Subh-e ishrat ha na sham-e iztaraab.QABIL AJMERI

Subh-e ishrat ha na sham-e iztaraab.
Zindgi ha ik musalsal inqalaab.

Bijliyon se bat kar sakty hen ham.
Ik uchat'ti si nazr ka kaya jawaab.

Hussan k zouq-e khud aarai ki khair.
Seekh li dil ne adaa-e ijtanaab.

De dia ham ne mohabat ko sabaat.
Zindgi warna musalsal inqalaab.

Shidat-e ehsaas-e nakami na poochh.
Har tamana bn gayi mouj-e saraab.

Aap k gessu bhi barham ho gaye.
Kis ne dekha ha mohabat ka ataab.

QABIL AJMERI