Sailaani

Sailaani to kai huye honge
Sair bhi unhone kaafi kari hogi
Par apne hi shahar me sailani hona
Kaisa lagta hai ye humse poochiye

Kehne ko to ye galiyaan ye raaste sab wahi hain
Par na jaane kyun anjaane se lagte hain
Yaa to poore shehar me ek saath rang-o-rogan karwaya gaya hai
Yaa firr hamari hi aankhon me naya rang chadha aaya hai

Jin logon se hum milte the, jir raasto se hum guzarte the
Saare ke saare ab gair se lagte hain
Apna shehar apna hokar bhi apna nahi lagta
Apne log apne hokar bhi apne nahi lagte

Apna lagta hai to wo shahar jissme tumhare hone ka ehsaas hota hai
Wahaan ki Sooni galiyaan bhi hamari khatir karti jaan padti hain

Par intehaan to tab ho jaati hai jab
Tumhare uss jaane pehchaane shehar me
Koi hume humwatan samajh baithta hai
Aur poochta hai hamare thikane ke baare me

Ab use kiss thikaane ke baare me batayen
Apne shehar ke baare me jo ki kaatne ko daudta hai
Yaa firr uss shehar ke baare me jissme
Apnapan milta hai par koi thikaana nahi hai

Bolna pad jaata hai use naa chahte huye bhi
Ki main ek sailani hun, sair karne aaya tha...

Really very nicely expressed
keep it up