Aj ek ajeeb manzar hai, mood hai dil ka...
Yeh nazm main janta hoon technically khamion bhari hai mager mere dil ki awaz hai...dil se parriega aur dhadkanon se samajhiyega...
Badalon ke uper ek daagzar chand baitha hai,
Mere dil par usse pane ka adhura armaan baitha hai…
Log kehte hai ke main bilawaja rota rehta hoon us’se juda hokar,
Mujhe shaq hai ke meri dhoori se tadapta ghar pe koi insaan baitha hai…
Aur yaaron kehdena usse jisse meri mohobat par shak hai,
Ke dhoor us’se yahan koi behad pareshan baitha hai…
Dukh iss baat ka nahin ke woh chorr gaye mujhe balke iska hai,
Woh aksar mujhe dekh kehte hai ‘woh dekho mere ghumon ka wajahgar baitha hai…’
Toote hue sapnon aur bikhre hue armaanon se sajha hai kafan humara,
Dekho yaaron meri mayat par mere adhure pyaar ka saman baitha hai…
Aj ek darkhwast karta hai ‘Khamosh’ sabhi se,
Kabhi bhi kisi se toot kar mohobat na karna,
Bhale jeena seekhati hai mohobat,
Bhale dilon ko milati hai mohobat,
Bhale khushian phelati hai mohobat,
Bhale ehsaas jagati hai mohobat,
Warna meri tarha khud ko kisi tanhai se sajhi mehfil main paoge,
Yehi sabse kehte hue nazar aoge,
Ke dekho yaaron apke samne ek gunhegaar ashiq baitha hai,
Adhure toote armanon ka khazana baitha hai,
Kuch dafan yaadon ka kabrastan baitha hai,
Bas aur kya likhe ‘Khamosh’ iss dard bhari nazm main,
Itna kehke apni kalam ko aram dena chahta hoon,
Koi hai idhar dhoor yeh nazm sunata,
Tanha sa dukhi shayar,
Jo dil main kisi ko pane ki tamana liya baitha hai…
~Rahim~