Bhroona Hatya - Ladke ladki me aakhir kab tak bhedbhav rakhoge

by @kaash on August 03, 2009, 02:38:31 PM
Pages: [1] 2 3  All
ReplyPrint
Author  (Read 24185 times)
@kaash
Guest
Reply with quote
Friends, is kavita par maine
Bhoorna Hatya par likhne ki
koshish ki hai aur Tanz kia hai samaaj(society)
mata pitaon par
aur is nakaraatmak soch par jiske
karan vo aisa galat kadam uthate hain aur
Bhoorna-Hatya jaise paap aur crime ke
bhaagi bante hain.

Ladke ladki me aakhir kab tak bhedbhav rakhoge

mujhe bhi jeene ka haq hai maa
meri saason ko to tum mahsoos to karti hogi maa
jab main tumhare pet me aayi
yaad kaise dil ne tumhare holi aur diwali manayi
maa,mujhe bada hona mujhe tumse baat karna hai
kuch tumhare kuch papa ke sapno ko sakaar karna hai
maa,jabse tumhe ye pata chala hai ki main ladki hun
kyun tumhari saason me prem nahi,kyun hui main parayi hun
nahi maa mujhe tum yun khud se juda karne ka mat sochna
nahi maa mujhe tum dunia me aane se pehle dunia se vida na karna
main jo chali bhi gayi to bhi tumhe nahi bhool paaongi
jaane ke baad bhi to main tumhe bahot yaad aayungi
maa tumhe kya milega aisa karke
nahi aisa mat kaho ki papa hi aisa chahte hain
tumhari bhi to kuch razamandi hogi jo vo aisa chahte hain
maa tum dekhna main tumhe ladke se bhi badhkar banke dikhaayungi
maa mujhe aane do phir main praathna kar bhaiya bhi le aaoongi

papa aap aisa kyun chahte hain
mujhe maar dena kyun chahte hain
papa aapki maa bhi to ek ladki thi
vo agar nahi hoti to kaise main aapki beti hoti
papa aisa na sochiye
aap apne dil se poochiye
papa ladki ladke se kabhi kum nahi hoti
naari bin to ye prithvi hi nahi hoti
yaad hai aap kitne khush the jab papa banenge aapko pata chala
papa main to aapki pehli hi santaan hoon aur mujhe hi na kaha
nahi papa aisa mat kijie
apni beti ko paraya na kijiye
kuch to apne dil se poochiye
nahi samaaj ka naam kyun beech me laate hain
samaaj to papa hum sab hi milkar banate hain
ek ek vyakti se hi to ye samaaj banta hai
aapki bitiya ke dil me aapke liye bahot pyaar basta hai
nahi papa yun samaaj ke dar aur usse sammaan ke lie aisa nahi kijie
jhoothe hain sammaan aise papa apni bitiya ki itni si baan maaniye

Hey samaaj aur dunia jahaan ke logon kyun tumne aisi parampara banayi
aakhir kyun ek ladke tumhe heera aur ladki dhool nazar aayi
E samaaj naariviheen kar tujhe kya milega
ek din tujhe naari ka kahin nishaan nahi dikhega
naari ke yun dheere dheere kum hone se tera aadar ghat.ta hai
purush ki har taraf dikhti kataar se tujhe kya milta hai
meri kya galti ye bata do logon
Eeswar ne mujhe ankurit kia,ab badhne do logon
kya milega tumhe Dr.Uncle,Dr.Aunty mujhe dunia se mitakar
paise to yahin choot jayenge jana hai tumko bhi ek din dunia chhodkar
kya milega E samaaj tujhe jhoothi apni maan badha ke
Khuda ne jo chaha use yun hi bhula ke
main aayi hun to mujhe sammaan do
mere hone ka maan do
naari ke rishton ka apne jeevan me dhyaan do
Bahan,Biwi,Beti,Bahu nahi rahengi gar yun bhedbhaaw rakhoge
ladke ladki me aakhir kab tak bhedbhaav rakhoge

ladke ladki me aakhir kab tak bhedbhav rakhoge

ladke ladki me aakhir kab tak bhedbhav rakhoge

Logged
salil2002
Guest
«Reply #1 on: August 03, 2009, 02:55:49 PM »
Reply with quote
bahut achche kaash bhai bas thodu badi ho gayi hai magar padte waqt is baat ka andaaza nahin hota saral shabdo main aapne yeh poem likhi hai ,,,,,,,,,ek behtareen mudda oothaya hai aapne taareef k haqdaar hain isliye aage bhi aise hi samajik muddon par likte rahein taaki aisi kuritiyaan samaaj se mit sake



tera hi ansh hoon tera hi vansh hoon
phir kyun mujhe tu mitati hai
tera main beeta kal hoon, main aane wala pal hoon
bin dekhe hi mujhko tu satati hai

ashq main apne bahaun kaise
maut pe apni maatam manau kaise
jo dene wale thay janam oonhone fanaa kiya
main khuda se fariyaad laagaun toh lagaun kaise

tum bhi kissii kii beti ho,
 hai tumhaari bhi maa koi
hai woh naari, hai woh abla
nahin hai woh NAR koi

mita rahe ho mujhko aaj kal tum mujhko pukaroge
de de k duhaai mandiro main masjido main pukaaroge
tab main na loongi janam teri kokh se sun le tu yeh ab
dekhti hoon naari ko kab tak JAD se ookhadoge
Logged
madhuwesh
Guest
«Reply #2 on: August 03, 2009, 11:58:03 PM »
Reply with quote
Kaash ji bahut khoob,wonderful creation,sirf dard hi dard hai aapke iss kavita mein,excellent, icon_thumleft Clapping Smiley Clapping Smiley Clapping Smiley crybaby2 Crying
Saahil ji aapne bhi bahut khoob likha.wonderful lines, Clapping Smiley Clapping Smiley Clapping Smiley icon_thumleft
Logged
madhuwesh
Guest
«Reply #3 on: August 04, 2009, 12:28:25 AM »
Reply with quote
Socha main bhi kuch lines likhu.

MAA KYUN AAP MUJHE GODH DIYA.KYUN APNE SE KIYA ALAG MUJHE
MILTA AGAR MUJHE BHI AAPKA PYAR MAA
KARTI NAHI SAWAL KABHI MAIN AAPSE MAA.
SOCHA HOTA EK BAAR MUJHE GODH DENE SE PAHELE MAA
KAUN KAREGA AAP KE BETI SE AAPKI TARAH PYAR MAA
TADAPA KAR MUJHE ISS DUNIYA SE BHI CHALI GAYEE AAP MAA.
KAUN DEGA MUJHE ISS SAWAL KA JAWAB MAA.
HOTA HAI ISS DIL MEIN BAHUT DARD MAA.
NAHI RAHENA HAI MUJHE ISS DUNIYA MEIN MAA.
Logged
abdbundeli
Guest
«Reply #4 on: August 04, 2009, 07:07:46 AM »
Reply with quote
@kaash ji/Saahil ji/Madhu ji!

Bahut-bahut-bahut hee khoob!
 
Meyrey kayee asha'ar bhee 'female infanticide' ki dard-angeiz daastaan bayaan kartey hain! Eik kuchh yuun hai:

Layliyaan zibh kareyn jo meelaad key pahiley:
Sang-dil aiseen sabhee daayiyoun sey dartaa hoon!


Mein tah-e-dil sey aap teenoun kaa istaqbaal-o-khairmaqdam kartaa huun; aur duaa kartaa huun, ki, WOH aapkey aisey sabhee 'uttamottam' khyaalaatoun ko tarzeeh dey aur aapkey alfaaz ko 'adhikaadhik' pur asar banaaye! Aap hameyshah khush-haal raheyn; aur aap kee har aarjoo WOH pooree karey! Aameen!  Aameen!!  Aameen!!!

            - Ram Prakash Garg 'Abd Bundeli'
Logged
_Vicky_
Guest
«Reply #5 on: August 04, 2009, 07:37:18 AM »
Reply with quote
Wah Kya Baat hai Yash Bhai, Saahil Bhai, Madhu Ji & Abd ji..!!

Samaaj Ki is Ghinoni Soch, Is Kureeti Par Likhi Aapki in Rachnaao ki Taareef ke liye Mere Paas Lafz Nahi Hain.. Sirf Yeh Taaliyaan Hain..!!

 Clapping Smiley Clapping Smiley Clapping Smiley Clapping Smiley Clapping Smiley Clapping Smiley Clapping Smiley


**~** Mann **~**
Logged
madhuwesh
Guest
«Reply #6 on: August 04, 2009, 07:45:13 AM »
Reply with quote
Thank you so much Abd ji and Mann ji.
Abd ji aapne bhi bahut khoob likha hai.wonderful creation. Clapping Smiley Clapping Smiley Clapping Smiley Thumbs UP
Logged
abdbundeli
Guest
«Reply #7 on: August 04, 2009, 08:08:00 AM »
Reply with quote
Wah Kya Baat hai Yash Bhai, Saahil Bhai, Madhu Ji & Abd ji..!!

Samaaj Ki is Ghinoni Soch, Is Kureeti Par Likhi Aapki in Rachnaao ki Taareef ke liye Mere Paas Lafz Nahi Hain.. Sirf Yeh Taaliyaan Hain..!!

 Clapping Smiley Clapping Smiley Clapping Smiley Clapping Smiley Clapping Smiley Clapping Smiley Clapping Smiley


**~** Mann **~**
Thanks Mann ji!
        - abdbundeli
Logged
abdbundeli
Guest
«Reply #8 on: August 04, 2009, 08:10:11 AM »
Reply with quote
Thank you so much Abd ji and Mann ji.
Abd ji aapne bhi bahut khoob likha hai.wonderful creation. Clapping Smiley Clapping Smiley Clapping Smiley Thumbs UP
Thanks Madhu!
      - abd bundeli
Logged
punam
Guest
«Reply #9 on: August 04, 2009, 01:12:58 PM »
Reply with quote
wah @kaash ji and Saahil bhai....kya likha hai aap dono...tareef karun kaise samjh me nahi aa raha...bahut khoob... Applause Applause

Madhu ji and abd ji bahut khoob ...
Logged
deepika_divya
Guest
«Reply #10 on: August 04, 2009, 01:17:01 PM »
Reply with quote
Waah Bahoot Khoob Kaash Ji...

Jis dang se aapne iss kadvi sachai ko byaan kiya hai.. wakai ak umda paishkash ! Bahoot Khoob!


Salil , Madhu ji and ABD ji.. Bahoot bahoot khoob likha hai aap logo ne..

Good Work All !
Logged
abdbundeli
Guest
«Reply #11 on: August 04, 2009, 01:36:29 PM »
Reply with quote
Waah Bahoot Khoob Kaash Ji...

Jis dang se aapne iss kadvi sachai ko byaan kiya hai.. wakai ak umda paishkash ! Bahoot Khoob!


Salil , Madhu ji and ABD ji.. Bahoot bahoot khoob likha hai aap logo ne..

Good Work All !
Thanks Sophi ji!
        - abd bundeli
Logged
abdbundeli
Guest
«Reply #12 on: August 04, 2009, 01:38:35 PM »
Reply with quote
wah @kaash ji and Saahil bhai....kya likha hai aap dono...tareef karun kaise samjh me nahi aa raha...bahut khoob... Applause Applause

Madhu ji and abd ji bahut khoob ...

Thanks Punam ji!
         - abd bundeli
Logged
Rajbir
Guest
«Reply #13 on: August 04, 2009, 02:53:13 PM »
Reply with quote
Yash bro,

Pehle toh aap ko salute ki aap ne itne ache subject par likha !  Hats off to you!

Mujhe aise subjects par likha padhna bahut acha lagta hai...

Aap ne jis saralta se ek unborn girl child ki gaatha sunayi...jhanjhod kar rakh diya usne sad5

Na jaane kab log padhe likhe banenge in real sense  Crying

Pehle bhi maine kahin is subject par likha tha...ki zyadatar aise kukarm mein ek aurat he ek aurat ki dushman hoti hai...aap dekhenge ki samaaj mein saas, nanad, devarani, etc he aise ghanone kukarm ki zimmedaar hoti hain. Ooper se doctors, woh bhi aurat gynaecologists iski zimmedaar. Hadd hai...is par ek poora chapter likh doon main. Magar yeh debate ka thread nahi hai, is liye apne comments yahin takk seemit rakhoonga.

Saahil, Madhu, Abd ji aap sab ka bhi shukriya jo aap ne Yash ka saath diya ! Applause Applause Applause

Keep going ! Thumbs UP



Logged
abdbundeli
Guest
«Reply #14 on: August 04, 2009, 03:03:50 PM »
Reply with quote
Shukriya Abd ji thanks for liking the poem and for
your nice and encouraging words.
bahot hi acha sher likha hai aapne but honestly saying
i could not get the whole meaning,kripya aur saade
lafzon me likh den,aap itne senior hain islie
aapse ye guzarish karna galat nahi hai.
thanks once again
Thanks @kaash ji!
Mein ney, jaisaa aapney chaahaa thaa, original reply mein, kuchh kathin-sey lagtey lafzoun key qareebee 'meanings' enter kar diye hain! Waisey aap khaasey jaankaar hain, yah mein jaantaa hoon!
                              - abd bundeli
Logged
Pages: [1] 2 3  All
ReplyPrint
Jump to:  

+ Quick Reply
With a Quick-Reply you can use bulletin board code and smileys as you would in a normal post, but much more conveniently.


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
March 29, 2024, 01:08:22 PM

Login with username, password and session length
Recent Replies
by ASIF
[March 24, 2024, 04:34:54 AM]

by ASIF
[March 24, 2024, 04:30:44 AM]

by ASIF
[March 24, 2024, 04:26:39 AM]

by ASIF
[March 23, 2024, 08:50:46 AM]

[March 21, 2024, 08:02:59 PM]

[March 21, 2024, 07:59:38 PM]

[March 17, 2024, 02:01:29 PM]

[March 16, 2024, 03:26:05 PM]

[March 16, 2024, 03:25:04 PM]

[March 16, 2024, 03:21:26 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.128 seconds with 23 queries.
[x] Join now community of 8502 Real Poets and poetry admirer