Door bohot door humko jaana hai !!!

by Talat on February 11, 2006, 08:41:17 AM
Pages: [1] 2  All
Print
Author  (Read 8415 times)
Talat
Guest
Phoolon ke daaman main chupe hote hain kaante
Muskurahat jaane kitni saazishon ko hai chupaye
Dost ban kar dagha deta aaya hai yeh zamana
Door bohot door ab humko hai jaana

Sheeshe ko bhala pathar hum banaye bhi kaise
Aankhon main utre dard ko chupaye bhi kaise
Mushkil hai ek pal marna ek pal jiye jaana
Door bohot door ab humko hai jaana

Rooh tak utri hai jo najaane kaisi yeh thakan hai
Koi nahin apna har shakhs khud main magan hai
Laut kar wapis jahan se na kabhi hai aana
Door bohot door ab humko hai jaana

Woh ek des titliyon ka woh taaron ki ek nagri
Ab tak jise chup chup kar dekha kiya humne
Khwabon ki us nagri se pariyon ko hai aana
Door bohot door ab humko hai jaana
Logged
Similar Poetry and Posts (Note: Find replies to above post after the related posts and poetry)
DOOR BAHOT DOOR CHALEJAYENGE by waheed_rose2004 in Shayri-E-Dard « 1 2 ... 6 7 »
Door bohot door humko hai jana....!! by Talat in Shayri-E-Dard « 1 2 3  All »
KAHIN DOOR--BAHUT DOOR BAHUT DOOR...cara by cara in Shayri for Dard -e- Judai
Ab door door rehna.................................................Aqsh by aqsh in Ghazals « 1 2  All »
BACHPAN SE DOOR.... BAHUT DOOR.... by rachnasahi in Shairi for Manzar -e- Kudrat
D K
Guest
«Reply #1 on: February 11, 2006, 11:08:40 PM »
nice Talat ji .. good one

EDITED by Yoindia Monitor
Reason:
Not according to rules.
Comments:This forum is only for Critics , review and explanation. Kindly see this example thread ---> http://www.yoindia.com/forums/tumko-jo-baharo-mai-dekha-hota-vt14898.html
Logged
Tosha
Guest
«Reply #2 on: February 22, 2006, 02:34:43 AM »
jo bhi kaho ... yeh kavita ... umeedo se bhari hai ... Talat ji ... yeh batati hai ke aap jab isse likh rahi thi to aap sabko yeh sandesh dena chati thi ki hamme kabhi thakna nahi chaiye ... rukna nahi chaiye ... zindgi main dokha aur adrchane to aati raheti hai lakin is sab se hamme ghabrana nahi chaiyr... aapne pe bharosa hona chaiye bas ... aur duniya ko aapne kadmome karne ke himmat.
Logged
Pooja
Guest
«Reply #3 on: May 15, 2006, 01:54:06 AM »
shayra jeevan ka asali roop bat arahi hai ki kis tarah se log apne ban kar dhoka dety hai aor aise duniya se door bahoot door wo jaana chahti hai.

Quote
Phoolon ke daaman main chupe hote hain kaante
Muskurahat jaane kitni saazishon ko hai chupaye
Dost ban kar dagha deta aaya hai yeh zamana
Door bohot door ab humko hai jaana


her dard ko wo pathar ban kar kaise sahen kar le, aor apne dard ko chupaye bhi kaise, bar bar zindagi ke sath roop badlana uske liye bahoot mushkil hai, iss lie wo door bahoot door chali jaana chahti hai.

Quote
Sheeshe ko bhala pathar hum banaye bhi kaise
Aankhon main utre dard ko chupaye bhi kaise
Mushkil hai ek pal marna ek pal jiye jaana
Door bohot door ab humko hai jaana


zindagi se wo itna thak rahi hai ki yah shareer ka na rah kar atma tak thak gai hai, her koi swarthi hai, wo aise jagah jaana chahti hai jahan se wo wapis nahi anna chahti aor door bahoot door chali jaana chahti hai.

Quote
Rooh tak utri hai jo najaane kaisi yeh thakan hai
Koi nahin apna har shakhs khud main magan hai
Laut kar wapis jahan se na kabhi hai aana
Door bohot door ab humko hai jaana


yaha per wo apne khawabo se dard ko kam kar rahi hai aor kah rahi hai ki wo pariyon, taaron ki khawabo ki nagari mai jaana chahti hai jahan se pariyan atti hai, wahin ussi desh mai door bahoot door wo is duniya se chali jaana chahti hai.

Quote
Woh ek des titliyon ka woh taaron ki ek nagri
Ab tak jise chup chup kar dekha kiya humne
Khwabon ki us nagri se pariyon ko hai aana
Door bohot door ab humko hai jaana
Logged
Talat
Guest
«Reply #4 on: June 20, 2006, 06:52:35 PM »
Shukriya DK !

Tosha..I am sorry par meri poem ka wo matlab nahin tha !! sad5

Pooja....aapne bilkul sahi likha hai...meri exactly yahi feelings thi jaisa aapne likha hai !!!
Logged
Naya_Daur
Guest
«Reply #5 on: November 01, 2006, 03:18:14 PM »
Quote from: "Talat"
Phoolon ke daaman main chupe hote hain kaante
Muskurahat jaane kitni saazishon ko hai chupaye
Dost ban kar dagha deta aaya hai yeh zamana
Door bohot door ab humko hai jaana


Here Poetess is trying to express that she is cheated by person's dual nature.One she had trusted more than her life ,decieved her n Now she is trying to leave the past n aheading her life to new world

Quote from: "Talat"
Sheeshe ko bhala pathar hum banaye bhi kaise
Aankhon main utre dard ko chupaye bhi kaise
Mushkil hai ek pal marna ek pal jiye jaana
Door bohot door ab humko hai jaana


in these lines.. there is very deep feeling of her sadness.. she is unable to bear the pain of being cheated ...

Quote from: "Talat"
Rooh tak utri hai jo najaane kaisi yeh thakan hai
Koi nahin apna har shakhs khud main magan hai
Laut kar wapis jahan se na kabhi hai aana
Door bohot door ab humko hai jaana


she is totally lost. she holds no grip over her life. everybody seems to un aware of her needs. she needs care..she need moral support.. but no one cares for her...

Quote from: "Talat"
Woh ek des titliyon ka woh taaron ki ek nagri
Ab tak jise chup chup kar dekha kiya humne
Khwabon ki us nagri se pariyon ko hai aana
Door bohot door ab humko hai jaana


now she is dreaming of her fancy world,,all those loveable moments she thought in her dreams will come true there with her lover.. she is aheading to new world .. in search of her new destiny....
Logged
Talat
Guest
«Reply #6 on: November 11, 2006, 05:12:05 PM »
Jeet....bilkul theek explain kiya hai aapne....Thanks for going through my Poem ! Usual Smile
Logged
deepika_divya
Guest
«Reply #7 on: March 06, 2007, 07:27:49 AM »
Wonderfull talat sis... kabhi main bhi aisa hi sochiti thi tab kya abhi bhi aisa hi sochti hun... mazil aage bahut teh karni hai.. jise apna kehna chahe wahi daga dete hai.... dil ka armaan hota hai ki koi aisa duniya ya aisa pal ho jahan sab kuch sunder aurhasin ho.. viswas ka koi gala na gote.. jo dost raah mein bane woh kabhi na chute...  par sab sapna hai  bas sapna aankho mein basa hum chalte jaate hai,,.. ki door bahut jaana hai...

really it really toching talat sis.. kuch yaad aa gay pad kar....baar baar padna chaungi isse...

sayad teek tareeke se explain nahi kar paai hun,,..
Logged
Talat
Guest
«Reply #8 on: March 21, 2007, 08:20:22 PM »
Bilkul theek explain kiya hai Divs Usual Smile Thanks :D
Logged
raiees
Guest
«Reply #9 on: March 07, 2008, 11:11:58 PM »
It is an average poem, it can be improved a lot, wordings ek dam seedhi hai, kai jagah aur achche lafzon ka istemaal kiya ja sakta tha.. I am not poet but ise shayad ese likhta..

Phoolon ke daaman main chupe hote hain kaante
Muskurahat me hoti hain kitni saazishon ki aahate

2nd paragraph is good, kashmakash ko sahi present kiya hai..

3rd paragraph achcha hai.. jisme pehli line bahut gahri hai lekin 2sri line usko halka kar rahi hai..

Rooh tak utri hai jo najaane kaisi yeh thakan hai
har ummid aur har arzoon is seene me dafan hai..
Laut kar wapis jahan se na kabhi hai aana
Door bohot door ab humko hai jaana

4th paragraph achcha hai jo ek nai ummid batata hai.. lekin usme pariyon ka aana hai to phir hume kyon hai jana..  agar esa hota to:


Khwabon ki us nagri me pariyon ka hai thikana,
Door bohot door ab humko hai jaana....


Sorry for writing negative, my intention is not to offend anyone but to improve him/herself.  shayari me shabdon ke sath ek theme me pakad bhi hona chaiye... am I right?
Logged
Talat
Guest
«Reply #10 on: March 08, 2008, 10:49:06 AM »
Thanks a lor Raiees, for analyzing my peom....People here review the poem and explain, may be its the first time I have seen someone doing the "critics" work !!  I am thankful to you..and will try to improve upon. Usual Smile
Logged
syednaami
Guest
«Reply #11 on: August 18, 2008, 03:45:22 PM »
Bahut niraali aor hoshmand nazm bayan ki hai.
Sab ne is nazm ko apne apne andaz se khoobsurat wazaahat di hai.

Quote
Phoolon ke daaman main chupe hote hain kaante
Muskurahat jaane kitni saazishon ko hai chupaye
Dost ban kar dagha deta aaya hai yeh zamana
Door bohot door ab humko hai jaana

Mukhtasiran inhi sitron par arz karunga baqi kabhi waqt ki munasibat se bayan karunga.

Yun to kahne main umda hain yeh sitren par manfiyat ki jhalak aakhri do sitron se ayaan hai aor title bhi usi zamre men aata hai.

"Phool ko insaan se mushabiha kar ke aap ne achhi baat kahi hai par agar kaanton ko lete hain to woh phool ka hissa nahin hote phool ki tahni yaane phool se alag hote hain aor khaar ek tarah muhaafiz ek tarah se zaalim bhi hote hain matalab mahaol ke hisaab se asar andaaz hote hain."

"Muskuraahat bhi apna ek hajam rakhti hai insaani fitrat ko zaahir karne men, kabhi dil se hoti hai to kabhi rasman aor jo rasman hoti hai so hi kharab hoti hai."

"Dost Dagha aor zamana, Bilkul sahih hai, par dokha waqt nahin mahaol aor girdo paish ke waaqiat se khaate hain, ab chaahe woh dost ki shakal men ho ya phir dushman ki."

Mazeed inshaAllah agli dafa.

SN**
Logged
syednaami
Guest
«Reply #12 on: October 17, 2008, 07:10:08 PM »
Kuchh famayengi muhtarma Celmiraaaaaaa.   Shocked Even More
Logged
Talat
Guest
«Reply #13 on: October 17, 2008, 07:22:47 PM »
Oh..sorry...ise main dekh na paayi pehle  icon_geek

Aapne achchi tashreeh ki hai S. Naami ji..itna waqt diya.....bohot bohot shukriya  notworthy

Jee haan..ye poori nazm hi Udaasi ko byaan karti hai...negativity ya manfiyat ko hi pesh kiya tha is nazm main..jahan koi ummeed na baaqi rahi ho  icon_thumleft

Mere khyaal main phool aur kaanton ko juda nahin kar sakte..jahan phool ka zikr hoga, kaante ka bhi hoga..isiliye ye likha ki "Phoolon ke daaman main chhupe hote hain kaante"

Dhoka chaahe kisi bhi haalaat main mila ho..par agar koi aisa Insaan de jise humne apna dost maana tha, to dukha aur badh jaata hai
Logged
syednaami
Guest
«Reply #14 on: October 17, 2008, 07:47:28 PM »
Shukar Khuda ka khair kuchh to bole.
Naqqaadi se shayir aor shayiri ko taqviyat milti hai, garchi aisa nahin ho raha yeh bhi ek dukh ki baat hai.
Na seekhne ka amal hai na sikhaane ka bas har koi mast magan apne do teen sitron men.
Khair, aap ki nazm par mazeed karvai taahaal munaasib waqt men kalamband karenge.

Shukriya mamnoon-o-mashkoor  icon_thumleft
Logged
Pages: [1] 2  All
Print
Jump to:  


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
July 07, 2020, 08:16:32 AM

Login with username, password and session length
Recent Replies
[July 07, 2020, 03:42:51 AM]

[July 07, 2020, 03:42:19 AM]

[July 07, 2020, 03:41:48 AM]

[July 07, 2020, 03:41:07 AM]

[July 07, 2020, 03:40:32 AM]

[July 07, 2020, 03:39:47 AM]

[July 07, 2020, 03:39:10 AM]

[July 07, 2020, 03:38:24 AM]

[July 06, 2020, 10:50:57 PM]

[July 06, 2020, 10:49:30 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.225 seconds with 23 queries.
[x] Join now community of 8383 Real Poets and poetry admirer