Unknown Target...........masoom

by Masoom Shahzada on August 13, 2012, 03:29:02 AM
Pages: 1 ... 6 7 8 9 [10] 11 12 13 14 ... 19
Print
Author  (Read 35602 times)
masoom shahjada
Guest
«Reply #135 on: October 07, 2012, 04:59:23 PM »
Update 47
Raat bhar aaraam-ao-sakon se sone ke baad suraj ne apnee aankhe kholee aur subah kar dee.
Dekhte hai ye nayi subah Shaan aur Riya kee jindagi me kya badlaaw lati hai.
.
Subah 08:30AM par Riya ke papa Riya ko Sanjana ke gate ke aage utar ke apne office ke liye nikal gaye
.
Riya ne apne kadam Sanjana ke ghar ke gate ki taraf uthaye aur gate paas pahonchkar ek pal ke liye ruki aur apni najuk si ungali door-bail pe rakh di. Gate Shaan ne khola aur saamne Riya ko dekhkar buri tarah chonka
.
Dosri taraf Riya ki najar jo Shaan pe pari to wo Shaan ko dekhti hi rah gayi. Bin palke jhapkaye ek tak
.
Riya apne dil hi dil me kah rahi thi.."koi mard etna haseen kaise ho sakta hai
.
Riya ko jane kiyoN aesa lag raha tha jaise usne Shaan ko pahle kaheeN dekha hai. Ek baar nahi baar-baar dekha hai. Par kahaaN dekha hai use wo yaad nahi aa raha tha
.
.
Shaan bhi bin apni palke jhapkaye ek tak Riya ko dekhe ja raha tha. Riya ke alawa na to use kuch dikhayi de raha tha aur nahi kuch sunayi de raha tha. Bilkul aesi hi haalat Riya ki bhi thi. Jane kitne pal. Jane kitne lamhe aese hi gujar gaye
.
Sabse pahle Shaan ko hosh aaya. Riya ko khud ko es tarah dekhta paakar wo muskuraya
.
Aur apne vollet se ek 10 rupee ki note nikal ke Riya ki taraf barate huye bola.."Ae tu es tarah line kya maar rahi hai.. Le ye pakar aur yahaaN se nikal"
.
Shaan ki aawaj sunkar Riya khawab ki si haalat se nikli. Aur apni es khata pe sarmayi aur apni gardan jhuka li. Shaan ki baat to wo sahi se sun hi nahi payi thi. Esliye chup rahi. Kuch na boli
.
"Ae larki, behri hai kya tu" Shaan jra si tej aawaz me bola. Uske chehre pe bhi jra jra sa gussa dikhayi de raha tha. Par uski aankho me shararat saaf dekhi ja sakti thi
.
"Jee..jee.nahi main Riya hoN" Riya apni darkano ko kabu karte huye boli
.
Uska dil baar-baar Shaan ko dekhne ki jidd kar rahaa tha. Jise wo radd karte huye apni najre jameen pe tikaye huye.. Aajma'eso ke daur se gujar rahi thi
 .
"Riya ho to kya paise jyada logi" Shaan bola aur apne vollet se 500 ki ek note Riya ki taraf baraa di
.
"Jee aap galat samajh rahe hai. Main Sanjana ki friend hoN" Riya us note pe ek najar daalke Shaan ki neelee neelee aankho me apni aankhe daalte huye boli
.
Aur yahaaN wo galti kar gayi. Jaise hi uski najre Shaan ki najro se mili. Uska dil kuch etni jor se darka ki ek baar to use bhi aese laga jaise bas abhi uske seene ki deevar ko cheer-kar baahar aa jayega. Riya ghabrayi aur apni palko ki jhalar gira li
.
"Sanjana ki dost ho to kyaa maiN dance karuN" Shaan ba-kaayda apne dono kulhe matkaate huye bola
.
Jise dekhkar Riya ki hansee chut gayi. Kisee tarah apni hansee pe kabu paate huye wo boli..."Jee wo maiN Sanjana se milne aayi hoN". Etna kahkar wo fir hasne lag
.
Riya ko khikhilake hansta dekh Shaan ke chere pe ek sakoon sa fail gayaa
.
"MaiN bhabhi se kahta hoN. Tu baahar hi rahnaa. Andar aane ki koshish mat karna. Suna hai aaj-kal bhikari log din me ghar ki location dekh jate hai aur raat ko choori karne aa jate hai" Shaan bola
.
Shaan ki baat sunkar Riya ki hansee kam honi suru huyi aur hote-hote bilkul ruk hi gayi. Ab wo apna monh failaaye paaglo ki tarah Shaan ko dekh rahi thi
.
"Bhabhi jane kab se bhiikariyoN se dosti karne lag gayi" Shaan khud se kahta hua andar aaya. Aur gate band karke kitchen ki taraf chal diya. Kiyonki Sanjana es waqat kitchen me hi thi.
.
Aur ab tak jo Shaan ka chehra normal lag rahaa tha us par ek dilkash muskurahat aakar baith gayi. Shayad sadiyoN baad Shaan ke chehre pe etni Shaandaar muskurahat aayi thi
.
Dosri taraf Riya ko ab samajh aaya tha ki Shaan uski aour paise kiyoN baraa rahaa tha. Usne niche se lagakar upar tak ek gahree najar khud pe daali ki black jeans aur blue top me wo kis angel se bhikaran najar aa rahi hai
.
.
"Bhabhi aapse milne aapki friend Riya aayi hai" Shaan kitchen ke paas pahonchte hi chillaaya
.
"KahaaN hai wo" Kitchen se baahar aakar apne pore ghar me najar daurane ke baad Sanjana boli thi
.
"Baahar khari hai" Shaan muskurate huye bola
.
Shaan ki baat sukar Sanjana ne kuch kahne ke liye monh khola fir kuch sochkar bina kuch kahe hi baahar ko lapki aur Riya ko lekar anadar aayi aur fir use lekar dring room ki taraf chal di. Shaan bhi dono ke piche-piche ho liya
 .
"Riya ense milo. Ye hai Karan ke jaan se bhi pyare dost Shaan.. Aur Shaan bhaai ye hai meri friend Riya" Sanjana ne dono ka introduction ek dosre se karwaya
.
"Riya tum to bhabhi se milne aayi thi.. Aur kamaal hai abhi tak nahi mili.. OH shayad tumhe milna nahi aata hai.. Chalo koi baat nahi... MaiN sikhata hoN" Shaan bola aur Riya ki taraf barne lagaa
.
Sanjana aur Riya Shaan ki baat ka matlab samajhne ki nakaam koshish kar rahe the
.
Riya ke kareeb pahonchkar Shaan ne riya ko baanho me bhar liya..

............
(Jari...)
Logged
Similar Poetry and Posts (Note: Find replies to above post after the related posts and poetry)
My mind sails, through an unknown sea! by abdbundeli in English
Na Kamal-e-Fun Hi Mila Mujhe - Not Mine (Shayr Unknown to me) by fernsk in Shayri-E-Dard
A shared poetry-writer unknown by tamanna1 in Share:Love Poetry
apnay badlay huway lehjay ki wazahat karna- Unknown by ghayal_shayar in Urdu Poets « 1 2  All »
saathoN ki kasoor ho geya--Unknown by ghayal_shayar in Pain in Love : Punjabi poetry
masoom shahjada
Guest
«Reply #136 on: October 07, 2012, 04:59:57 PM »
......
Logged
masoom shahjada
Guest
«Reply #137 on: October 09, 2012, 11:55:20 AM »
Update 48

Aur Riya ko apni baaNho me bhar liya. Shaan ki baanho me aate hi Riya ko apne andar ek sakon sa utarta huaa mahsos hua. Usne apna sar Shaan ki chori aur majbot chaatee se tika diya aur apni aankhe band kar li.  Aur Riya ke haath apne aap Shaan ki kamar ke najdeek aur najdeek aane lage. Esse pahle ki Riya Shaan ki kamar ko kaskar pakarti aur usse buri tarah chipak jaatee. Shaan ne use apni baanho se aazad kiya aur sofe pe jaakar baith gaya.
.
Riya jo Shaan ki baanho me be-intiha khushee mahsos kar rahi thi. Aur khuda se dua kar rahi thi ki Shaan ab pori umar esi tarah use apni baanho me bharkar khara rahe aur wo esi tarah apna sar uske seene pe tikaye apni aankhe band kiye pori umar aese hi gujaar de. Shaan ka es tarah khud ko apni baanho se aazad karna use bahut bura lga. Use bahut tej gussaa aane lagaa aur jra hi der me uska chehra gusse me surkh ho gaya.
.
"Arre Shaan bhaai ki to mazaak karne ki aadat hai. Tu bura mat maan" Sanjana Riya ke surkh hote chehre ko dekhkar jaldi se boli. Sanjana ye hi samjhi thi ki Shaan ka es tarah aakar use baanho me bhar lena bahut bura laga hai. Par yahaaN baat uski ulti thi.. Bura to laga tha Riya ko par Shaan ka baanho me bharna nahi balki khud ko baanho se aazaad kar dena bahut bura lagaa tha
.
Sanjana aage bari aur Riya ko kandho se thamte huye sofe pe baithate huye boli........"AAP DONO BAATE KARO MAIn abhi aati hoN" Etna kahkar Sanjana kitchen me chali gayi
.
"Ek baat to hai. Gusse me tu ekdam mast maal lagti hai. Bilkul kashmiri seb jaisee. Dil kar rahaa tha khaa jaaoN" Shaan Riya ki aankho me apni aankhe daalte huye bare romantic lahje me bola
.
Riya Shaan ki baat ka jawaab dene ka soch hi rahi thi ki use Aunty saamne se aati huyi dikhayee di. Riya ne Shaan ki baat ka jawaab dene ka irada tark kar diya.
.
Aur Aunty se boli.."Namaste Aunty.. Kaisee hai aap"
.
Fir bahut der tak Riya aur Aunty aapas me bte karte rahe. Es beech Shaan sofe ki back se apna sar tikaye aankhe band kiye aese baitha raha. Jaise wo dono etni booring baate kar rahi ho jinko sunkar use neend aa rahi hai
.
Riya aunty se baate karte huye baar-baar aunty se najre bachaa-bachaakar Shaan ko dekhe ja rahi thi. Ek baar aunty ki kisee baat ka jawab dete huye Riya ne Shaan pe najar daali. Ittefaak se Shaan ne bhi apni aankhe tab hi kholi. Dono ki najre ek pal ko aapas me mili. Riya apni choori pakri jaane pe ghabraai aur ekdam se apna chehra dosri taraf ko fer liya.
.
Shaan Riya ki es harkat pe muskurata rahaa aur fir Riya se bola..."Riya jee aap kyaa karti ho"
.
"Main ek software engineer hoN. Par pichle maheene apni job chor chuki hoN aur filhaal kuch nahi kar rahi hoN.. Aur aap kyaa karte hai" Riya ne Shaan ki baat ka jawaab dekar usse khud bhi sawaal kar dala
.
Riya hairat se soch rahi thi ki kabhi wo use tu se , kabhi tum se aur abhi abhi to Riya jee aur aap se bula rahaa tha. Wo aesa kiyoN kar raha tha Riya ko samajh nahi aa rahaa tha. Girgat ki tarah pal-pal rang badalta ye be-intiha khobsurat shakash Shaan Riya ko kadam-kadam pe hairat me daal rahaa tha.
.
"Main bhi filhaal aapki tarah job less hi hoN" Shaan bare hi sa-esta lahje me bola
.
Aur tab hi Sanjana apne hatho me tray liye dring -room me dakhil huyee. Fir sabne saath naasta kiya aur waheeN baithe der tak baateiN karte rahe.
.
Kuch der baad Sanjana Riya ko apne saath kitchen me le gayi aur Shaan waheeN baitha aunty se baate karta rahaa.
.
Kuch der baad sab ne sath me lunch kiya. Aur fir Shaan Riya ko uske ghar chorne apni car se jaa raha tha. Shaan chup-chaap apni car chalaa rahaa tha. Jabki Riya baicheni se baar-baar Shaan ko dekhe jaa rahi thi. Wo Shaan se baate karna chaahti thi. Par Shaan ko es tarah khamosh dekh kar uski himmat nahi ho rahi thi
.

Thori hi der baad Shaan ne apni car ek children school ke aage roki aur apni car se utarkar school me jaane lagaa to Riya bhi uske piche-piche ho li
.
Kuch hi der baad we dono us school ke warden ke paas pahonche. Shaan ne warden se kuch baate ki jise Riya usse kaafee dor hone ki wajah se sun na payi. Warden ne un dono ko waiting room me bhej diya.
.
Kuch der baad hi ek bahut pyara sa 6 saal ka bachcha bhagte huye us room me daakhil hua. Jise dekhkar Shaan chair se uthaa aur apne ghutne jameen pe tika ke baith gaya aur apni dono baanhe failaa dee. Wo bachchaa..."Papa" kahkar Shaan se lipat gaya. Shaan ne us bachche ke  chehre ko apne hatho me thama aur uske maathe aur galo ko be-intiha muhabbat se chumnaa suru kar diya
 

............................
(Jaaree...)
Logged
masoom shahjada
Guest
«Reply #138 on: October 09, 2012, 12:13:23 PM »
Update 49

Us bachce ke monh se Papa sunkar Riya ko apne dil ki dharkan rokti huyi si mahsos huyi. Saanse bhi bahut halke halke chalne lagi
.
Ek hi pal me use aesaa lagne lagaa jaise wo sadiyo ka safar tay karke aayi ho bahut thak chuki ho.
Uski aankho me paani saa aane lagaa. Jise bari mushkil se usne bahne se roka
.
Ab wo kiske sikayat kar sakti thi. aur karti bhi to kya sikayat karti. Sikayat to use apni kismat se thi . Jisme Bhagwaan ne sirf aur sirf gam hi gam likhe the. Koi bhi khusee milti thi to pal bhar ke liye. Aur fir us khushee ka sadiyoN tak ro-ro ke use karz utaarna parta tha.
.
Riya ne aaj pahli baar Shaan ko dekha tha. Wo Sanjana ki Shadi attend nahi kar payi thi. Kiyonki Sanjana ki shadi se thik ek din pahle uski naani ki maut ho gayi thi. Warna shayad 6 mahine pahle hi shadi me Shaan se mil chuki hoti
.
Shaan ko dekhte hi use laga tha ki wo use janmo-janmo se jaanti hai.  Shaan ki majaak uski cher chaar sab bahut achchi lag rahi thi. Agar koi aur usse aesi baate karta to wo uska sar faar deti. Subah jabse usne Shaan ko dekhaa tha wo apne us aasiq ko bhi bhool gayi thi jiske intizaar me usne pore 9 saal tadap-tadap ke gujaare the.
.
Shayad Shaan ki khobsurti use Shaan ka diwana bana rahi thi. Par use ab malom hua ki Shaan na to sirf shadisuda hai balki ek bachche ka baap bhi hai.
.
Wo bachcha bilkul Shaan ki copy tha bilkul Shaan ke hi jaisee neelee neelee aankhe.. Hu-b-hu Shaan ke jaisa hi chehra. Aesa lag raha tha jaise kamre me do Shaan maujud ho ek chota Shaan aur ek baraa Shaan. Bas wo bachaa khobsurti me Shaan se bahut kam tha. Warna wo bilkul Shaan ki hi copy tha.
.
Shaan abhi tak bachche ke gaalo ko chume jaa raha tha.
.
"Papa mammi nahi aayi" Bachcha Shaan se bola
.
"Beta mammi abhi busy hai, agli baar aayegi" Shaan ne pyaar se bachche ke chote-chote balo me apne hath fairte huye kahta hai
.
"Papa mammi ki bahut yaad aati hai"
.
"Aur papa ki yaad nahi aati aapko"  Shaan us masoom ke masoom se galo ko kiss karte huye bola
.
"Papa aapki yaad to mammi se bhi jayada aati hai" Bachcha masumiyat se bola
.
"Aao aapko aapki nayi aunty se milwata hoN" Shaan bola. Aur bachche ka hath thaaamke Riya ki taraf braa
.
"Beta ye hai aapki aunty Riya.. Aour Riya jee ye hai mera beta Shivam.. Pyar se maiN esko Shiva bulata hoN" Shaan ne kaha
.
"Namaste aunty jee" Shiva ne apne dono hath jorte huye kahaa
.
Riya ne Shiva ko uthaya aur uske mathe pe ek kiss karne ke baad niche utar diya
.
"O.K. Shiva ab ham chalte hai" Shaan bola aur tej-tej kadam uthata waiting-room se baahar nikal gaya
.
Riya ne Shaan ki aaankho me abhi aansu dekhe the. Par use samajh nahi aaya ki Shaan kiyoN ro rahaa tha. Riya bhi Shaan ke piche-piche room se nikal gayi
.
Dono chup-chaap car me aakar baith gaye. Shaan ne Riya se aage ka raasta malom kiya aur Riya ke bataye huye raasto pe apni car daura di
.
Es waqat Shaan ke chehre par ek dard faila hua tha. Aesa lag raha tha jaise wo apne aasu'ao ko rokne ki koshish me lagaa huaa hai.
.
Riya Shaan se be-khabar apni soch me gum thi
.
Kuch der baad Shaan ne car Riya ke ghar ke aage roki... Car ke rukte hi Riya bina kuch kahe car se utari aur apne ghar ki aour barne lagi
.
"Ghar laakar mehmaan ko andar aane ko nahi kahogi" Shaan Riya ko chup-chap andar jaate dekh apni car me baithe-baithe hi chillaya. Es waqat uske labo pe ek shararti muskurahat jami huyee thi. Kuch der pahle tak jo dard uske chehre pe tha. Ab kaheeN nahi dikh raha tha
.
"Tu mera kaun hai. Jo maiN tujhe andar bulaaoN" riya piche murte huye gusse me boli. Es waqat gussa uske chehre se tapak-tapak ke gir rahaa tha
.
"Ab aayi tu mere level pe ab mazaa aayega" Shaan ne makkari se muskurate huye kahaa
.
"Tere jaiso ke to monh pe maiN thukna bhi pasand nahi karti" Riya nafrat se boli
.
"OH khud apne monh pe thookna pasand karti ho. Achcha hai.. Wese maiN to tumhare en rasile labo ko chosna pasand karoNga" Shaan Riya ki baat ka bura maane bina musalsal muskuraate huye kah rahaa tha
.
Shaan ki baat sunkar to Riya ke tan-badan me aag hi lag gayi.. Wo gusse me chillayi...."Tere jaise hazaro kutte raal tapkaate mere aage piche firte hai"
.
"Arre to tu kutiyaa hai... Pahle kiyoN nahi bataaya.. MaiN to inshaan samajh kar etni der se tujhse baate kar raha thaa" Shaan ne hanste huye kahaa. Aur apni car aage baraa di
.
Riya gusse se use jaate huye dekhti rahi. Jaise hi Shaan ki car uski najro se aojhal huyi.
Gussa ekdam uske chehre se gaayab ho gayaa aur uski jagah ek  pyas aur tadap ne le li.
.
 Riya ne etni bad-tamiji se Shaan se baat esliye ki thi kyonki wo nahi chaahti thi ki aage se Shaan kabhi usse milne ya baat karne ki koshish kare.
.
Use Shaan ki shakhsiyat apni taraf khinchtee thi. Esliye wo ab usse dor hi rahna chaahti thi. Kyonki jo raasta kisi manjil tak na jata ho. Us par chalne se kyaa fayda

...........................
(Jaaree...)
Logged
ahujagd
Maqbool Shayar
****

Rau: 4
Offline Offline

Gender: Male
Waqt Bitaya:
6 days, 1 hours and 34 minutes.
Posts: 842
Member Since: May 2005


View Profile
«Reply #139 on: October 20, 2012, 06:50:28 PM »
masoom ji,
    good,in fact very good, carry on intezaar rahega agli update ka. kai dinon ke baad aaj pad paya isliye comment mein deri ke liye muaaf karen.
ghansham das ahuja
Logged
masoom shahjada
Guest
«Reply #140 on: October 30, 2012, 11:08:51 AM »
Post removed
Logged
ahujagd
Maqbool Shayar
****

Rau: 4
Offline Offline

Gender: Male
Waqt Bitaya:
6 days, 1 hours and 34 minutes.
Posts: 842
Member Since: May 2005


View Profile
«Reply #141 on: October 30, 2012, 03:00:41 PM »
masoom ji,
 5oth update hona chahiye tha  suddenly 78th kaise?
ghanshamdas ahuja
Logged
masoom shahjada
Guest
«Reply #142 on: October 31, 2012, 01:12:32 AM »
masoom ji,
 5oth update hona chahiye tha  suddenly 78th kaise?
ghanshamdas ahuja
Oh soryy,
Baat ye huee ki maiN es story ko ek dosre forum pe bhee likh raha huN. WahaaN story yahaaN se bahut aage hai. Ye baat kal mujhe yaad nahi rahi. Esliye jo update dosre forum pe ke liye likha tha, wo yahaaN bhii paste kar diyaa.
.
Abhii to maiN mobile se online huN, jab time milega aur MaiN pc se online ho'aunga maiN sahii update matlab 50 aur uske aage ke update yahaaN post kar dunga.
Logged
ahujagd
Maqbool Shayar
****

Rau: 4
Offline Offline

Gender: Male
Waqt Bitaya:
6 days, 1 hours and 34 minutes.
Posts: 842
Member Since: May 2005


View Profile
«Reply #143 on: October 31, 2012, 01:47:37 AM »
koi baat nahi masoom ji aisa ho jata hai kabhi kabhi,when you have time,please upload all updates,aur bhai aapne humen peechhe kyon rakha hai barabar kar do na please.achha hua yeh last update nahi tha varna ant jan kar kahani ka maja kam ho jata.thank you very much for this much hard work for us,I appreciate you from bottom of the heart.
ghanshamdas ahuja
Logged
masoom shahjada
Guest
«Reply #144 on: November 02, 2012, 02:42:02 PM »
Post removed
Logged
ahujagd
Maqbool Shayar
****

Rau: 4
Offline Offline

Gender: Male
Waqt Bitaya:
6 days, 1 hours and 34 minutes.
Posts: 842
Member Since: May 2005


View Profile
«Reply #145 on: November 02, 2012, 04:54:04 PM »
Dear masoom ji, muje to lagta hai aap isee thread ko aage bada deejiye yeh aap ki sacchai hai ki aap maante hain ki kahin kahin galti hui hai ,jaisa ki admin sahab ne kaha hai aapse yadi possible ho to mistake theek karva deejiye par kahaani ko aage badne deejiye chhoti moti mistake reader khud bhi samajh jaate hai vaise bhi kya printing mistake nahin hoti. atah aap jald se jald baki update post kar den.kahate hain na ant bhala to sab bhala to kahani ko antim charan tak pahunchana hi maksad hona chaahiye beech mein itna break hone se kahaani ka majha chala jaata hai aur usko dimaag mein re-collect karne mein kathinai hoti hai, mujhe ummeed hai aap mera point of view samajh gaye honge. dhanyavaad.shubhkaamnaon sahit aapka
ghanshandas ahuja
Logged
masoom shahjada
Guest
«Reply #146 on: November 02, 2012, 09:37:05 PM »
Dear masoom ji, muje to lagta hai aap isee thread ko aage bada deejiye yeh aap ki sacchai hai ki aap maante hain ki kahin kahin galti hui hai ,jaisa ki admin sahab ne kaha hai aapse yadi possible ho to mistake theek karva deejiye par kahaani ko aage badne deejiye chhoti moti mistake reader khud bhi samajh jaate hai vaise bhi kya printing mistake nahin hoti. atah aap jald se jald baki update post kar den.kahate hain na ant bhala to sab bhala to kahani ko antim charan tak pahunchana hi maksad hona chaahiye beech mein itna break hone se kahaani ka majha chala jaata hai aur usko dimaag mein re-collect karne mein kathinai hoti hai, mujhe ummeed hai aap mera point of view samajh gaye honge. dhanyavaad.shubhkaamnaon sahit aapka
ghanshandas ahuja
O.K. Bhaai MaiN ab Story ke aage ke update dete huN. Thanks meri uljhan door karne ke liye
Logged
masoom shahjada
Guest
«Reply #147 on: November 02, 2012, 09:51:38 PM »
Update 50
"Shaan bhai etni svera-savera tayyar hokar kahaaN jaa rahe ho" Sanjana Shaan ko dekhte huye boli. Jo car ki keys gumaata hua. Baahar ja raha tha
.
"Riya ne date ke liye bulaya hai" Shaan kahta huaa baahar nikal gaya
.
Kuch hi der baad wo apni car Riya ke ghar ke saamne rook kar usse niche utar rahaa tha
.
Gate pe pahonchkar ek pal ko usne door-bail bjane ki sochi fir jane kya man me aayi gate ko kholte huye andar dakhil ho gaya
.
Saamne Riya ki mammi jo kitchen se nikal kar apne kamre me kisee kaam se jaa rahi thi. Shaan ko es tarah aata dekh kar jahaaN thi waheeN khari rah gayi
.
Shaan Riya ki mammi ki aour baraa aur jhukkar unke per chote huye bola.."Mammi ji kaisee hai aap"
.
"MaiN theek hoN par aap kaun hai" Riya ki mammi hairat se boli. Use sabse jyada hairat Shaan ke mammi bolne se ho rahi thi
.
"Mammi ji maiN Riya ji ki dost Sanjana ji ka devar hoN" Shaan narmi se bola
.
"OH to beta khare kiyoN ho idhar baitho na" Riya ki mammi chair ki aour ishara karte huye boli
.
"Jee sukriya mammi ji, baithne ka time nahi hai. Bhabhi ji ne Riya ji ko lene ke liye bheja hai. Unka room kahaaN hai. MaiN unse tayyar hone ko kah deta hoN"
.
"Upar wala kamra Riya ka hai" Riya ki mammi ne apne hath se upar ishara karte huye kahaa.
.
Shaan upar ki aour jaane lagaa. Aur Riya ki mammi uske liye kuch banaane ke liye kitchen me chali gayi
.
Shaan Riya ke kamre me pahoncha to dekha Riya so rahi hai. Shaan kuch pal tak uske masoom chehre ko dekhta rahaa fir aage barke uska ek hath thama aur jhatke se use baitha kar diya
.
"A..aa..aap..yahaaN" uthte ke sath Riya ki najar jaise hi Shaan pe pari wo ghabra ke boli
.
"Sanjana ne bheja hai, tujhe lene ke liye. Tu 5 minute me tayyar ho ja warana aese hi utha le jaaoNga" Shaan Riya ka haath chorte huye bola
.
"Thik hai aap neeche intizaar karo maiN abhi aati hoN" Riya bed se uthte huye boli
.
Shaan niche aaya aur kitchen ke gate se lagkar khara hokar. Riya ki mammi ko kuch bnate huye dekhne laga. Riya ki mammi ki najar us par pari to jaldi se boli.."Beta aap yahaaN kya kar rahe hai. Baahar chal ke aaram se baitho me abhi aati hoN"
.
"Sirf 5 hi minute to rukna hai yahaaN. Esliye maine socha tanha baithne ki bjaye aap se baat kar li jaye"
.
"Beta aapse ek baat pochu"
.
"Ji pochiye"
.
"Aap mujhe mammi kiyoN kah rahe hai"
.
"Meri mammi mar chuki hai. Aapko dekhkar mujhe mammi yaad aa gayi esliye aapko mammi kah raha tha" Shaan masomiyat se bola
.
Shaan ki baat sunkar Riya ki mammi ke dil me mamta umar aayi. Unke sirf ek hi aulaad thi. Unhe ek bete ki kami hamesha mahsos hoti thi, shaan ki es baat se we tadap uthi aur aage barkar Shaan ke gale me apni baanhe daalke uske sar ko niche jhukaya aur uske maathe pe ek lambi si kiss lene lagi.
.
Aur Riya jo seeriyo se utarkar abhi niche aayi thi. Unko dekhkar schoked rah gayi. Shaan ki peeth Riya ki taraf thi. Jisse use samajhne der na lagi wo kyaa kar rahe hai. Riya apni mammi ko Shaan ko es tarah chumta paakar bilkul hi schoked hokar, jahaaN thi waheeN khari rah gaee. Riya ne apni mammi si kiss ka galat matlab nikaala tha
.
Aur kuch hi der baad Shaan aur Riya car me baithe the. Aur car achchi khashi tej raftaar se road pe daur rahi thi.
.
Riya apni mammi ke bare me soch rahi thi. Use yakin nahi aa raha tha ki uski mammi etni giri huyi aurat ho sakti hai ki ek nihayat haseen mard ko dekhkar uske lab choosne lag jayegi.
Par usne ye sab hote apni aankho se dekha tha. Use apni maa se nafrat si mahsos ho rahi thi.
.
Road lagbhag sunshan thi ekka dukaa cars hi kabhi kabhi najar aa rahi thi.
.
Achaanak Shaan ne car ko bahut tej brick lagaye aur car rukte hi gate kholkar road ki dosri taraf ko bhaga.
.
JahaaN do aadmee sigret pite huye aapas me baate kar rahe the.  Unke paas pahoNchte hi Shaan ne unme se ek aadmee ki kanpati pe ek jordaar mukka mara
.
Wo jor se chillaya.."Abe.."
.
Par esse pahle ki wo apni baat pori karta Shaan ki ek laat uske pet pe lagi aur uski baat adhori rah gayi. Wo kuch samhalne bhi nahi paya tha ki Shaan ka ek jordaar mukka uske monh pe para jisse uske 2 daaNt tutkar niche gir gaye
.
Etne me us aadmi ke saath jo dosra aadmi tha usne piche se Shaan ke kandhe pe chaku se hamla kiya. Shaan hawa ki si teji se niche baith gaya aur uska chaku usi ke sathi ke seene me gusta chala gaya
.
Chaaku maarne wala aadmi hairan khara tha. Shaan ne uski hairani ka fayda uthaya aur uske pet me ek ke baad ek mukke jadta chala gaye. Har mukke pe uski dil hilane wale cheekh gonj rahi thi
.
Tab hi Shaan ko apne piche se kuch gurrahat sunayi di. Wo aadme jiske seene me chaku lagaa tha. Wo apne hath me rivolver liye  kah raha tha.."Tu to gaya ab"
aur etna kahte hi usne trigger daba diya. Goli teji se Shaan ki taraf bari

------
(Jari..)
Logged
masoom shahjada
Guest
«Reply #148 on: November 02, 2012, 10:03:47 PM »
Update 51
Usne trigger daba diya. Goli tej raftar se Shaan ki taraf bari. Shaan bijli ki si raftar se ek tarf to hat gaya
Aur goli usi ke sathi ke seene me jaa lagi
.
Uske sathi ne ek di-kharash cheekh maari aur bilkul kisee laash ki tarah jameen pe gira
.
Agar Shaan ek lamhe ki bhi deri karta to goli uske seene me lagti aur wo jameen pe para hota
.
Par Shaan ka defece itna majboot tha ki wo aadmee chahe pori rivolver uspe khali kar deta. Shayad hi koi goli use touch bhi kar pati
.
 Agar ek sath 4 ya 5 aadmee us par ek sath hamla karne lag jaye to majaal thi koi use touch kar pata
.
Pichle 5 saalo me paas se aati goli se bachna, dushmano ke hamlo se khud ko bachana, marsal art, judu, nishanebaaji ki usne bahut practise ki thi
.
Aur rahi baat dimaag ki to uska dimaag etna tej tha ki jab tak uska dushman hamla karne ki sochta raha hota tha tab tak Wo action le chuka hota  tha
.
Chalo Shaan ki khobiyaa ke baare me kabhi aur bataoNga. Abhi jahaaN kahanee chori thi wahee se continue karta hoN
.
Us aadmee ka sathi jameen pe gira. Wo fati-fati najro se apne sathi ko dekh raha tha
.
Shaan ka ek per hawa me utha aur us aadmee ke us hath pe laga jisme usne rivolver le rakhkhi thi. Aur us aadmeee ke hath se rivolver chotke niche gir para
.
Wo aadmee rivolver uthane niche jhuka aur Shaan ne us ke upar challang laga dee. Esse pahle ki uska hath Rivolver tak pahoNch pata. Shaan ka sar usse bahut jor se takraya aur wo piche ja ke gira
.
Shaan bhi niche gir gaya tha. Shaan ne niche gire-gire hi apni jeb se rumal nikala aur us rivolver ko rumal me lapetkar apni jeb me rakh liya
.
Etna Shaan ye kaam kar raha tha us aadmee ne Chaku nikal liya tha. Wo chaku lekar khooni andaj me Shaan par lapka
.
Shaan ek dam se uth khara hua. Us aadme ne Shaan pe chaku chalaya. Shaan furti se piche ko hat gaya. Fir dosri baar usne chaku Shaan pe chalaya. Es baar bhi uska vaar khali gaya
.
Hatta ke wo ek ke baad ek pore 10 baar Chaku se Shaan pe hamla karta raha. Aur Shaan bari khobsurti se har baar idhar-udhar hokar bachta raha
.
Aesa lag raha tha jaise Shaan us aadmee ko hamla karne ki practise kara raha tha. Uske har hamle se bachne ke baad Shaan ke chehre pe muskurahat badti hi jaa rahi thi. Aur us aadmee ka gussa bhi har hamle ke baad barta ja raha tha. Ab wo gusse se pagal ho chuka tha
.
Achanak Shaan uski aour barne laga.
Us aadmee ne hairat se Shaan ko dekha aur hamla karne ko hath uthaya
Us aadmee ka chaku Shaan ke seene pe aayaa. Par esse pahle ki chaku Shaan ke seene me ghaav lagata
.
Shaan piche ko es tarah gira jaise koi lash ko kisee ne piche ko dakka de diya ho aur wo niche gir rahi ho. Par esse pahle ki Shaan ki kamar jameen pe lagti. Usne apne dono hath jameen par tek diye aur  ek jordar  laat sidhe us aadmee ki bolls pe maree
.
Wo aadmee dard se dohra ho gaya. Aur apni balls pakar-ke niche baithta chala gaya
.
Shaan ne ek laat uski chaatee pe wahaaN maaree jahaaN uske dosre sathi ne galti se use chaku mara tha. Wo aadme piche ko chit gir para
.
Shaan aage bara aur ek laat uske pet pe maarte huye bola......."Bol tu...."
.
Par esse pahle Shaan apni baat pori kar pata dor se police siren ki aawaj uske kano me pari
.
Uske chehre pe jo ab tak muskurahat thi us par jhallahat aa gayi. Usne jaldi apni jeb se mobile nikala aur us aadmee ko sidha karke uski ek photo li. Fir us laash ki taraf bhaga aur jaldi se uski bhi ek photo li
.
Aur apni car ki taraf bhaga. Riya jo car se baahar aakar car ke paas hi khari pareshani me sara manjar dekh rahi thi. Shaan bhagte-bhagte hi Riya ko dekh kar dahara."Jaldi car me baitho"
.
Shaan ki aawaj aur uske chehre pe etna gussa tha ki Riya Shaan ki baat sunkar kaaNp uthi aur ek dam se car ka darvaja kholke andar baith gayi aur apni taraf ka gate band kar liya
.
Tab tak Shaan bhi car ke najdeek aa chuka tha. Wo driving seat pe baitha aur car start karke aage ko bara di aur fir apni taraf ka gate band karne laga
.
Shaan car ko normal speed se chala raha tha. Ab uske chehre se gusse ke badal dhire-dhire chatne lage the aur fir ek minute baad hi uske chehre pe wahi pahle jaise dilkash muskurahat khelne lagi
.
Ye sab sirf do minute ke andar andar hua tha. Etne me wahaaN se sirf ek do cars hi gujree thee. Jo normally jaisa ki aksar shahro me hota hai un par bina dhayan diye aage bar gayi thi
.
Riya pagal si Shaan ko tak rahi thi. Use kuch samajh nahi aa raha tha. Ki Shaan un do aadmiyoN ko maarne kiyoN gaya tha. Aur fir Police ke siren ki aawaj sunkar agar wo bhag raha tha to fir wo car ko tej kiyoN nahi chala raha tha
.
Aakhir jab Riya ne Shaan ko muskurate dekha to usse poch hi baithi...."Aap unko maarne kiyoN gaye the"
.
"KyoNki we public place par smoking kar rahe the" Shaan ne bina uski taraf dekhe kaha
.
"What, Aap sach me pagal ho" Riya shocked si chillayi
----------------

(Jaaree....)
Logged
masoom shahjada
Guest
«Reply #149 on: November 02, 2012, 10:21:29 PM »
Update 52
Karan ka kal ka din normal sa gujra tha. Kal ASP Dev ke antim-sanskaar me jaane ke alawa aur koi khash kaam nahi kiya tha usne.
.
Kal raat hi use Sikandar se malom hua tha ki nayi ASP koi 24-25 saal ki Anita Rawat naam ki larki hai. Karan apne kebin me baitha nayi ASP ke baare me soch hi raha tha ki nayi ASP ne use apne kebin me talab kar liya.
.
Karan ASP ke kebin ke gate tak pahoNchta hai aur knock karta hai. Andar se ek meethi si aawaj aayi  "Yes come in".
.
Karan andar dakhil hua to dekha andar milk ki malaai ke jaisi rang wali nihayat khobsurat larki baithi hai.
.
Karan ASP Dev se bahut free tha. Esliye Wo jab bhi Dev ke kebin me aata tha to na salute karta tha aur na Dev ki izaazat ka intizaar karta tha kursee pe baithne ke liye. Aur apni esi aadat se majbor Karan ne aaj bhi yahi kiya na to usne nayi ASP ko salute thoka tha aur na kursee pe baithne ke liye uski izaazat ka intizaar kiya tha. Wo to bas sidha kebin me dakhil hote hi kursee pe tik gaya tha.
.
Nayi ASP Anita bahut najuk mijaaj aur disipline pasand thi. Khud disipline me rahti thi aur disipline me rahne wale log hi use pasand the. Jra-jra si bato pe use bahut gussa aata tha. Aur jab use gussa aata tha to wo kya-kya bol de wo khud nahi jaanti thi.
.
Jab Anita ne Karan ko es tarah aakar chair pe baithta dekha to use bahut gussa aaya. Wo gusse me boli..."Tumhe Inspector kisne banaa diya. Tumhe to apne seniour officers ki respect karni bhi nahi aati"
.
Karan ke kano me jab Anita ki aawaj pari to use mahsos hua ki wo galti kar chuka hai. Par ab kya ho sakta tha wo sharmindagi se khara hote huye bola..."Sorry madam"
.
Par Karan ke sorry kahne se Anita ke gusse me koi kami nahi aayi wo abhi tak gusse me khaa jaane wali najre se Karan ko dekh rahi thi. Wo gusse me boli...."Inspector Karan, kyaa tum hi Raj Bhagwat wala kes handle kar rahe ho"
.
"Jee nahi madam"
.
"Ye kya bakwaas kar rahe ho. Kya upar se mujhe galat info di gayi hai" Anita gusse me es baar bahut jor se chillayi thi
.
Anita ko itna barakta dekh Karan ki jaan sukhne lagi. Uske maathe pe pasine ki bonde aani suru ho gayi. Wo bola...."Madam, Raj Bhagwat wala kes ab C.B.I. Dekh rahi hai"
.
"HaaN mujhe malom hai, par officially tumhe bhi es kes se alag nahi kiya gaya hai"
.
"Officially ye kes abhi mere paas hai par mujhe es kes par kaam na karne ke order bhi diye gaye hai. Bas naam ke liye hi ye kes mere paas hai"
.
"Aur tumne maan liya. Tumhare andar akal-wakal naam ki koi cheej bhi hai ya nahi"
.
"Jee Dev sir ne mujhe aesa order diya tha to maanne ke alawa maiN aur kar bhi kyaa sakta tha"
.
"Tum aur tumhare Boss Dev ek number ke be-wafakuf ho. Ab agar C.B.I. Es kes ko suljha pati hai to unka naam ho jayega. Aur agar aesa na hua to be-ijjat hone ke liye Police Department to hai hee"  Anita daant pees kar bahut gusse me kah rahi thi
.
Ab to Karan ki bahut buri haalat ho rahi thi. Paseena uske chehre se tapak-tapak ke gir raha tha. Anita ki baat sach thi aesa to usne socha hi nahi tha. Esliye wo sar jhukaye bina kuch bole sharminda sa bitha raha.
.
"Ab es kes ki sabse pahle mujhe we baate batao jo tumhe samajh aaa chuki hai. Uske baad ham un baato ko discuss kareNge jo tumhe samajh nahi aayi hai"
.
"Madam, es kes me mujhe kuch bhi samajh nahi aaya" Karan mari-mari aawaz me bola
.
"Tum pakke na-laayak ho. Apni kaam-choori ki hi wajah se tumne khusee-khusee Dev ki baat maan li thi. Sach kahte hai log police ko haraam ki khaane ki aadat ho gayi hai. Kutto ki tarah haddi khaane aur bhokne ke alawa Police aaj kal kuch nahi karti" Karan ki baat sunkar Anita ka gussa satwe aasmaan se baate karne lagaa. Aur wo gusse me jaane kya kya bolti chali gayi
.
Karan ki pahle kabhi etni be-ijjati nahi huyee thi. Sharmindagi ke maare uska bura haal ho rahaa tha. Wo sar jhukaye chup baitha raha aur Anita ki daant chup-chaap sunta rahaa
.
"Ab chup kiyoN baithe ho, jaldi bakna suru karo, wese to maiN sab kuch file me par chuki hoN. Par maiN sab kuch tumhare monh se sunna chaahti hoN" Anita ek baar aur gusse me chillayi thi
.

"Madam, Raj Bhagwat ki party jitne logoN ne bhi attend ki thi. Un sabki heart atteck se maut ho gayi thi. Sabki dead-bodies mil chuki thi par ek aadmee aesa tha jiski dead-body nahi mili thi.. Uska naam tha Shani Malhotra. Fir samundar ke paas jo road hai wahaaN ek ped se takrayi huyi car se uski dead-body mili. Par hairat ki baat ye thi ki uski maut Heart Attech se nahi huyi thi. Use goli maari gayi thi. Fir uski post-martam report me pata chala ki to hatya shaam ke 6 ya 7 baje ke kareeb party suru hone se pahle hi kar di gayi thi. Aur es baat ki pusti tab aur ho gayi jab party se uske koi finger-print nahi paaye gaye. Par jab party se figer print dekhe gaye to 3 aese finger-frint paaye gaye. Jinhe party me nahi hona chahiye tha......"

.............................
(Jaaree......)
Logged
Pages: 1 ... 6 7 8 9 [10] 11 12 13 14 ... 19
Print
Jump to:  


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
March 29, 2024, 01:36:17 AM

Login with username, password and session length
Recent Replies
by ASIF
[March 24, 2024, 04:34:54 AM]

by ASIF
[March 24, 2024, 04:30:44 AM]

by ASIF
[March 24, 2024, 04:26:39 AM]

by ASIF
[March 23, 2024, 08:50:46 AM]

[March 21, 2024, 08:02:59 PM]

[March 21, 2024, 07:59:38 PM]

[March 17, 2024, 02:01:29 PM]

[March 16, 2024, 03:26:05 PM]

[March 16, 2024, 03:25:04 PM]

[March 16, 2024, 03:21:26 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.262 seconds with 26 queries.
[x] Join now community of 8502 Real Poets and poetry admirer