Janun-e be'sarosamaan ki bat kon kary, by qabil ajmri

Janun-e be'sarosamaan ki bat kon kary,
Khizaan na ho to bayabaan ki bat kon kary,

Mery janun ka tamasha to sb ne dekh liya,
Teri nigah-e pashemaan ki bat kon kary,

Hamen to ronaq-e zindaan bana diya tum ne,
Chamn main subah-e baharaan ki bat kon kary,

Wo bazm jis main tarstay hain lab hansi k liye,
Wahan nishat-e dil o jan ki bat kon kary,

Zamana khail raha ha tumhari zulfon se,
Hamary haal-e pareshaan ki bat kon kary,

Kisi ko rang se matlab kisi ko khushbu se,
Gulon k chaak-e girebaan ki bat kon kary,

Dil-e tabah ka aalam kisi ko kaya maloom,
Teri nawazish-e pin'haan ki bat kon kary,

Shab-e firaq ki zulmat dilon tk aa ponhchi,
Firaaq-e jalwa-e janaan ki bat kon kary,

Karen na jur'rat-e rindana hum ager QABIL,
Shikst-e gardish-e doraan ki bat kon kary.

QABIL AJMERI

 
nice sharing