Gham-e zindagi sazgar aa na jae,QABIL AJMERI

Gham-e zindagi sazgar aa na jae,
Tumhen meri halat pe pyar aa na jae,

Bohat dilnashin ha ada-e mohabat,
Tera dil bhi be ikhtiyar aa na jae,

Barry hosly hain barry walwaly hain,
Mager wo shab-e intzaar aa na jae,

Bohat kaam lene hain dard-e jigr se,
Kahin zindagi ko qarar aa na jae,

Bohat barh gaya ha taghaful kisi ka,
Kisi roz diwana'war aa na jae,

Hawa behki behki,fiza mehki mehki,
Teri ankh main bhi khumaar aa na jae,

Janu'n ne bohat be'adbb kar diya ha,
Mery hath daman-e yar aa na jae,

Gulstaan gulstaan pe pehry lagy hain,
Kalli khil na jae bahar aa na jae,

Naye ehd o pemaan kiye ja rahy hain,
Mohabat ko phir etbaar aa na jae,

Charagh-e tamna bharrkny laga ha,
Kahin wo taghaful sho'aar aa na jae,

Mohabat ka sail-e rawaan bn gaya hun,
Meri rah main koi yar aa na jae,

Niraali hain QABIL janun ki adaaen,
Tarrpty tarrpty qarar aa na jae.

QABIL AJMERI