Kabhi maqtal k muqabil, kabhi zindaan k qareeb,QABIL AJMERI

Kabhi maqtal k muqabil, kabhi zindaan k qareeb,
Hum behrhal rahy manzil-e janaan k qareeb,

Jhilmilaty hue taron ne bhi dam torr diya,
Aakhir-e shab ha chaly aao rag-e jaan k qareeb,

Seena chakaan-e chamn aaj idhr se guzry,
Phool hi phool nazr aaty hain zindaan k qareeb,

Bu-e gul ma-il-e rim,mouj-e saba awara,
Ik bayabaan ki zarorat ha gulstaan k qareeb,

Phol apny na bahar apni magr hum QABIL,
Jany kaya soch k bethy hen gulstaan k qareeb.

QABIL AJMERI