Unknown Target...........masoom

by Masoom Shahzada on August 13, 2012, 03:29:02 AM
Pages: 1 ... 13 14 15 16 [17] 18 19
Print
Author  (Read 35597 times)
masoom shahjada
Guest
«Reply #240 on: December 20, 2012, 03:45:15 AM »
Applause Applause Applause Applause Applause
very very nice masoom keep writing very interesting update 85 finished. woh sher bhi khoob kaha hai
ishq ek tarfa ho to saza deta hai
ishq do tarfa ho to maza deta hai
Thank u Baajee
Logged
Similar Poetry and Posts (Note: Find replies to above post after the related posts and poetry)
My mind sails, through an unknown sea! by abdbundeli in English
Na Kamal-e-Fun Hi Mila Mujhe - Not Mine (Shayr Unknown to me) by fernsk in Shayri-E-Dard
A shared poetry-writer unknown by tamanna1 in Share:Love Poetry
apnay badlay huway lehjay ki wazahat karna- Unknown by ghayal_shayar in Urdu Poets « 1 2  All »
saathoN ki kasoor ho geya--Unknown by ghayal_shayar in Pain in Love : Punjabi poetry
masoom shahjada
Guest
«Reply #241 on: December 21, 2012, 12:06:50 PM »
i have fin update 99. very nicely u have framed the situation and very nicely witten keep it up
Thanks a lot sister
Logged
aqsh
Guest
«Reply #242 on: December 21, 2012, 12:07:17 PM »
very nice masoom update 105 tak padha hai kaafi achcha likha hai tumne masoom tum apni ek novel book bana sakte ho
Logged
masoom shahjada
Guest
«Reply #243 on: December 22, 2012, 05:44:29 AM »
Update 107
Quote
"Ye sab to sirf Boss hi janta hoga. Call karke poch lo" piche se kisi ki aawaj ubhri. Anita aur Vicky piche ko palte to hairaan rah gaye
Se Aaage.....
Bedroom ke darwaje se take lagaaye Shaan khara tha. Shaan ko dekhkar Anita buri tarah bokhla gayi. Uski samajh mein nahi aa rahaa tha ki wo kya kare.
Aur na hi wo ye samajh pa rahi thi ki Shaan fir se yahaaN kyoN aaya hai, kyaa karne aaya hai.
.
Anita ne Shaan se najre hataakar Vicky ko dekha. Vicky sawaliyaaN najro se usi ko dekh raha tha. Anita ne apni palke jhapka kar Vicky ko sabr rakhne aur pareshaan na hone ka ishara kiya aur fir Shaan ki taraf dekhkar boli...."Shaan.... Tum yahaaN kyaa karne aaye ho"
.
"Vivek se milne aaya hooN" Shaan ne ekdam se jawaab diyaa
.
Shaan ka jawaab sunkar Anita Vicky ki taraf ghomi aur boli..."Vicky, ye tumhaare aur mere baare me sab jaanta hai..."
.
"Par dost tension mat lo. MaiN yahaaN tumhe arrest karne nahi, balki kuch baateiN karne aaya hooN" Anita ki baat ko beech me kaatte huye Shaan ne muskuraate huye kahaa. Aur chote-chote kadam uthata huaa Vicky aur Anita ke paas pahoncha. Aur apna daya haath Vicky ki taraf baraa diya.
.
.
Vicky kuch pal Shaan ke bare haath ko dekhta rahaa fir sawaaliyaa najro se Anita ki taraf dekhne laga. Anita ne haaN mein sar hila diya to Vicky ne Shaan ka haath thaam liya.
.
"YahaaN par to khoon hi khoon ho rahaa hai. Aao dring room mein baithkar baateiN karte haiN" Shaan ne Vicky se haath milaane ke baad kahaa aur dono ko akela chorkar bedroom se nikal gaya
.
"Ese bataane ki kyaa jarorat thi" Shaan ke room se nikalte hi Vicky dhimi aawaj me bola
.
"Maine ese kuch nahi bataya. MaiN to khud hairaan hooN ki ese tumhaare aur mere baare me kaise maloom ho gaya" Anita ne jawaab diya
.
Anita ki baat sunkar Vicky kuch pal Anita ke chehre ko dekhta raha fir uska haath pakar kar bola..."Chalo usse baat kar lete hai"
.
Anita aur Vicky dring-room me pahonche aur Shaan ke bilkul saamne waale sofe par baith gaye.
.
Anita aur Vicky ke baithte hi Shaan ne apne chehre par ek pyaarii si muskuraahat sazaakar bolna suru kiyaa..."Card kaun si date ke chapwaane hai"
.
Shaan ki baat Anita aur Vicky me se kisi ke bhi palle nahi pari. We dono hairaan se Shaan ko dekhte rah gaye. Dono ki kuch samajh nahi aa rahaa tha ki Shaan kaun se card ki baat kar rahaa hai.
.
"Card... Kaise Card" Kuch der tak apna diimaag chalaane ke baad bhi jab Anita ke samajh me kuch na aaya to haarkar use pochna hi para
.

"Tum dono ki shaadi ke invitation card" Shaan ne shararat se kahaa
.
"Shaan.. Tum bhi na..." Anita ne halka sa sharma kar kahaa
.
"Vicky yaar tum etna chup kyoN ho. KaheeN tum mujh par shaq to nahi kar rahe ho. MaiN Google Devta ki kasam khaakar kahta hooN ki maine Vikraant ko nahi mara hai" Shaan ne kahaa
.
"MaiN ye soch rahaa hooN ki tum mujhse chaahte kyaa ho" Vicky ne apni jabaan kholi
.
"Dosti" Shaan ne tapaak se jawaab diyaa
.
"Matlab ki baat karo" Vicky sanjidgi se bola
.
"MaiN 7 Star Gang me shaamil hona chaahta hooN" Shaan bhi sanjida hote huye bola
.
Shaan ka jawaab sunkar Vicky muskuraya aur bola.."Shaan bekaar ki baateiN mat karo. Tumhe mujhse jo info chaahiye. Wo maiN tumhe dunga par pahle tumhe ye batana hoga ki tum mere aur Anita ke rishte ke baare me kaise jaante ho"
---------------

(Jaarii...)
Logged
masoom shahjada
Guest
«Reply #244 on: December 22, 2012, 11:48:32 AM »
very nice masoom update 105 tak padha hai kaafi achcha likha hai tumne masoom tum apni ek novel book bana sakte ho
Abhi es baare me kuch sochaa nahi hai sister. Wese bhii abhii maiN es had tak achchaa nahii likh pata hooN. Jaisa ki maiN likhna chaahta hooN.
By the way... Thanks
Logged
masoom shahjada
Guest
«Reply #245 on: December 25, 2012, 12:59:08 PM »
Update 108
Quote
Shaan ka jawaab sunkar Vicky muskuraya aur bola.."Shaan bekaar ki baateiN mat karo. Tumhe mujhse jo info chaahiye. Wo maiN tumhe dunga par pahle tumhe ye batana hoga ki tum mere aur Anita ke rishte ke baare me kaise jaante ho"
Se Aage....
Shaan koi jawaab deta usse pahle hi uske mobile ne bolna suru kar diya. Shaan ne apni pocket se mobile nikala. Screen par Rani ka naam jagmaga rahaa tha. Shaan ne apne dono honto ko ajeeb si shape dete huye call reject ki aur mobile switched off karke waapis apni pocket me rakhne ke baad, Vkcky ke sawaal ka jawaab dene laga...."Tumhaare facebook a/c me MY Love ke title se ak album hai. Jisme tumne Anita Madam ki kuch photos upload ki huyi hai. Unhi photograph se aap dono ke chakkar ke baare me pata chala tha"
.
"Jab tum Anita ki hakikat jaan gaye the to tum Vikraant ke jaal me kaise fans gaye the" Vicky ne Shaan ke jawaab me sar hilaate huye pocha
.
"Etne sawaal mat pocho. Mujhe vomit ho jaayegi" Shaan bari ajeeb si aawaaj me bola aur apna haath monh par rakhkar bilkul aesa abhinay karne lagaa jaise use ulti aa rahi ho
.
"Shaan, naatak band karo. Aur mere sawaalo ke sidhe-sidhe jawaab do" Vicky uktaaye huye lahje me bola
.
"Yaar tum aur kitni der tak balling karte rahoge. Ab meri baari hai. MaiN balling karta hooN. Tum bat samhaalo" Shaan ne apne monh se haath hataakar kahaa aur sofe par let gayaa
.
"Chalo ye hi sahi, feko ball" Vicky ne muskuraakar kahaa
.
"Baal maiN fenkti hooN. Mujhe bhi tumne 7 Star Gang ke baare me kabhi kuch nahi bataya.... Sabse pahle ye bataao ki tumhara Boss kaun hai" Shaan ke bolne se pahle hi Anita bol uthii
.
"Boss ke baare me maiN kuch nahi jaanta. Jiske through Boss ne mujhe es gang me shaamil kiya tha. Uska agle din ki murder ho gaya tha. Baad me maloom huaa ki use Boss ne hi marwaya tha. Kyonki wo es baat mein intrest le rahaa tha ki Boss kaun hai" Vicky batata chala gaya
.
"Tumhaare paas Boss ka koi contact no. hai" Anita ne dosra sawaal pochaa
.
"Nahee wo har baar new number se call karta hai" Vicky ne bataya
.
"Koi emergency number to jaroor hoga" Anita ne ek aur sawaal kiyaa
.
"Nahee Boss ka koi bhi number mere paas nahii hai. Mujhe order Red 001 se milte the. Red 001 ki maut ke baad Boss mujhse direct baat kar rahaa hai. Mere paas Red 001 ka hi emergency number tha. Red 001 ki maut se pahle sirf do ya teen baar hi Boss ne mujhse baat ki hogi" Vicky ne Anita ke sawaal ke jawaab me kahaa
.
"Hamaare department me se kaun-kaun tum logo ke saath mila huaa hai" Es baar Shaan ne pochaa tha
.
"Tum logo ke saath nahi balki 7 Star Gang ke saath kyonki Vivek ab 7 Star se nata tor chuka hai" Vicky ke kuch kahne se pahle hi Anita suru ho gayi
.
"JahaaN tak maiN jaanta hooN. SP Mishra, CBI ke we tiino officers jo Raj Bhagwat case ki probing kar rahe hai. Aur kuch constable jinka naam mujhe yaad nahi rahaa. Aur ab ASP Dev bhi Boss ke liye kaam karegaa" Vicky ne Anita aur Shaan ke saro par bam fora
.
"SP Rahul Mishra aur ASP Dev.... Tum kyaa kah rahe ho" Anita hairat se lagbhag chilla hi uthii
.
"ASP Dev ko hamne kidnap kiyaa tha kyonki hame lag rahaa tha ki wo us informer ke baare me jaanta hoga jiski information ne hamaare Gang ki kamar tor kar rakh di thi. Par hamaara andaja galat nikla. Boss ne Dev ko es shart par jinda chor diya ki wo 7 Star ke liye kaam karega. Jis time hamne Dev ko kidnap karne ki planning ki thi us time Rahul Misra ko kisi bahut jarori meeting me jana tha. SP ne apna mobile hame de diya. Hamne ak mimicry artist se Rahul Mishra ki aawaaj me baat karwaake use ghar se baahar bulaya aur kidnap kar liya. Aur Dev ke bete ki bike se Dev ka fake acsident karwa dala. Aaj subah hi maine SP Misha ko uska mobile waapis kiya tha" Vicky bahut kuch batata chala gaya
.
"Tumhara Boss Raj Bhagwat ki family ke piche haath monh dhokar kyoN para huaa hai" Shaan  ne pochaa
.
"Maloom nahii. Hame to bas order milte hai. Aese kyoN karna hai, wo hame pochne ki himmat nahi hoti kyonki jisne ne bhi ye himmat ki hai. Wo jinda nahi rahaa" Vicky bola
.
"O.K. Apna wo number do jis par Boss tumse baat karta hai" Shaan ne apni pocket se mobile nikaal kar switched on karte huye kahaa.
Jaise hi mobile switched on huaa. Rani ka msg aa tapka. Likhaa thaa....."Bahut bari garbar ho gayi hai. Jald se jald mujhe call karo"
.
Rani ka msg parne ke baad Shaan Vicky se bola.."HaaN bolo kyaa number hai". Vicky ne number bataya. Vicky ka bataya huaa number save karte huye Shaan sofe se utha aur..."Abhi aayaa...." kahte huye dring-room se baahar aakar Rani ka number dial karne lagaa
.
"HaaN Rani kyaa huaa" Rani ke hello ke jawaab me Shaan bola
.
"Mere do saathi jo formhouse ki nigraani kar rahe the. We pakre gaye hai. Tiisre ki mere paas call aayi thi. Maine Karan Bhaai ka number try kiya to not reachable aa raha hai" Rani ki pareshaan si aawaaj aayi

---------------

(Jaarii...)
Logged
masoom shahjada
Guest
«Reply #246 on: December 25, 2012, 01:12:10 PM »
Update 109
Quote
"Mere do saathi jo formhouse ki nigraani kar rahe the. We pakre gaye hai. Tiisre ki mere paas call aayi thi. Maine Karan Bhaai ka number try kiya to not reachable aa raha hai" Rani ki pareshaan si aawaaj aayi
Se Aage....
"Jaan tum aese naraz na hua karo. Tumhaari narazgi mujhe bahut dukh deti hai" Jamaane bhar ka dard apne lehje me samet'te huye,  Shaan kuch buland aawaaz me bola. Aawaaz etni buland thi ki dring-room baithe Anita aur Vicky saaf-saaf sun sakte the
.
Ek pal ko to Rani hairaan hi rah gayi ki ye Shaan kya paagal ho gaya hai jo bahki-bahki baateiN karne laga. Par fir agle hi lamhe use khayaal aaya ki Shaan kisi aesi jagah hai, jahaaN loog Shaan par kuch shaq kar rahe hai. Esliye Shaan ye bakwaas kar rahaa hai. Rani en khayaalo me kuch aesa ulajhi ki jawaab dena hi bhool gayi.
.
Dosri taraf se Shaan fir se suru ho gaya.."Jaan-e-man chup kyoN ho. MaiN kasam khata hooN. Aage se aesa nahi karonga"
.
"Babu tum achche se jaante ho ki maiN tum se naraz nahi ho sakti. Sach to ye hai ki mujhe naraz hona aata hi nahi hai. Par dukh jaror hota hai. MaiN tumhe jee-jaan se chaahtii hooN. Par tum ho ki hamesha Riya ke liye paagal rahte ho. Tumne kabhi ek pal ke liye bhi meri aankho me jhaank kar nahi dekha ki ye tumse kyaa maangti hai. Kabhi ek baar bhi mere dil ki darkan ko nahi suna ki ye tumse kyaa chaahtii hai. Kabhi ek pal ke liye bhi tumne ye nahi socha ki bin kisi rishte ke, kyoN har pal maiN tumhaare saath rahti hooN. KyoN maiN...."
.
"Rani, ye kaisa mazaak hai" Shaan cheek hi utha
.
"Ye ek aesa sach hai. Jise tum kabhi manna hi nahi chaahte" Rani ne kahaa aur call disconnect kar di
.
Jabki dosri taraf fati-fati najro se Shaan mobile ko take jaa rahaa tha. Shaan ne Rani se betuki baateiN esliye suru ki thi kyonki use lag rahaa tha ki uske aese uth aane aur baahar aakar mobile par kisi se baat karne par Anita aur Vicky jaane kyaa-kyaa soch rahe honge.
.
Par Rani ki baato ne uska dimaag ghomaa kar rakh diya tha. Wakai me aaj tak usne kabhi ye socha hi nahi tha ki Rani har musibat me uska saath kyoN deti hai. KyoN Rani ne uski jindagi sawaarne ke liye apni jindagi, apni khusiyoN ki parwaah nahi ki thi.
.
Shaan ki aankho ke saamne apni jindagi ki dhondhli-dhondhli si tasvire ghomne lagi. Jinme se kisi ne uske udaas chehre par muskuraahat laane ke liye Rani ulti-sidhi harkat kar rahi thi. To kisi me nanhe Shiva ke liye raateiN jaag-jaag kar gujaar rahi thi. To kisi me uska sar apni god me rakhkar use taslli de rahi thi aur uske baalo me ungliyaaN ferkar use sula rahi thi.
.
Shaan en khayaalo me kuch aesa kho gaya ki use diin-duniya ki koi khabar na rahi. Wo jab chonka jab usne kisi ka haath apne kaandho par mahsos kiya. Shaan ne piche murkar dekha. Vicky khara tha.
.
"Kyaa baat hai dost etne pareshaan kyoN ho" Shaan ko gahri najro se dekhte huye Vicky bola
.
"Wo ....... Yaar kuch nahi. Kuch der pahle gf ki call reject karke mobile switched off kar liya tha. Esliye wo buri tarah naraz ho gayi hai" Shaan wo ke baad Vicky ko sachchaai bataane wala tha par fir samhla aur ekdam se baat banaayi
.
"Lagta hai tum usse bahut pyaar karte ho. Esliye uski narazgi ne tumhaari aankho me aansu laa diye"
.
"Aansu... Kaise aansu" Shaan ne hairaani se kahaa aur sahan me lage huye aayne ke saamne ja khara huaa aur miror me apna chehra dekhne laga. Shaan ka pora chehra aansu'ao se bhiga huaa tha. Aur kamaal ki baat ye thi ki Shaan ko maloom hi nahi ho saka tha. Shaan ne jaldi se apni pocket se hanky nikali aur apna chehra saaf karke jabardasti muskuraane ki koshish karne laga
.

"Ye jo aadat hai muskuraane kii.
 Ek koshish hai gam chupaane kii."
Vicky ne Shaan ko jabardasti muskuraate dekh sher paraa
.
"Arre waah, dost tum to shaayar bhi ho. To shaayar shaahab aa jaao kuch kaam ki baateiN kar lete hai. Baad me kabhi fursat me aapki shaayri sunege" Shaaan dring-room ki taraf barte huye bola.
.
Vicky bhi Shaan ke piche ho liya. Dono apni-apni jagah baith gaye.
.
"Shaan pareshaan kyoN ho. Koi problem hai kyaa" Shaan ka pareshaan sa chehra dekhkar Anita bin poche na rah saki
.
"HaaN ... Thori si problem hai... Par uska hal hai mere paas" Shaan apne honto par fiki si muskuraahat sazaakar bola. Par Shaan ko apni aawaaj khokhli si lagi. Use aesa laga jaise wo khud ko jhuti tasalli de rahaa ho. Aur ye baat kaheeN na kaheeN sach bhi thi. Shaan ke paas es problem ka koi hal nahi tha.
.
Kuch der tak teeno khaamosh baithe rahe. Ye khaamoshii Shaan ko ajaab si lag rahi thi. Kyonki uske dimaag me es waqt khalbali machi huyi thi. Shaan koi baat karke apne mind ko divert karna chaahta tha. Aur wese bhi ye bahut naazuk waqt tha. Es waqt Shaan ki jraa si chook kaam bighaar sakti thi. Esliye Shaan ne es khamoshii ko tora..."Vicky, tumhaare we chaar saathii, jinhe kal tumne jail se nikala tha aur jo delhi ke aas-paas kisi formhouse me chupe hai"
---------------

(Jaarii...)
Logged
mkv
Guest
«Reply #247 on: December 25, 2012, 02:47:01 PM »
bahut dino se maine kuch comment nahee kiya..
89 ke baad break ho gaya..need a little bit time to cover..
keep it up.
Logged
masoom shahjada
Guest
«Reply #248 on: December 26, 2012, 02:43:27 PM »
Update 110
Quote
Esliye Shaan ne es khamoshii ko tora..." Vicky, tumhaare we chaar saathii, jinhe kal tumne jail se nikala tha aur jo delhi ke aas-paas kisi formhouse me chupe huye hai.."
Se Aage...
".... Unhe jald se jald wahaaN se nikal kar kaheeN aur jaane ko kaho. Warna we sab fir se dhar liye jaayege. Karan unke saro par pahonchne hi wala hoga"
.
Shaan ki baat par Vicky to uchal hi para. Jabki Anita hairat se Shaan ka monh takey ja rahi thi. Kuch lamho tak Anita, Shaan ko aese hi takti rahi, fir shak aur gusse se bharpoor lahje me boli.."Shaan, kyaa tum bhii 7 Star Gang se mile huye ho"
.
"HaaN mujhe bhi aesa hi lagta hai. Kyonki Boss ne mujhe tumhe koi nuksaan na pahonchaane ki hidaayat di thi..... KaheeN mere aur Anita ke saath, ye dosti ka khel tum Boss ke kahne par hi to nahi khel rahe ho..." Vicky, Shaan ko khaa jaane waali najro se dekhte huye bola
.
"Tum dono bekaar me mujh par shaq kar rahe ho. Vicky tum unhe call karke kaho ki Karan unhe arrest karne aa rahaa hai. Jitni jaldi ho sake. Kisi dosri jagah chale jaaye" Shaan ne bare shaant se andaaz me jawaab diya
.
Shaan ke jawaab ne Anita ke gusse ko aur hawaa di. Wo gusse me chillayi.."Agar tum Boss ke aadmii nahi hai to un criminals ko bachana kyoN chaahte ho"
.
"Vicky,, tum ak baar wahaaN call karo saarii baat clear ho jaayegi" Shaan sanjida lahje me bola
.
Vicky kuch lamhe gahri najro se Shaan ko dekhte huye kuch sochta rahaa. Fir pocket se apna cell phone nikaal kar baateiN karne laga. Call disconnect karne ke baad  Vicky kuch lamhe muskuraate huye Shaan ko dekhta rahaa fir koi address Shaan ko bataate huye bola.."Ye address Karan ko de dena. Aur usse kahnaa ki wo chaaro me se kisi ko bhi jinda na chore. Agar we es baar jinda nikal gaye to es shahar me khoon ki nadiyaa bahaa denge. Unhe arrest karke jail me rakhne se koi faayda nahi hoga. Boss ke liye unhe fir se jail se churana baaye haath ka khel hai"
.
"Ye tum dono kyaa karne me lage huye ho. Meri to kuch samajh me nahi aa rahaa hai. Pahle khud unhe bhaga rahe ho aur fir khud hi unki maut ka intizaam kar rahe ho" Anita uljhe huye lahje me boli
.
"MaiN batata hooN. Kal se Shaan ke kuch aadmee formhouse ki nigrani kar rahe the. Jinme se do pakre gaye hai. Jiski wajah se Boss ke chaaro main gurge wahaaN se dosri jagah jaane ki tayyari kar rahe hai. Shaan ne mujhse call esliye karwaai ki maiN ye pata kar sakooN ki we kahaaN ja rahe hai" Vicky ne Anita ki uljhan door ki
.
"Vicky wo Sardaar kaun tha. Jise maine tumhaare saath shahar ke baahar band factory ke saamne dekha tha" Shaan ne Vicky se pocha
.
"Maloom nahi ki wo sardaar kaun hai. Par etna jaror bata sakta hooN ki wo Boss ka koi bahut khaas aadmii hai. Aur uska use Boss khaas mauko par hi karta hai" Vicky ne bataya
.
Vicky ka jawaab sunkar Shaan kuch der khamosh rahaa fir andhere me teer chora.... "Par uski shakl mujhe jaanii-pahchaanii si lagi thi. Aesa laga tha jaise maiN pahle bhi use dekh chuka hooN. Halaanki maine use pahli baar dekha tha. Kya tumhaari nazar me koi aesa aadmii hai. Jo us sardaar jaisa dikhta ho"
.
"Meri nazar se to aesa koi aadmii nahi gujra" Vicky ne jawaab diya. Fir kuch yaad karte huye bola.."HaaN yaad aaya. Uski shakl kuch-kuch shahar ke jaane-maane businessman Ajeet Yadav se milti hai"
.
Vicky ki baat pori hote hi Shaan sofe se uthte huye bola...."O.K. Dosto ab maiN chalta hooN. Tum dono apna khayaal rakhna aur Vikraant ki laash ko thikaane laga dena. Aur Vikraant ki murder ki baat ko sirf apne tak hi simit rakhna. Aur Vicky tum Boss ko bilkul ahsaas mat dena ki tum badal gaye ho. Uske liye Boss ka har order pahle ki tarah maante rahna"
.
Shaan ne Vicky se haath milaya aur baahar ki taraf kadam baraa diye. Shaan ke dring-room se nikalte hi Anita ko kuch yaad aaya wo Vicky se..."Abhi Aayi" kahti huyi Shaan ke piche aayi.."Shaan, ak minute rukna"
.
"Muhe apni car ki key do. Mere paas koi vechile nahi hai. Uske baad kuch sunana"
.
Anita apne bedroom me gayi aur car ki key Shaan ko laakar de di... Fir boli.."Agar Vicky 7 Star se nata na torta aur maiN bhi Vicky ka saath deti rahti to tum kya karte"
.
"Dono ko goli maar deta" Shaan ne sanjidgi se kahaa aur baahar nikal gaya. Jabki andar Anita schoked si khari rah gayi
.
Kuch der ke liye Shaan Rani ki baateiN bhool gaya tha par Akela hote hi fir se Rani ki baateiN uske dimaag me kohraam machaane lagi. Uskki gujri huyi jindagi ka har wo pal yaad dilaane lagi jo usne Rani ke saath gujara tha.
.
YaadoN se chutkara paane ke liye Shaan ne jaldi se Anita ki car start ki aur aage bara di.
Aur apne kaano se bluetooth lagaakar, Karan ka number dial kiya par wo not reachable aaya.
---------------

(Jaarii...)
Logged
masoom shahjada
Guest
«Reply #249 on: December 26, 2012, 02:53:50 PM »
Update 111
Quote

YaadoN se chutkara paane ke liye Shaan ne jaldi se Anita ki car start ki aur aage bara di.
Aur apne kaano se bluetooth lagaakar, Karan ka number dial kiya par wo not reachable aaya.
Se Aage...
To Shaan ne Sikandar ka number try kiya. Ittefaak se Sikandar Karan waali car me hi tha. Shaan ne Karan ko saari baat samjhaaee aur bari mushkil se usko un chaaro ka encounter karne par rajee kiya.
.
Karan se baateiN karte-karte Shaan main road par aa gayaa tha. Sadak par apni car se do car aage chalti huyi car ka number dekhkar Shaan ko jhatka lagaa. Kyonki ye wahee car thi jo usne Sardaar ke paas dekhi thi. Jab wo Pauri se Kota aa rahaa tha.
.
Kuch sochkar Shaan us car ka picha karne lagaa. Kuch door sidhe chalte rahne ke baad wo car right side ko mur gaee. Fir kuch der sidhii chali aur left side ko murkar fir se main road par aa gaee. Par es baar uska rukh shahar se baahar ki taraf tha. Shaan Anita ki Safari me musalsal uska pichaa kar rahaa tha.
.
Shahar se baahar nikalne ke baad kuch der tak car dimhi raftaar se aage badti rahi. Par jaise hi wo jhariyo ke paas pahonchi yakaayak uski raftaar tej ho gaee. Ye jhariyaa kafi ghani thi aur sadak ke se lagaakar bahut door anadar tak faili huyi thi.
.
Us car ke wahaaN se aage gujarte hi. Road ki dono aour se jhariyoN me chupe huye 10 loog nikle aur road gerkar khare ho gaye. Sabke haatho me gun thi. Ye dekhkar Shaan ne car ko full speed me kiya aur car hawa ki si teji se unki aour barne lagi.
.
Ye dekhkar un sabne Shaan ki car ke agle dono tyres ko nishana banakar fire karna suru kar diya. Par jab car unke kareeb se kareeb tar aati gaee to we sab raaste se hat gaye.
.
Aage ek khatarnaak mur tha. Aur Safari ke agle dono tyre we loog bekaar kar chuke the. Esliye Shaan car ko control nahee kar pa rahaa tha.
.
Shaan ne khidki kholi aur jhariyoN me kod gaya. Aur car sidha saamne khare ped se jaa takraaee.
.
Shaan jhariyoN me andar ki taraf bhaagne lagaa. We loog bhi Shaan ka picha kar rahe the. Shaan ye dekhkar bahut hairaan ho rahaa tha ki un sabke haatho me gun thi par koi bhi us par fire nahi kar rahaa tha.
.
Ye jhariyaaN kaafii ghanii thii esliye agar Shaan chaahta to bhi tej nahee bhaag sakta tha. Bhagte-bhaagte Shaan ne achaanak aesa abhiinay kiya, jaise uska per kisi jangli bel me uljha ho aur wo munh ke bal jameen par jaa giraa. Aur "Saanp saanp bachaao bachaao" ki duhaaee lagaane lagaa.
.
Shaan ko girte dekhkar we loog teji se Shaan ke paas aaye. Jab we Shaan se sirf 10 foot door rah gaye to, Shaan ne chillana band kiya aur sidha huaa to Shaan ke dono me haatho me gun thi.
.
Esse pahle ki we loog kuch samajh paate Shaan ki dono gun se shole nikle aur dekhte hii dekhte we sab  jameen par girkar chillaane lage.
.
Ye 7 loog the 3 loog shaayad road par hi rah gaye the. Shaan aage baraa aur un logo ki do gun uthaakar road ki taraf bhaga. Shaan bhaagte-bhaagte road se kereeb 500 meter andar aa gayaa tha.
.
Kuch hi der me Shaan road ke kinaare pahonch gayaa. Wahaa pahonch kar Shaan ruka aur jhariyoN me chupe-chpe hi road par dekha. Shaan se kuch door do car khari thi aur unke saamne do log haath me gun liye aapas me baateiN kar rahe the.
.
Shaan ne un dono ko bhii jakhmii kiyaa aur dono gun ko apni pocket me rakhkha. Gun rakhne ke baad wo doarkar car ke paas pahonchaa. Car ke paas pahonchkar, Shaan ne car ke gate ki taraf haath baraayaa hi thaa ki. Koi gun Shaan ke sar pe aakar tiki aur piche se aawaaj aaee.."Inspecter Shaan, haath upar karke ghutno ke bal baith jaao, warna khopri..."
.
Abhi uska jumla pora bhi nahi huaa tha ki use chup hona paraa. Kyonki agle hi lamhe uski gun Shaan ke haatho me kis tarah pahonch gaee use khud samajh nahii aaya.
.
Shaan ne gun ko uski taraf uthaya. Par saamne wala bhi kam furtila nahi tha. Esse pahle ki Shaan trigger dabaa pata. Uski laat Shaan ke haatho par lagi aur rivolver Shaan ke haatho se chutkar door jaa giri.
.
Usne dosra waar kiya. Jisse khud ko bachte huye Shaan ne ak jordaar haath uske pet par mara. Wo apna pet pakar jhuka. Shaan ne ek laat uske sar par maarni chaahi par wo ekdam se piche hat gayaa.
Aur jameen par giri gun uthaane ke liye jhuka.
.

Usse pahle ki wo gun uthaakar khara ho pata. Shaan ne jeb se gun nikaal kar uski dono haatho ko bekaar kar diya. Aur fir uspe etni laat barsaayi ki wo bedam hokar jameen par jaa gira.
.
Use thikaane lagaakar Shaan ne ak thandii saans li. Aur Police Station call karke kuch constable ko yahaaN bulaya aur khud ak car me baithkar shahar ki taraf waapis chal diya.
.
Shaan shahar me enter huaa tha ki road ke kinaare Shaan ko wo car khari najar aayi jiska pichaa karte-karte Shaan shahar se baahar ja pahoncha tha.
---------------

(Jaarii...)
Logged
aqsh
Guest
«Reply #250 on: January 01, 2013, 06:22:29 AM »
ya masoom ab aage ki kahani bhi jaldi post kar do
Logged
masoom shahjada
Guest
«Reply #251 on: January 03, 2013, 01:45:13 AM »
Update 112
Quote

Shaan shahar me enter huaa tha ki road ke kinaare Shaan ko wo car khari najar aayi jiska pichaa karte-karte Shaan shahar se baahar ja pahoncha tha.
Se Aage...
Shaan ne us car ke paas apni car roki. Aur us car ko check kiya. Na to us car me koi tha aur na hi usme se koi saboot haath lagaa.
.
Car ko check karne ke baad, Shaan ne mobile nikala, aur time dekha. Shaam ke 5 baj rahe the. Shaan subah ka nikla huaa tha. Aur ab raat hone ko aaee thi. Par khaane ko kuch bhii naseeb nahee huaa tha. Esliye shadeed bhook mahsos ho rahee thee. Aur jakhmi hone ki wajah se wo kuch kamjor ho gayaa tha upar se use 1km se bhii jyada bhaagna para tha esliye thakan ke maare uska bura haal ho rahaa tha.
.
Shaan waapis car me ja baitha aur Karan ke ghar ko ravana ho gaya. Raaste me use Rani ki baateiN fir se pareshaan karne lagi. Rani ke baare me sochte-sochte achaanak Shaan ko Riya ka khayaal aaya.
.
Riya ka naam dimaag ki main screen pe chamakte hi, shaan ke pair khud baakhud break pe pare aur car ruk gaee. Aur haath bhi apne aap pocket me gaye aur mobile nikaal kar Riya ka number dial karne lage.
.
Shaan ki kismat achchii thi ki phone switched off nahee tha. Ring jaane lagi. Ring braabar jaatii rahi, par call recieve nahee ki gaee. Shaan shaaririk roop se car me tha, par mansik roop se kahee aur tha. Piche se musalsal aatii PO PO ki aawaajo ne Shaan ko ahsas karaya ki wo car ko beech raaste me roke kharaa hai.
.
Shaan bekhudii ki haalat me sab karta chalaa gayaa tha. PO PO ki aawaaj sunkar wo hosh me aaya, aur car aage baraa dii.
.
Car raaste par dhire-dhire rangne lagi, jabki uske baaye haath ki ungliyaaN fir se Riya ka number dial karne lagi. Karan ke ghar pahonchne tak, Shaan 5 baar Riya ka number dial kar chuka tha.
.
Har baar pahle se jayada ummid se call karta ki es baar Riya call recieve jaror karegi. Par har baar maYoindia Shayariadabhii hi haath aati
.
Car me utarne se pahle Shaan ke dil ke kinaare par ye baat ubhrii ki ek baar, ek aakhiree baar aur try kar, kyaa maloom es baar call recieve kar li jaaye. Usne dil ka hukm mana aur Riya ka number dial kar diya. Aur dil hi dil Riya se bola..."Riya plzz es baar maaYoindia Shayariadabh mat karo". Shaan ke dil se nikli ye aah shaayad Riya tak jaa pahonchi. Usne call recieve kar li......... "Kyaa hai? KyoN Baar-baar call karke pareshaan kar rahe ho?" Riya ki khafa-khafa si aaawaaj kano se hote huye sidhe dil se jaa takraaee
.
"Riya mujhe maloom hai ki tum mujhse buri tarah naraz ho. Par plz apni es narazgi ko kuch lamho ke liye dil ke kisi kone me kaid karke, ek baar meri baat sun lo. Es waqt maiN bahut bari uljhan ke samundar me fans gayaa hooN. Aur haaN tum yakeen karo ya na karo. Par maiN apni us muhabbat ki kasam khaakar kahta hooN, jisme maiN musalsal pichle 15 saalo se jal rahaa hooN. MaiNe tumhaare alawa aaj tak na to kisi ko socha hai. Aur na hi tumhaare alawa kisi ko aankh uthaakar dekha hai" Shaan bahut narm aur dilkash lahje me apni haalat bayaan karta chalaa gayaa
.
Riya khaamoshi se Shaan ko sunti rahi. Shaan ki jubaan se nikla ek-ek bool Riya ke sulagte huye dil par paanii ki boond ki tarah paraa. Aur uske dil se narazgi ki gandagi dhulti chali gaee. Aur jab Riya ka dil saaf-suthra huaa to wo sharmindagi se ghirti chali gayi. Wo sharminda se lahje me boli..."Shaan tumhaari har uljhan meri uljhan hai. Aur har pareshaani meri pareshaani hai. MaiN bahut sharminda hooN ki maine tum par shaq kiya. Dar hakikat dekha jaaye to maine tum par nahee balki apni muhabbat par shaq kiya tha. Jo ki bahut buri baat hai. Dar-asal baat ye hai ki maiN tumhe had se jayada chaahti hooN. Esliye tumhaare cell-phone se larki ki aawaaz sunkar aapaa kho baithii"
.
"Koi baat nahee. Ye sab chaltaa rahtaa hai. Riya maiN jo ab tumse kahne jaa rahaa hooN, use dil pat'thar karke sunna. Aur plz plz plz mujhe galat mat samjhna" Shaan ki aawaaz me kuch-kuch kapkapaahat thi. Jise Riya ne saaf toor par mahsos kiya
.
"Shaan kyaa baat hai? Jaldi kaho. Mujhse ghabraahat si hone lagi hai" Rani dari-sahmi si aawaaz me boli. Kyonki uske khayaal me Shaan koi dil tor dene waali baat kahna chaata tha
.
"Riya tum to jaanti hi hogi ki Rani ke mujh par kitne ahsaan hai"
.
"HaaN jaantii hooN"
.
"Kabhi agar mujhe uski koi khawaahish poori karne ka mauka mile to mujhe kyaa karna chaahiye"
.

"Tumko khushi-khushi uski khawahish ko puraa karna chaahiye"
.
"Ab uske ahsaano ka karz utaarne ka mauka aaya hai. Aur maiN chaahkar bhee ese gavaanaa nahee chaahtaa. Par uske liye mujhe khud ko kurbaan karna parega... Abhi kuch ghanto pahle mujhe maloom huaa hai ki Rani mujhse muhabbat karti hai" Shaan, Riya ke sar par aasmaan girata chalaa gayaa.
.
Shaan ki baat par Riya bolne ke bhi kaabil na rahi. Shaan bhi nam aankho se chup-chaap Riya ke es jhatke se ubharne ka intizaar karne lagaa. Kuch waqt gujarne ke baad Riya samhali aur boli...
---------------

(Jaarii...)
Logged
aqsh
Guest
«Reply #252 on: January 17, 2013, 06:57:20 AM »
itna suspense banana teekh nahi jaldi jaldi post karo aage ki kahani. good going masoom
Logged
masoom shahjada
Guest
«Reply #253 on: January 18, 2013, 05:27:01 AM »
itna suspense banana teekh nahi jaldi jaldi post karo aage ki kahani. good going masoom
Abhii karta hu.
Suspence thriller hai.
To bina suspence banaaye kyaa mazaa aayega.
Logged
masoom shahjada
Guest
«Reply #254 on: January 18, 2013, 06:12:05 AM »
Update 113
Quote
Shaan ki baat par Riya bolne ke bhi kaabil na rahi. Shaan bhi nam aankho se chup-chaap Riya ke es jhatke se ubharne ka intizaar karne lagaa. Kuch waqt gujarne ke baad Riya samhali aur boli...
Se Aage...
..."Mujhe pahle hi ahsaas tha ki Rani tumhe chaahtii hai. Aur sach boluN to tum par mujhse jayada haq Rani ka hai. Khair tum Rani ke saath khush rahnaa. Mujhe tumse koi shikwaa nahee hai" Riya ne bare jabt se bolnna suru kiya tha. Par dil me uthne waali gam ki lahro ko jayada der na rook paayi. Apni baat khatm karte-karte uska jabt jawaab de gayaa. Aur uski pakle bhigti chali gayi
.
"Riya shaayad es janam me hamara milan mumkin nahee hai. Hamara mukaddar me judaai hi judaai hai" Shaan dard bhare lahje me bola. Aansu uske gaalo par bhi bahne suru ho gaye the.
.
Muhabbat majboot se majboot mard ko rula deti hai. Aur fir Shaan bhala kyoN kar na rota. Apni chaahat ka gala ghontkar khud apne haatho se use apni muhabbat ko kabr me dafan karna par rahaa tha.
Gam aur dard se uska dil fataa ja rahaa tha.
.
"Shaan khud ko mazboot banaao..... Tumhe Rani ko khairaat nahee deni hai..... Balki use dil ki gahraaeyoN se kabool karna hai" Shaan ko majboot banne ki hidayaat karte-karte Riya khud foot-foot kar rone lagii
.
Riya ke es tarah rone se Shaan tadap uthaa. Use aesa lagaa jaise kisi ne uskaa dil muththii me le liya ho. Shaan ne ek pal ko sohaa ki apna faisla badal le. Par fir Rani ke ahsaan yaad aa gaye.
.
"Riya es tarah se mat ro'ao... Es waqt mujhe tumhaarii.... Muskaan ki jarurat hai......... Tumhaare ye aansu mere kadmo me janjeer ban rahe hai." Shaan ne apne aansu'ao par kaabu paane ki koshish karte huye kahaaa.
.
Par bhala paanii par kaun kaabu pa saka hai. Wo jitna aansu rokne ki koshish karta. Utna jayada aansu uski palko se tut-tut kar uske gaalo par girne lagte
.
"Shaan mujhe maaf karna.... MaiN bebas .... hooN.... En aansu'ao ....... mera koi jor ...... nahee chaltaa" Riya buri tarah rote huye dil kirchi-kirchi kar dene waale lahje me boli aur call disconnect kar di
.
Shaan stairing par sar rakhkar rota chala gaya. Bahut der tak aese hi rote rahne ke baad ak waqt aesa bhi aaya ki uske aansu bhi uska saath chorne lage.
.
Kam se kam pore aadhe ghante tak Shaan bahut bure haalat me stairing se sar tikaaye baitha rahaa. Fir apne haal par khud raham karte huye, apni pocket se hanky lekar apne gore-gore gaalo par aansu'ao se khinch chuki dhaariyoN ko achche se saaf karne lagaa
.
Chehra saaf karne ke baad Shaan  car ka gate open karke niche utra aur thake-thake kadmo se Karan ke ghar me daakhil ho gaya.
.
Baahar sahan me narm-narm gaas par Sanjana Bhabhi aur Rani baithi huyi baateiN kar rahi thi. Shaan apne face par jhuti muskuraahat sazaakar unki taraf baraa. Shaan ko dekhte hi Bhabhi ne us par barsana suru kar diya. Utli-sidhi baateiN karke kisi tarah Shaan ne bhabhi ko manaya.
.
Shaan ki achchi tarah khabar lene ke baad bhabhi kitchen me uske liye khana garm karne chali gayi.
.
"Rani, kal ham dono shaadii kar rahe hai" Bhabhi ke jaate hi Shaan, Rani ke paas baith'te huye sanjida lahje me bola
.
"Daaru charaakar aaye ho kyaa" Shaan ki baat sunkar Rani ne Shaan ke monh ke kareeb naak laakar uska monh sughne ki koshish karte huye kahaa
.
"Rani maiN serious hooN" Rani ke mazaak par Shaan chirte huye bola
.
"Abe achaanak tere dimaag me shaadii ka bhoot kahaaN se ghuns gayaa. Mana Riya kisi aur ko pasand karti hai. Par eska ye matlab nahee ki ham shaadii kar le. Uski soch badli bhi ja sakti hai. Aur tere jaisa life partner use saato jameen-ao-aasmaan me nahee milega" Shaan ne do raat pahle Rani ko bataya tha ki Riya kisi aur se pyaar karti hai. Esliye usne sochaa ki wo Riya ki yaadoN se pareshaan hokar aesa kah rahaa hai
.
"Rani dophar jab tumne mujhse muhabbat ka izhaar kiya to maine bahut sochaa. Aur fir mujhe lagaa ki tumse achchaa jeevan saathi koi aur ho hi nahi sakta. Tum mujhe sabse achchii tarah jaaanti ho" Shaan ne sanjidagi se kahaa
.
"Abe gadhe kyaa bakwaas kiye jaa rahaa hai. Wo to maine mazaak kiyaa tha" Shaan ki baat par lotpot hote huye Rani boli
.

"Mazaak" Rani ke monh se mazaak shabad sunkar Shaan ko apne dil me sukon sa utarta huaa mahsos huaa. Par agle hi lamhe uski aankho ke aage Riya ka foot-foot kar rota huaa chehra ghomne lagaa. To Shaan ko shadid gussaa aane lagaa. Uski aankhe blue aankhe surkh hoti chali gaee. Uska dil chaha ki Rani ke gaal par ak kaskar thappar lagaa de
.
"Etna gusaa kyoN ho rahe ho. Dophar tum bhi jaane kahaaN-kahaaN ki haank rahe the. To maine bhi thori si bakwaas kar di" Rani, Shaan ke gusse se surkh hote chehre ko dekhkar boli
---------------

(Jaarii...)
Logged
Pages: 1 ... 13 14 15 16 [17] 18 19
Print
Jump to:  


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
March 28, 2024, 10:27:46 AM

Login with username, password and session length
Recent Replies
by ASIF
[March 24, 2024, 04:34:54 AM]

by ASIF
[March 24, 2024, 04:30:44 AM]

by ASIF
[March 24, 2024, 04:26:39 AM]

by ASIF
[March 23, 2024, 08:50:46 AM]

[March 21, 2024, 08:02:59 PM]

[March 21, 2024, 07:59:38 PM]

[March 17, 2024, 02:01:29 PM]

[March 16, 2024, 03:26:05 PM]

[March 16, 2024, 03:25:04 PM]

[March 16, 2024, 03:21:26 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.213 seconds with 23 queries.
[x] Join now community of 8502 Real Poets and poetry admirer