Khu gar iltafaat-e yar nahin,QABIL AJMERI

Khu gar iltafaat-e yar nahin,
Hum umeedon se sharmsaar nahin,

Aalam-e yaas ka sakon na pochh,
Ab ajal ka bhi intzar nahin,

Ishq ki ehtiyaat kaya kahye,
Shauq ka bhi gunah'gaar nahin,

Aao apni zami'n ko chamkaen,
Chaand taaron ka etbaar nahin,

Husn-e tarteeb he daleel-e chamn,
Warna sehra men kaya bahar nahin?

Zulf-e janaan mehk uthi QABIL,
Ab khyaalon men intishaar nahin.

QABIL AJMERI