Aalam-e soz-e tamna be'kraan karty chalo,QABIL AJMERI

Aalam-e soz-e tamna be'kraan karty chalo,
Zar'ry zar'ry ko shareek-e karwaan karty chalo,

Zindgi k raasty main phool bhi hain khaar bhi,
Apny mayyar-e talb ka imtihaan karty chalo,

Jany kis aalam main aaen aane waly qafly,
Saya-e diwar-e janaan jawidaan karty chalo,

Kitny roshan hain wo aariz kitny sheereen hen wo lab,
Raasta kat jae ga zikar-e butaan karty chalo,

Mazhar-e tehzeeb ha ik ik taar-e pairhan,
Bs yun hi andaza-e sood o zyaan karty chalo,

Raasty main bujh na jaen arzowon k charagh,
Zikar-e manzil karwaan ddr karwaan karty chalo,

Ham'safer mil jaen ge dard aashna mil jaen ge,
QABIL apni dastan-e gham bayaan karty chalo.