Naye charagh liye sham-e be-kasi aai,QABIL AJMERI

Naye charagh liye sham-e be-kasi aai,
K dil bujha to sitaron main roshni aai,

Janon-e shoq ne pohncha dia kahan mujh ko,
Nigah-e dost bhi aksar thaki thaki aai,

Hamary pas kahan answon ki soghaten,
Kisi ko apna bana k bari hanshi aai,

Jahan-e daar o rasn ho k bazm-e shair o shrab,
Hamaray samny apni hi zindgi aai,

Tumhari yad ko aaram-e jaan bnaya tha,
Tumhari yad bhi lekin kabhi kabhi aai,

Hazar rang diye jis ne zndagani ko,
Usi nazr se mohabat main saadgi aai,

Meray khaloos ka aalam na pochhiye QABIL,
Shikast-e jaam se awaz-e zindagi aai.

QABIL AJMERI