ta_aruf

appke tarruf ke
kitnay istarray hain
abr hain sitara hai
subhain hain ujala hai
surmai si shamain aur
maujon ka kinara hai
phool hain shafaq bhi hai
rang hain mehek bhi hai
berq bhi hai bijli bhi
aur saba tajali bhi
husn ki zia bhi hai
ambreen ada bhi hai
ahmareen haya bhi hai
gul kada hai fitrat hai
mai kada hai kudrat hai
haan keh tu ...kashish bhi hai
maah hai baras bhi hai
maati aur heera hai
heer aur meera hai
saya hai shajar bhi hai
maya hai kadar bhi hai
aankh hai nazar bhi hai

yeh tamam tashbeehain !!!!
teray naksh e paa kaliye
app to alag hain bohat
app mawara inn se
yeh tamam tareefain
app per nahin sajteen
app ki madah main tou...
aik lafz kaffi hai

app hain zeher meray
phailtay huay andar....