Gham chhairrta ha saz-e rag-e jan kabhi kabhi,QABIL AJMERI

Gham chhairrta ha saz-e rag-e jan kabhi kabhi,
Hoti ha kainat ghazl khawan kabhi kabhi,

Kuch aor barh gayi ha andheron ki zindagi,
Yun bhi hua ha jashan-e chraghan kabhi kabhi,

Ham ne diye hain ishq ko tewar naye naye,
Un se bhi ho gaye hain gurezan kabhi kabhi,

Kesa sharab khana kahan ka sanam kadda,
Ka'bay main lutt gaya ha muslma'n kabhi kabhi,

Aehbaab ki bulandi-e ikhlaaq dekh kar,
Dushman bhi ho gaya ha pasheman kabhi kabhi,

A dolat-e sakon k talb'gaar dekhna,
Shabnam se jal gaya ha gulistan kabhi kabhi,

Hum be-kason ki bazm main aae ga aor kon,
Aa beth'ti ha gardish-e dora'n kabhi kabhi,

Is husn it'faaq ki tasweer khainch lo,
Hotey hain aek sahil o tofa'n kabhi kabhi,

QABIL meri nigah k charchay hain dour dour,
Aata ha but'kady main muslma'n kabhi kabhi.

QABIL AJMERI