Jaadui Saanp.... By Masoom Shahzada:General Stories

Masoom Shahzada

Guest

Update 1

Apun gahri nind soya hua tha, jab koi jor-jor se aawaje lgakar apun ko uthane ki koshish krne lagaa. Jisse apun ki nind tut gayi. Apun ne ak lambi si angraayi lekar aankhe khaul di
.
"Aapko sir bula rahe hai" Apun ko uthta dekh wo safed wardi-dhari bola aur khisak liya
.
"Maa ki aankh, saale jee bhar ke sone bhi nahi dete" Apun ne bistar chhora aur man hi man gandii-gandii galiya dete huye sir ki lab ki taraf chal pada. Jaise hi apun Lab ke gate par pahuncha gate maiko dekh ke khulta chala gayaa. Apun sir ke saamne jakar baith gaya jo apun ka hi intizar kar rahe the
.
"Vivek, aapko Leema jana hoga"
.
"Jee" Apun uthne laga kyonki bari jor se tatti(sandaas) aane lagi thi
.
"KahaaN chal diye? Pahle pori baat to sun lo" Maiko uth'ta dekh sir bol uththe. Apun ne wapis apna pichwada chair par tika diya
.
"Leema shahar jangalo se lagaa hua hai. WahaaN se pichle ak mahine me 20 log gayab huye hai. Aapko wahaaN jakar dekhna hoga ki mamla kya hai. Log kyoN gayab ho rahe hai.. Kaun..."
.
"Aage maiN achche se janta hu sir ki mai ko kya karna hai" Apun pet pe haath rakhke uthaa aur jhapatkar Lab se nialta chala gaya. Sir piche se kuch kah rahe the par apun sun nahi paya. Kyoki mai ko bahut jaldi thi aesa lag raha tha jaise ak pal aur ruka to kapdo me hi tatti nikal jayegi
.
Apun jab halka hokar washroom se nila to paya ak sufed wardi-dhari intizar me tha
.
"Aapka yaan tayyar hai"
.
"Abe yamraazo kuch to tasalli se kar lene diya karo..... Abhi apun ne brek-fast bhi nahi liya"
.
"Aapka b/f yaan me aapka intizaar kar rahaa hai"
.
"Theek hai Chal" Apun uske saath ho liya. Wo apun ko yaan tak chhodkar chala gaya
.
Yaan me Aryan apun ka intizaar kar rela tha. Wo apun ko dekh ke muskuraya, apun vi jawabi muskurahat paas karte huye naaste ki table ki taraf jhapta.. Aur bola.."Abe bhoot yaan ko auto-pilet mode pe daal ke aa ja. Saath me pet poja karte hai" Aryan apun ka achcha dost hai. Apun ne pyaar se uska naam Bhoot rakh rela hai. Wo esliye kyonki ye sala bhoot ki tarah apun ke piche paraa rahta hai
.
"Na tu kar maiN kar chuka hu" Aryan yaan ke buttons dabaane lagaa. Kuch hi lamho me yaan ka gate band hua aur dhire-dhire hawa me uthne lagaa
.
Apun monh tak achche se thons lene ke baad Aryan se bola..."Apun ko ab nind aa reli hai. Apun so rela hai. Jab pahunch jaye to utha diyo"
.
"Haa utha dunga, tu so ja" Aryan ke honto pe ak shararti muskurahat ubhri thi
.
Yaan teji se apni manjil ki taraf bad rahaa tha. Apun ne us table ka ak button dabaya jis par abhi nasta rakhkha tha wo table niche ko jane lagi aur dekhte hi dekhte yaan ke farsh me samaa gayi. Aur kuch palo baad ak aaramdayak bed fars se aa nikla. Apun us par let gayaa
.
Tak.. Tak... Tak ki aawaj sunkar apun ki aankh khuli to paya apun jangal me ghaas pe paraa huaa hai. Apun samajh gaya kamina bhoot sote me mai ko yahaaN fenk ke chalaa gayaa tha
.
Apun uth kharaa huaa. Kat-kat ki aawaj abhi bhi apun ke kaano me pad rahi thi. Apun ne us aour nazre ghumaayi jidhar se aawaje aa rahii thi. Aur kat-kat ki aawaj karne wale ko dekhne ka soch ke nazre ak jagah zamaa di
.
Apun agar ak jagah nazar zamaa deta tha to bahut door tak ka dekh sakta tha. Chaahe beech me koi divaar ho ped ho paththar ho... Apun sabke paar dekh sakta tha
.
Apun ki nazro ke saamne kuch lamhe hare-hare patte lahraate rahe fir sab apun ki nazro ke saaamne se hatne lagaa aur nazre aage ko badne lagi. Jo ak sukhe aur bahut unche ped par jaakar ruki. Jis par ak larki chaddi huyi thi. Jisne laal soot sufed salwaar pahan rakhkha tha aur apne sufed dupatte ko apni kamar se baandha hua tha. Uske haath me ak kulhaari thi jisse wo ped ke ak tane ko kaat rahi thi. Larki thori sanwali thi par nain-nakas bare shaandaar the. Bari muddat baad koi larki dekhne ko mili thi. Apun ke monh me paani bhar aaya
.
Apun duniya ki raksha karne wale ak group ka hissa tha. Jo aabaadii se bahuuuut dor pahadii gufa'ao me rahte the. JahaaN larki naam ki cheej dekhne ko bhi naseeb nahee hotii thii
.
Apun us ped ke niche pahuncha aur chillaya.."Ae kyaa kar reli tu"
.
Apun ka aawaj sunkar us larki ke haath ruk gaye. Wo edhar-udhar dekhne lagi aur apun par aakar uski aakhe ruk gayii..."Andhaa hai kyaa? Dikhtaa nahii"
.
"Waah kyaa pataakaa si aawaj hai" Apun ne dil me socha aur fir se chillaya..."Kyaa naam hai tera"
.
Wo dubara apne kaam me lag chuki thi fir se haath rok-kar boli.. Nahi chillayi.. Kyonki wo etni upar thi ki bina jor se bole uski aawaj niche tak nahee pahunch saktee thii..."KyoN bataaoN maiN tumhe? Ho kaun tum?"
.
"Ram... Ram Patel naam hai apun ka"
.
Wo lakri katne me lagii rahi koi jawaab na diya. Apun kuch der intizaar karta rahaa fir ped pe chadaa aur uske paas waali daal pe jaake baith gayaa.."MaiN koi madad karuN"

-------
(...Jari)


	Logged

Similar Poetry and Posts (Note: Find replies to above post after the related posts and poetry)
	Wo Jo Andhaa Hai Kharaa Rahne Do......Masoom Shahzada by Masoom Shahzada in Ghazals « 1 2 All »
	SadiyoN Se Laila Majnu Ki Kabre.....masoom shahzada by Masoom Shahzada in Ghazals « 1 2 All »
	Do Chehre..... By Masoom Shahzada by Masoom Shahzada in General Stories « 1 2 All »
	MaiN To Bachcho Ke Khilone...... Masoom Shahzada by Masoom Shahzada in Miscellaneous Shayri
	Missing You My Love...... masoom shahzada by Masoom Shahzada in Miscellaneous Shayri

masoom shahjada

Guest

Re: Jaadui Saanp.... By Masoom Shahzada

«Reply #1 on: October 05, 2013, 07:46:43 PM »

Update 2

Quote

Wo lakri katne me lagii rahi koi jawaab na diya. Apun kuch der intizaar karta rahaa fir ped pe chadaa aur uske paas waali daal pe jaake baith gayaa.."MaiN koi madad karuN"

Wo lakrii kaatne me kuch aese lagii huyi thi ki mere ped pe chhad aane ki use khabar hi na ho saki. Apne piche etne karib se apun ka aawaj sunkar wo buri tarah chauki , palti.. Aur apun ko apne etne paas paakar uski surmayi aankho me halka sa dar aur gaalo par kathorta aa gayi..."Ped pe kyoN charaa tu"
.
"Tera naam janne ke liye" Apun chahka
.
Apun ki baat par usne kulhaari hawa me lahraaayi aur shairni si dahaari..."Jaldi niche utar ja... Warna teri gardan udda dungi"
.
"KyoN utruN? Ye ped kyaa tere baap ka ..." Apun apni baat pori nahi kar paya kyonki apun ka baya hand vibrate karne lagaa tha. Ye signal tha ki Sir apun se baat karna chahte hai
.
Saalo ne apun ki akhkhi body ko cheer-cheerke naa jaane kaun-kaun si device fit karke apun ko lagbhag robot banaa dala tha. Halaki esse apun ak aam inshaan se ak super hero me badal gayaa tha. Wo kaam jo ak aam inshaan ke liye na-mumkin the apun chutki bajaate hi kar sakta tha
.
"To kyaa tere baap ka hai?" wo gusse me boli thi
.
Apun uskii baat ka koi jawaab diye bina ped se kuud padaa. Niche aaakar apun ne nazar uthaayi to paya ki wo chammak challo munh faade hairaani se maiko dekh rahi thi. Kyonki apun 30 foot ki uchaayi se kuudkar niche thik-thak kharaa tha. Apun muskuraya aur aankh maarte huye teji se ghani jhariyo ki taraf badd gayaa
.
Us ped se kuch door jaakar ghane pedo ki jhurmut me apun ruka aur apni vibrate karte haath ko jor se dabaya. Haath ne vibrate karna band kar diya to apun ne saamne hawa me dekha. Hawaa me kuch halke kaale rang ki lakkire aapas me ulajhne lagii. Aur jald hi Sir ki tasveer hawaa me tairti nazar aane lagi
.
"Kyaa aapko Leema ishq laraane ke liye bheja gaya hai?" Sir gusse me the
.
"Na to" Apun ne nazre jhuka li
.
"To fir ham ye kyaa dekh rahe hai?" Sir ki aawaaj me talkhi thi
.
Saale har waqat apun par nazar rakhte hai. Apun man me socha par bola kuch aur..."Sorry, aage se aesa nahee hoga" theek usi waqat ak cheekh faza me buland huyi
.
Apun palta aur cheekh ki dishaa me aankhe jamaayi to dekha ki wahee larki jiski wajah se apun ko daant khaani padd rahi hai cheikhe ja rahi hai. Es waqat wo usi sukhe ped ke niche thi aur ak haraa bilkul haraa saanp uske paanv me daant garaaye huye tha. Aesa saanp apun ne apni akhkhi life me pahlii baar dekhaa tha
.
Apun ne Sir ko wahee chhodkar uski taraf daur lagaa di. Koshish karne par apun bijli ki maafik tej daur sakta tha. Ak hi second me apun uske paas pahunch chuka tha
.
Par tab tak wo hariyal saanp apna kaam khatam kar chukaa tha aur ab wo waapis jhaariyo se hotaa tej gatii se chalaa ja rahaa tha. Apun hairaan tha. KyoN? Kyonki uska speed hawaa ki maafik tha
.
Ak lamhe ko apun ki khopri me idea aaya ki es hariyal saanp ke pichuu jaaun aur use pakad luun. Par fir sochaa ki use pakad ke kyaa achaar dalunga.. Aur waise bhi es waqat es larki ko apun ki jarurat hai
.
Apun ne apna dhayaan waapis hariyal saanp se hataakar us larki pe lagaa diya. Wo dard se karaah rahii thi. Aur usne dono haatho se apna sar thaam rakhkha tha. Aesa lag rahaa tha jaise use chakkar aa rahe ho. Apun ka sochna sahii tha. Agle hi pal wo girne ko huyi. Apun ne use thama aur niche letaa diya
.
Furti se uski kamar se bandhaa dupatta fada aur jis per me saanp ne kata tha usme takhne se thora upar kaske baandh diya
.
"Tum ak kaam kar do. Wo jo saamne baraa sa ped dikh rahaa hai. Uske niche halke sunhare rang ki ghaas khari milegi.. Uske kuch patte todd laaao" usne apni anugali se ek taraf ishara karte huye kahaa
.
Apun ne uske chehre pe ak nazar daali. Uske chehre par maut ka dar chaya huaa tha aur aankhe dard se band huyi ja rahi thi
.
Apun jaldi se gayaa aur sunhari ghaas todd laya. Par jab lauta aur use dekha to hairaan rah gayaa. Wo uthkar baithi gaur se apne paanv ko dekh rahi thi. Aur uske chehre par kisi bhii prakaar ki takleef ya dard ke lachchan nazar nahii aa rele the
.
"Lo sunhari ghaas le aaya ab kyaa karuun?"
.
"Laao mujhe do" wo boli to apun ne ghaas use pakra di
.
Wo kuch pattiya chabaane lagi aur baaki ko nichorkar uska ras apne paanv pe us jagah girana suru kar diya jahaaN saanp ne daant maare the

-------
(...Jari)


	Logged

masoom shahjada

Guest

Re: Jaadui Saanp.... By Masoom Shahzada

«Reply #2 on: October 05, 2013, 07:55:59 PM »

Update 3

Quote

Wo kuch pattiya chabaane lagi aur baaki ko nichorkar uska ras apne paanv pe us jagah girana suru kar diya jahaaN saanp ne daant maare the

"Reet naam hai mera" Usne gardan uthakar mai ko dekha aur muskura di. Shayad ye uska sukriya kahne ka andaaz tha
.
"Theek ho na tum.... Kaisa mahsos kar rahi ho ab" Jaane kyoN apun ko uska fikar hone lagaa tha. Shayad wo dil ke kisi hisse me jagah bnane me kaamyaab ho chuki thi. Esiliye apun Tu se Tum par aa chuka tha
.
"Bilkul pahle jaisa... Shaayad wo saanp jahreela nahi tha" Reet ke chekre par balaa ki narmi fail chuki thi. Wo brabar apun ko dekhte huye jawaab de rahi thi
.
"Rahti kahaaN ho tum?" Muskuraate huye wo etni payaari lag rahii thi ki apun ki nazar uske chehre par atak kar rah gayi
.
"Edhar saamne kuch door hi hmaarii jhopri hai" Reet ne ak taraf anugli se ishara kiya. Apun ne aankhe udhar jamaayi ghaas-fos se bani ak chhoti si jhopri nazar aane lagi
.
"Bilkul thik ho na ab tum.... Akeli ja sakti ho na ghar ya koi madam karuun"
.
"HaaN chali jaaongi.. Tum pareshaan mat ho" Apun ko apni es tarah fikar karte dekh Reet ke chehre ki ronak aur badd gayi aur aankho me ak khaas kism ki chamak ubhar aayi. Apun uski kaatil aankho me khokar rah gayaa
.
Apun ke es tarah dekhne se wo sarmaaii aur gardan jhuka li aur be-wajah apni haatho ki anguliya marodne lagi. Sharmaate huye wo kuch aur pyaari nazar aane lagi thi. Apun be-khud sa use dekhta rah gayaa. Wo beech-beech me thori-thori der baad palke uthaakar apun ko dekhti aur fir jhuka leti
.
Theek tabhii apun ka haath vibrate huaa to apun ko hosh aaya...."Achaa to apun chalta hai"
.
"KahaaN ja rahe ho" Wo akdam se uth khari huyi
.
"Bas shahar tak jana hai. Kuch kaam hai"
.
"Fir kab miloge" Reet ne kahkar jeebh daanto tale dabaa li. Shaayad ye apne aap uske monh se nikla tha
.
"Pataa na" Apun bola aur bina uski taraf dekhe chal diya. Kuch door jaane par apun ne dil ke haatho majboor hokar gardan ghumakar use dekha. Wo abhi tak apun ki taraf hi dekh rahi thi. Chehre par udaasi chaa gayi thi. Aankho me dukh sa nazar aa rahaa tha. Apun ko palat'ta dekh usne jabardasti muskuraane ki koshish ki aur ak fiki si muskaan chehre par sazaa li
.
Uski ye haaalat apun ke dil par asar karne lagi. Apun ka dil chaha ki wapis laut jaaye. Par apun ka lagaataar vibrate karta haath apun ko rok rela tha. Apun ne bhi ak fiki si muskuraahat uski taraf uchaali aur gardan wapis modkar apne kadmo ki raftaar tez kar di
.
Shahar pahunchkar apun gaayab ho chuke logo ke baare me jaankaari ekatta karne me jutt gayaa. Khopri ghuma dene wali baat maloom huyii thi. Jitne log bhi gaayab huye the sabko saanp ne dasaa tha. Apun ke bheje me saali ye baat nahi samaa rahii thi. Saanp ke dasne se to log maraa karte hai. Ye gaayab kaise ho rahe the
.
Tabhi apun ki khopri me Reet ka khayaal aaya. Use bhi to saanp ne dasaa tha. KaheeN wo bhi to gaayab nahi hone waali. Par aesa kaise ho sakta hai. Tabhi apun ke dimaag me khayaal aaya ho bhi sakta hai. Jaise saanp ke dasne se uski haalat kharaab huyi aur fir rahasaymay dhang se apne aap theek ho gayi. Kuch to garbar lagti hai. Chal yaar kaun magajmaari kare chal kar dekh letaa huun
.
Apun kuch der baad hi us jhopri ke saamne kharaa tha. Andar se kisii ke rone ki aawaj aa rahi thi
.
"Koi hai kyaa?" Apun ne baahar se hi aawaj lagayi. Ak budiya apne aansu pochte huye jhopri se nikli aur apun ka sar se paanv tak x-ray karne ke baad boli..."Kaun ho beta tum?... Kyaa chaahte ho?"
,
"Bas edhar se gujar rahaa tha. Rone ki aawaj sunkar ruk gayaa... Kyaa huaa? Aap kyoN ro rahii hai? Kyaa apun koi madad kar sakta hai?"
.
Budiya kuch pal chup rahi fir boli..."Beta meri beti subah se laapta hai.wo lakri kaatne gaii thii. Abhi tak nahii lauti. Ak ped ke niche se uski kulhaari aur kuch kati huii lakriyaa mili par uska koi pataa nahi lagaa... Na jaane meri bachchi kahaaN hai? Kis haal... me ... hai?" Bolte-bolte budiya ka galaa rundh gayaa, wo rone lagi
.
Jis baat ka dar tha wahii huaa tha. Reet bhi gaayab ho chuki thi. Apun ne budiya ko tasalli di aur Reet ki talaash me nikal kharaa huaa. Jangal me chaaro taraf nazar jamaa-jamaa ke dekh li par door-door tak koi nazar nahii aa rahaa tha. Raat gaye tak apun bhataktaa rahaa par kuch haasil naa huaa. Thak haarkar apun ak ped ke niche so gayaa
.
Subah apun ke per me kaanta sa chubhne se apun ki neend tuti. Pero ki taraf dekha to paya ak haraa saanp rengta huaa bhaaga ja rahaa tha. Apun ne pahchaan liya ye wahii saanp tha jisne kal Reet ko kata tha
.
Apun ne apne per ko dekha to usme saanp ke kaate ka nishaan nazar aaya jisme se halka sa khoon nikal rahaa tha
.
Apun ne fir se saanp ko dekha to wo bahut door nikal chukaa tha. Hawaa ki si raftaar se wo ak taraf ko bhaga ja rahaa tha. Apun utha aur uske piche daur paraa. Kuch hi der me apun uske etne paas pahunch chuka tha ki jab chaahe use paanv tale kuchal sakta tha

-------
(...Jari)


	Logged

masoom shahjada

Guest

Re: Jaadui Saanp.... By Masoom Shahzada

«Reply #3 on: October 05, 2013, 08:04:06 PM »

Update 4

Quote

Apun ne fir se saanp ko dekha to wo bahut door nikal chukaa tha. Hawaa ki si raftaar se wo ak taraf ko bhaga ja rahaa tha. Apun utha aur uske piche daur paraa. Kuch hi der me apun uske etne paas pahunch chuka tha ki jab chaahe use paanv tale kuchal sakta tha

Par aapun ne aesa nahi kiyaa. Aapun uska pichaa karnaa chaahta tha. Dekhna chaahta tha ki wo kidhar jata hai. Apun ko ye ummid thi ki apun uske pichhu jaakar Reet tak pahunch sakta hai
.
Apun hairaan bhi tha wo esliye kyonki apun ka pichaa karne par bhii saanp ko koi farak nahi paraa tha. Wo ak nishchit raftaar se ak taraf rengta chalaa ja rahaa tha. Apun uskaa pichaa karta rahaa
.
Jangal piche chhut gayaa. Chattane aa gayii. Wo chattano ke beech se bane raasto se hokar aage bartaa rahaa. Bahut der tak es bhaagam-bhaag ke baad apun log aesi jagah pahunche. JahaaN chattane upar jaakar aapas me mil gayii thi. Jisse ak chhat si ban gayi thi. Aur ab raasta surang sa hokar rah gayaa tha
.
Sun baba ki light andar nahi pahunch pa rahi thi esliye achchaa-khasa andheraa tha. Wo to achcha tha ki apun andhere me bhi thiik usii prakaar dekh sakta tha jaise roshnii me esliye apun ko uska pichaa karne me koi pareshaani nahi ho rahii thi
.
Kuch aage jaane par door aage dudhiya prakaash sa nazar aane lagaa. Apun ne udhar aankhe zamaayi to paya, aage jaakar surang ne ak haal ka roop le liya tha. Jisme kratim prakaash faila huaa tha. WahaaN kaai mashine mojud thi. Jinme se ak machine par ak aadmine jhuka kuch kar rahaa tha. Uske kapro se hi pataa lag rahaa tha ki ye ak scientist hai
.
Aapun ko samajhte der na lagi ki yahii fasaad ki jadd hai. Apun ko lagaa ki aapun apni manzil tak pahunch chuka hai to es saanp se apne aur Reet ke kaatne ka badlaa le liya jaaye.
.
Apun bijli se bhi tezi se niche jhuka aur saanp ko ponch pakad kar uthaa liya. Apun ne sun rakhkhaa tha ki saanp ki body akdam thandi sunn hoti hai par eski body to garam thi.. Apun ne socha etti bhaag-daur ke kaaran eski body garam ho gayi hogi
.
Apun ne use chattaan ki diwaar se de mara. Halki si aawaaj huyi aur wo Saanp chote-chote tukde hokar jameen par bikhar gayaa. Apun ruk gayaa aur jameen par bikhre chote-chote hare kaanch ke se tudro ko dekhne lagaa
.
To ye ak asli saanp nahi balki ak device thi. Ab to sochne ki koi baat hi nahi rah gayi thii. Saaf jaahir tha ki sab kuch es scientist ka hi kiyaa-dharaa tha
.
Apun use waheeN chhodkar aage baraa aur us haal me ja pahuncha..."Hello scientist"
.
Aapun ka aawaaj sunkar wo paltaa aur apun ko dekhkar pahle uske chehre par hairat chaayi rahi jo jald hi gusse me badal gayii.."Kaun ho tum?... Aur yahaaN kaise aaye?"
.
"Saale apne baap ko bhool gayaa"
.
"Kyaa bakwaas ha?.... YahaaN kyoN aaye ho?"
.
"Un logo ko lene jinhe tu ne gaayab kiya hai"
.
"Log... maine gaayab kiyaa hai" Wo hairaan huaa..."Tumhara dimaag to theek hai... Kyaa-kyaa bake ja rahe ho. Maine kisi ko gaayab nahii kiya"
.
"Saale tu aese nahi bataayegaa ruk" Apun ne edhar-udhar dekhaa. Ak machine par khatre ka nishaan banaa tha. Jisme ak parakhnali fasii thi, usme koi liquid tha
.
Apun uski taraf baraa aur wo parakhnalii nikaal li. Piche se wo scientist chillata apun ke pichuu aaya..."Kyaa kar rahe ho... Rakho use wahii.... Wahi rakho... Chhodo mujhe..... Chhodo .... aaah ..... Nahii..." Esse aage ki baat uske halak se nikal hi nahi saki kyonki apun ne uske munh me parakhnali ghused di aur pora liquid uske halak me udel diya. Jab pora liuid uske pet me chalaa gayaa to uske munh se parakhnalii nikaali
.
"Ye tumne kyaa kiyaa" Wo bas etna hi bol paya. Fir uske baad wo dard se jhatpataane lagaa
.
Tabhi apun ne ak chamatkaar dekhaa. Uski aankhe laal angara si ho gayi. Dekhte hi dekhte uski akhkhii body ka color kala padtaa chalaa gayaa. Akhkhi Body ka size baddne lagaa. Uske kapre fat'te chale gaye. Haatho ke naakhon khoob lambe hote chale gaye
.
Apun munh faade use dekhe gayaa. Ab apun ke saamne apun se dugne kad-kaathi ka ak kala shaitaan kharaa tha. Jiski surkh aankho se gussa tapak rahaa tha
.
Sala apun ko malom nahi tha ki us liquid se ye sala inshaan se shaitaan ban jaayega. Apun ne to bas herogiri dikhaaane ke liye wo liquid ese pila dala tha. Agar pataa hotaa to apun es jhanjhat me na fastaa
.
Wo shaitaan ajeeb-ajeeb aawaje nikalta apun ki taraf baraa.. Esse pahle ki apun kuch samajh pata.. Usne apun ko tinke ki trah uthaakar hawaa me uchaal diya
.
Apun hawaa me tha ki aesa lagaa jaise apun ko kuch haatho ne pakadaa aur ak taraf ko kheech liya. Apun hawaa me hi steel jaise kisi fars se takraya. Jo nazar nahii aa rahi thi. Apun abhi hairaan hi tha ki aesa lagaa jaise aapun ke haath pair kisi cheej se jakde jaa chuke hai par kuch nazar nahii aa rahaa tha. Apun ne hilne ki koshish ki par hil na sakaa
.
Tabhi hawaa me hii apun ka rukh apne badla aur apun hawaa me uddte huye udhar jaaane lagaa jidhar se apun us saanp ke pichuu aaya tha

-------
(...Jari)


	Logged

masoom shahjada

Guest

Re: Jaadui Saanp.... By Masoom Shahzada

«Reply #4 on: October 05, 2013, 08:14:58 PM »

Update 5

Quote

Tabhi hawaa me hii apun ka rukh apne aap badla aur apun hawaa me uddte huye udhar jaaane lagaa jidhar se apun us saanp ke pichuu aaya tha

Ye aapun ke saath kyaa ho relaa tha aapun ki samajh se baahar tha. Aapun ne gardan piche modkar dekha to wo kala shaitaan apun ke pichuu lagaa tha. Jis cheej se apun ke haath-pair bandhe the bahut majboot thi par aapun ke liye use todna koi mushkil nahi tha. Apun ne zaraa sa jor lagaya to saare bandhan tut'te chale gaye
.
Haath aazad hote hi aapun ne hawaa me edhar-udhar hilaaye to aapun ka haath kisi se takraya. Aapun ne use haatho se pakdaa to aesaa lagaa jaise kisi ka chehraa ho. Apun ne tatolkar apni do anugaliya uske naak ke dono chhed me gused di
.
Thik usi waqat 3-4 aawaje apun ke kaano me padni suru huyi. Aawaaje aapun ke aas-paas se hi aa rahii thi. Jaane kaun si bhasa ka proyog kiyaa ja rahaa tha. Ye bhasha aapun ne pahlii baar suni thi esliye aapun ko kuch samajh nahii aaya
.
Tabhii aesa lagaa jaise 3 ya 4 log apun ko milkar lipat gaye ho. Apun ne uski naak ke suraakho se apni anugali nikaali aur khud se lipate logo ko door jhatak diya
.
Ab aapun uth kharaa huaa aur hawaa me haath aur pair chalaakar nazar naa aane waali balaa ko maarne ki koshish karne lagaa
.
Jisse nuksaan aapun ka hi huaa. Aapun ka to ak-aadh haath hi kisi ko paraa par aapun ki unhone achchi-khaasi maramat kar di. Kabhi koi haath edhar se aa ke lagtaa, kabhi udhar se.. Kabhi aage se aur kabhi piche se
.
Kaafi der tak pit'te rahne ke baad aapun ko gussa aane lagaa. Aapun aage baraa ettefaak se kisi ka haath aapun ki pakad me aa gayaa. Aapun ne haath ko apun taraf khincha aur us haath ke maalik ko sar se unchaa uthaakar jor se saamne ko uchaal diyaa
.
Ab aapun log us gufaa se nikal chuke the aur ak lambe-chaure maidaan ke upar se gujar rahe the. Jiske dono taraf unchi-unchi chattaan thi. Tabhi kisi ke girne ki aawaaj aayi saath hi ak cheek bhi buland huyi. Shaayad jisko aapun ne fekaa tha ye cheekh usii ki thi
.
Jis nazar na aane waale farash par aapun kharaa tha wo burii tarah hilne lagaa. Aur aapun logo ka rukh apni baayi taraf khari chattan ki taraf ho gayaa. Jhatke etne tej the ki aapun samhal na paya aur dikhaayi na dene waale steel jaise farash par gir padaa
.
Ab aapun ne dekhaa aapun tez raftaar se chattan ki taraf baddta ja rahaa hai. Apun ka sar chattan se kuch hi door tha ki tabhi ak jordaar aawaj huyi aur ak chamatkaar sa huaa. Aapun ko jo ab tak nazar nahii aa rahaa tha wo nazar aane lagaa. Aapun ak lambe-chure yaan me tha. Abhi jo jordaar aawaj huyi thi wo shaayad esii yaan ki chattan se takraane se huyi thi. Yaan me aapun ke alawa 4 ajeeb-ao-gareeb dikhne waale inshaan aur the
.
Abhi aapun etna hi dekh paya tha ki wo yaan niche girte-2 jameen se ja takraya jisse apun uchla aur aapun ka sar yaan ki diwaar se takraya. Aapun ka matha zaraa sa fatt gayaa aur usme se halka-halka khoon nikalne lagaa
.
Jiski aapun ko koi parwaah nahi thi aapun uth kharaa huaa aur un chaar ajeeb-greeb inshaano ko dekhne lagaa. We sab chaar-2 foot ke the. Aankho ko chhodkar unki akhkhi body ka rang haraa tha bilkul hare karele jaisa. Aankhe halke bhure rang ki thi. Maatha aur naak jarurat se kuch jayada hi lambe the. Naak aur maathe ko chhodkar unkaa sab kuch inshaano jaisa aur inshaano jitna hi tha
.
Un chaaro ki haalat aapun se bhi badtar thi. Aapun ne unpe se nazar hataakar yaan se baahar dekhaa to ak aur musibat khari nazar aayi. Wo kala shaitaan yaan ke baahar kharaa apun ko hi ghor relaa tha. Achaanak wo jhukaa aur yaan ko uthaane lagaa. Uski taqat dekhkar aapun hairaan rah gaya, usne bari aasani se yaan ko sar se upar uthaya aur chattan ki taraf uchaal diya
.
Esse pahle ki yaan fir se chattan se takrata aur aapun ki body ke kisi aur part ka band bajta. Aapun uthaa aur yaan ke darwaaje ko todtaa huaa niche kaud gayaa
.
Yaan chattan se takraakar aapun se bahut door jameen par jaakar giraa. Kaale daanav ki nazar aapun par nahi padi. Wo fir se yaan ki taraf badaa thik usii waqat kahee se ak bahuut baraa yaan hawaa me tairta huaa aaya. Jisme se baingni rang ki kirne(rays) nikli jo kaale shaitaan ki taraf bari aur uski body se jaa takraayi. Aapun ne dekhaa us shaitaan ki akhkhii body ke chhote-chhote part hokar jameen par bikhar gaye
.
Aapun ka dhayaan us shitaan ki taraf tha. Jab aapun ne usse nazar hataakar waapis yaan ki taraf dekhaa to waisi hi baingni kirne apni taraf aati dekhi, jo abhi kuch der pahle us kaale shaitaan se takraayi thi. We kirne aapun ke etne kareeb aa chuki thi ki aapun ko samajh hi nahi aaya ki kyaa kare
.
Us kaale shaitaan ka haal aapun apni aankho se dekh chuka thaa aapun ko pakka yakeen ho gayaa ki kuch pal baad aapun ka bhii wahii haal hone wala hai. Dar ke maare aapun ki aankhe apne aap band hoti chali gayi

-------
(...Jari)


	Logged

masoom shahjada

Guest

Re: Jaadui Saanp.... By Masoom Shahzada

«Reply #5 on: October 05, 2013, 08:23:46 PM »

Update 6

Tabhi aapun ko aesa lagaa jaise aapun hawaa me uddne lagaa hai. Aapun ne aankhe kholi to dekhaa aapun wakai hawaa me upar ko uddta chalaa ja rahaa tha. Aur wo baingni kirne pairo ke niche ko nikal gayi thi
.
Apun ki samajh na aaya ki aesa kyon huaa fir aese hi aapun ne nazar uthaakr aasmaan me dekhaa to upar Aryan ka yaan nazar aaya. Aapun ki body me fit ak device ki madad se usne aapun ko upar kheench liyaa tha. Aapun yaan ki taraf khincha chalaa ja raha tha. Jaise hi aapun yaan ke nichle hisse ke nazdik pahuncha wo apne aap khul gayaa aur aapun ke andar ghuste hi band ho gayaa
.
"Abe bhoot kuch kar enka" Apun Aryan ki taraf baddta huaa bola. Abhi Aryan yaan ko ghuma hi rahaa tha ki aapun ne dekhaa us yaan se es baar laal kirne nikal kar aapun ke yaan ki taraf aane lagi
.
Aaryan ne jaldi se yaan ka darwaja khola aur chillaya.."Vivek jaldi niche kaud"
.
Apun ne uskaa haath pakad liya aur dono saath kaud pare
"Abe bhoot enhe kaise roka ja sakta hai"
"Shaayad enke yaan ko nast(destroy) karke" Aryan ki baat sunkar aapun ne niche girte-girte hi jeb me haath daalkar chaar chhote-2 boom nikaaalkar us yaan ki taraf fenk diye. Unme se har ak boom etna shaktishaali tha ki bari se bari chattan tak ko udda sakta tha
.
Aapun ne dekha edhar unke laal kirne hamaare yaan ko chirte huye nikali aur thik usi waqat aapun duvara fenke gaye boom unke yaan se takraaye aur ak saath chaar kaan ke parde faad dene waale wisfot huye. Jisme us yaaan ke chithre udd gaye
.
Kuch pal baad apun dono bhi jameen par utar gaye. Aapun ne Aryan ko pakad rakhkha tha esliye use koi chhot nahi aayi. Jameen par utarte hi aapun Aryan ke gale lag gayaa.."Thanks yaar"
.
"Door hatt be Gay kahi ke" Bhoot ne aapun ko door dhakel diya aur aapun dono hans pare
.
"Aa unhe dekhte hai, koi jinda hai kyaa?" Aryan bola aur aapun dono us yaan ki taraf chal diye jisme aapun ne 4 bhootnumaa inshaan dekhe the. Aapun log us yaan ne gaye to paya. 3 to mar chuke the 1 jinda tha, jiski haalat bhi etni naajuk thi ki kab dam todd jaaye kahaa nahi ja sakta tha
.
Aryan ne usse kahaa.."Hello" . Wo apni jubaan me kuch bola. Jo aapun ke palle nahi padaa. Par aapun jab chauk uththaa jab Aryan usi ki jubaan me kuch bola. Wo dono kuch der tak jaane kya-kya bakte rahe fir usne dam tod diya
.
"Abe bhoot kya kah rela tha ye tera bhai"
.
"Bol raha tha ki ye Planet Vex se aaye the. Ye kul 6 the, 2 us bare yaan me maare gaye, jise tu ne udaya. Enke Raja ne enhe 30 logo ko laane ke liye dharti pe bheja tha. Ab tak ye 21 logo ko kidnap kar chuke the. Tum 22ve the"
.
"Kya karta enka raja hamara"
.
"Enke raja ko kisi ne idea diya tha ki inshaan achche naukar hote hai. Esiliye usne 30 logo ko lene bheja tha"
.
"Us hare saanp ka btaya esne kuch"
.
"Wo saanp nahi tha balki ak device thi. Jisse ye alag-alag dimaag aur alag-alag taaqat waale logo ko search karne ka kaam lete the. Wo device jise bhi dasti thi uske jism me ak chhoti si tracing device chhod jati thi. Jisse ye us aadmi ko trace kar lete aur fir use adarsay yaan me jaakar kidnap kar laate"
.
"Kya we sab log jinhe enhone kidnap kiya tha usi yaan me the jise aapun ne uda dala?" Ye sawaal pochte huye aapun ka dil jor-jor se dhadak raha tha
.
"Nahi we sab enhi chattano me ak gufa me kaid hai. Aao un sabko aazad karaate hai" Aryan ne kahaa aur ak taraf ko bad gaya apun ne chain ki sans li
.
"Wo scientist kon tha" Aapun ne pochaa
.
"Esi desh ka ak mahaan scientist tha jo yahaaN gupt roop se koi khooj kar rahaa tha"
.
Wo gufa jyada dor nahi thi. Aapun log jald hi waha pahunch gaye. Gufa ka munh ak sufed plastic si dikhne wali kisi dhatu se band tha. Aryan ne jaise hi todne ke liye us plastic ko hath lagaya. Ak jor ka bijli ka jhatka laga aur wo door ja gira. Aapun ka haste-2 bura haal ho gayaa. Wo aapun ko gaaliya bakne lagaa. Aapun ne us plastic ko gaur se dekha to side me ak red color ka chhota sa button nazar aaya. Aapun ne use dabaya, plastic ak traf ko hat'ti chali gayi. Aapun dono andar gaye aur sabko baahar nikaalne lage
.
Tabhi Reet nazar aayi wo aapun ko dekhte hi dorti huyi aayi aur aapun se lipat gayi. Jise dekhkar Aryan arthpun dhang se muskuraya. Kuch der me wo aapun se alag huyi to aapun ke maathe pe jhakham dekhkar pareshaan huyi. Jisse ab khoon bahna band ho chuka tha. Usne jhat se apna dupatta fada aur aapun ke maathe pe patti baandhne lagi
.
Sir ne apne liye ak yaan bhej diya tha. Aryan ne Reet ko chhodkar sabko usme baithaya aur chhodne chalaa gaya. Aapun Reet ko banho me bharkar baith gaya aur pyaar se baateiN karne laga
.
"Abe bhabhi se mera bhi to introduction karwa" Aryan ki aawaj par ham chunke wo sabko chhodkar aa chuka tha. Reet sarmaayi aur aapun ki banho se nikal gayi
.
Kuch der baad aapun logo ka yaan Reet ke jhopre se kuch door khara tha
.
"Achcha ab chalta hu"
"Fir kab aaoge"
Apun ne pyar se uske mathe ko chuma aur bola.."Bahut jald"

THE END


	Logged

aqsh

Guest

Re: Jaadui Saanp.... By Masoom Shahzada

«Reply #6 on: October 05, 2013, 08:29:18 PM »

Hmm Masoom tumhara character profile pic se match kar raha hai... achchi story thi par is baar itne mein hi bas kyun kiye...last dupatta wala scene 80's ke picture ka yaad dila gaya.. just awesome.. aur hamesha likhte raho...


	Logged

Saman Firdaus

Guest

Re: Jaadui Saanp.... By Masoom Shahzada

«Reply #7 on: October 05, 2013, 10:17:57 PM »

Awsome story. Please iss story ko aage badhaye. Bahot achhi story hai. I wish ki mai aage pdh pati. I truely LOVED it from the bottom of my HEART...likhte rahiye..


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: Jaadui Saanp.... By Masoom Shahzada

«Reply #8 on: October 05, 2013, 11:19:48 PM »

a very long story aur haan pic men cigrate peete hue achhe naheen lagte bhai


	Logged

nandbahu

Mashhur Shayar

Rau: 122

Offline

Gender: Male

Waqt Bitaya:
20 days, 3 hours and 19 minutes.
Posts: 14552
Member Since: Sep 2011

Re: Jaadui Saanp.... By Masoom Shahzada

«Reply #9 on: October 06, 2013, 09:56:34 AM »

nice story


	Logged

masoom shahjada

Guest

Re: Jaadui Saanp.... By Masoom Shahzada

«Reply #10 on: October 06, 2013, 07:43:28 PM »

Quote from: aqsh on October 05, 2013, 08:29:18 PM

Aap hameshaa meri profic pic ke piche pare rahte ho... Abhii change kartaa huun...... By the way thanks for reading and liking the story


	Logged

masoom shahjada

Guest

Re: Jaadui Saanp.... By Masoom Shahzada

«Reply #11 on: October 09, 2013, 06:19:46 PM »

Quote from: Saman Firdaus on October 05, 2013, 10:17:57 PM

Awsome story. Please iss story ko aage badhaye. Bahot achhi story hai. I wish ki mai aage pdh pati. I truely LOVED it from the bottom of my HEART...likhte rahiye..

Thanks a dear for reading and liking this story.......
Haa soch rahaa huun ki eskaa dosra part likhuun


	Logged

Saman Firdaus

Guest

Re: Jaadui Saanp.... By Masoom Shahzada

«Reply #12 on: October 09, 2013, 06:22:14 PM »

Quote from: Masoom Shahzada on October 09, 2013, 06:19:46 PM

Thanks a dear for reading and liking this story.......
Haa soch rahaa huun ki eskaa dosra part likhuun

My Pleasure...
Hmm thts good nd thts cho chweet of u..
Insha allah jald se jald banaiye aur post kijie... I will wait.. Usual Smile


	Logged

masoom shahjada

Guest

Re: Jaadui Saanp.... By Masoom Shahzada

«Reply #13 on: October 09, 2013, 06:26:14 PM »

Quote from: Saman Firdaus on October 09, 2013, 06:22:14 PM

My Pleasure...
Hmm thts good nd thts cho chweet of u..
Insha allah jald se jald banaiye aur post kijie... I will wait.. Usual Smile

ha ha ha ha kyaa baat hai maskaaa lagaa rahe ho...... By the way.... Now a days i m working on a another story named Do Chehre... I will post here that one after completing.... Thanks for waiting


	Logged

Saman Firdaus

Guest

Re: Jaadui Saanp.... By Masoom Shahzada

«Reply #14 on: October 09, 2013, 06:29:04 PM »

Quote from: Masoom Shahzada on October 09, 2013, 06:26:14 PM

ha ha ha ha kyaa baat hai maskaaa lagaa rahe ho...... By the way.... Now a days i m working on a another story named Do Chehre... I will post here that one after completing.... Thanks for waiting

Nahi ji mujhe kya zarurt padi hai dusro ko buttering krne ki.. OH ok.. i will read it surely.... My Pleasure...


	Logged

Pages: [1]

Yoindia ShayariAdab > Stories, Quotes and Related Stuff > General Stories > Topic: Jaadui Saanp.... By Masoom Shahzada