Zindagi ke mailey maiN

Zindagi ke mailey maiN...
khwaahishouN ke railey maiN
tum se kia
kahaiN jaanaaN
is qadar jhamailey maiN


waqt ki ravaani hay
bakht ki giraani hay
sakht be-zameeni hay

sakht laa-makaani hay
hijr ke samandar maiN
takht or takhtey ki

aik hi kahaani hay
tum ko jo sunaani hay

baat go zara si hay

baat umr bhar ki hay
umr bhar ki baataiN kab
do gharree main hoti hain

dard ke samandar maiN
an-ginat jazeerey hain
be-shumaar moti haiN


aankh ke dareechey maiN
tum ne jo sajaaya tha
baat us diye
ki hay
baat us giley ki hay
jo lahoo ki khilwat maiN
chor ban ke
aata hay
lafz ki faseeloun par
toot toot jaata hay
zidagi se
lambi hay
baat rat-jagey ki hay
raastey maiN kaisey ho
baat
takhliyey ki hay
takhliyey ki baatouN maiN
guftugoo azaafi hay

Pyarr Karnee walon koo
..Ik nigah kafi hai!!
ho sakey to sun jaao

aik din akeley main
tum se kiya kahain jaanaaN
is qadar jhamailey
maiN!!!!!!!!!!!