Gham-e dunya o jour-e aasmaa'n kuch aur hota ha.QABIL AJMERI

Gham-e dunya o jour-e aasmaa'n kuch aur hota ha.
Dil-e nakaam par lekin gumaa'n kuch aur hota ha.

Sar-e manzil khiraam-e karwaa'n kuch aur hota ha.
Abhi taaron ki gardish se ayyaa'n kuch aur hota ha.

Bahaar aati ha to aksr nashiman jal hi jaaty hen.
Magr gulshan k jalny ka samaa'n kuch aur hota ha.

Boht hen me'kady men larkharany jhoomny waaly.
Waqar-e laghzish-e peer-e mughaa'n kuch aur hota ha.

Nishaan-e paa bhi pohncha to dia karty hen manzil par.
Magr fezaan-e meer-e karwa'n kuch aur hota ha.

Hawadis se bhi khely hen talatum se bhi guzry hen.
Magr jazbaat ka sail-e rawaa'n kuch aur hota ha.

Boht dilchasp hen naaseh ki baaten bhi magr QABIL.
Mohabat ho to andaz-e bayaa'n kuch aur hota ha.

QABIL AJMERI