Tumhen jo mere gham-e dil se aa'gahi ho jaye, QABIL AJMERI

Tumhen jo mere gham-e dil se aa'gahi ho jaye,
Jigar main phool khilen ankh shab'nami ho jaye,

Ajll bhi us ki bulandi ko chhu nhin sakti,
Wo zindagi jisay ehsaas-e zindagi ho jaye,

Yehi he dil ki halaakat yehi ha ishq ki mout,
Nigah-e dost pe izhaar-e be'kasi ho jaye,

Zamaana dost ha kis kis ko yaad rakho ge,
KHUDA kary k tumhen mujh se dushmani ho jaye,

Ajll ki goud main Qabil hui ha umar tamaam,
Ajbb nahin k meri mout zindagi ho jaye.

QABIL AJMERI