itani dukhi mere sivaa kis ki thi

aag se dosti us ki thi jalaa ghar mera
di gai kis ko saza aur Khata kis ki thi

main ne andha ban  kar bhi andhere kaate
kis ke bas mein thi zameen abr-o-havaa kis ki thi

chhod di kis liye tuune "Nino" duniyaa
justjoo si tujhe har waqt bata kis ki thi

maanaa ke musht-e-Khaak se badakar nahin hoon main
lekin hava ke raham-o-karam par nahin hoon main

insaan hoon dhadakate huye dil pe haath rakh
yun Doobakar na dekh samundar nahin hoon main

chehare pe mal rahaa hoon siyaahi naseeb ki
aainaa haath mein hai sikander nahin hoon main

Gaalib teri zameen mein likkhi to hai Gazal
tere kad-e-sukhan ke baraabar nahin hoon main (NM)

"zindagi tujhase har ik saans pe samajhautaa karoon
shauq jeene ka hai mujhako magar itanaa to nahin "

wahhhhhhhhhh, dil ko chu gaye yeh alfaz!!!!!! superbb!

 :D