Niraadhaar Kalpnaain

Yaadein aur Yaadein
unhe samet sakunga
daud paaunga
laa sakunga main woh
sooraj chuney ki aakaansha
woh niraadhaar kalpnain
shayad nahin!
ussi ddhara mein
ussi gagan ke neechey
ajnabi hoon main
kuch bhi tow nahin badla
badley hain tow hum
wahi tow phool khiltey hain
baarish bhi hoti hai
wahi jhoota samaaj
jhootey log aur main
samet-taa puraani yaadein
daudtey woh chote se kadam
larkhara kar mera girna
mitti se saney haath
Maa ka daant-na aur
mera dubak sa jaana
kuch pal ke liye,
Wahi Mamta ki pukaar
so jana fir Maa ke aanchal mein.
Sun-na mangarant kahaaniyan
aur unki jhooti haqiqat.
Kitni ashaanti thi unmein
shaayad aaj ki haqiqat se adhik.
Kahan dhoondoo main uss aagan ko
un sapno ko
khoj do woh sapney
Jorr do mere toote khilaune
kahan hain woh bachpan ke saathi
kahan aagya main chalte-chaltey
Jahan se chala tha
wahin le chalo mujhko
Prati ek din le jaa raha hai
mujhe door mere aashiyaan se
bahaut door jahan se
dikhti hai tow bas
kuch yaadon ki parchayee.