Kahti hai Sarkaar Bhrastachaar uthaaoge to bhrasht Ghoshit kar denge

Kahti hai sarkaar bhrastachaar uthaaoge to bhrasht ghoshit kar denge
loktantra ki baat karoge to police tantra me andar kar denge
satyagrah ki baat karoge to sote hue bhi laathiyan barsaayenge
hawala ki baat karoge to aisi hawa nikalenge ki diwala nikaal denge
petrol moolya vradhi ki baat uthane par pani ke bhi daam badhayenge
menhgaayi ki baat karoge to saanson par bhi tax laga denge
kale dhan ki baat karoge to tumhaare hi khaate khangale jayenge
kaanoon ki baat karoge to kanoon ke tahat andar hi kara denge
deshbhakti ki baat karoge to deshdrohi aasani se sabit kar denge
desh ko bachane chaloge to ghar se nikalna haraam kar denge
desh ka maan badhane chaloge to gali gali badnaam kar denge
jurm ko rokne ki baat karoge to haathon me hathkadiyan daal denge
nyaay ki baat karoge to nyaayalaya se jamanat bhi zabt kara lenge
chahe jaise bhi janta se chunke aaye hain isliye jo bhi chaahe karenge
loktantra hai to kya hum khud ko tanashaah janta ko gulaam samjhenge