Dil diwana arz-e haal par ma'il to kaya ho ga,QABIL AJMERI

Dil diwana arz-e haal par ma'il to kaya ho ga,
Magr wo pochh bethy khud hi haal-e dil to kaya ho ga,

Hamara kaya hamen to dobna ha dob jaen ge,
Magr tofan ja pohncha lab-e sahil to kaya ho ga,

Sharab-e naab hi se hosh urr jaty hain insa'n k,
Tera kaif-e nazr bhi ho gaya shamil to kaya ho ga,

Abhi to rahro mehw-e safr hain shoq-e manzil main,
Magr jb samny aa jae gi manzil to kaya ho ga,

Ye darya-e mohabat ha yahan ahl-e safeena ko,
Gham-e tofa'n nahin hota gham-e sahil to kaya ho ga,

Khud us ki zndgi ab us se barham hoti jati ha,
Unhen ho ga bhi paas-e khaatir-e QABIL to kaya ho ga.

QABIL AJMERI