Agar gale nahin milta to haath bi nahi mila

muhabbaton mein dikhaave kii dostii na milaa,
agar gale nahiin miltaa to haath bhii na milaa.

gharon pe naam the naamon ke saath ohade the,
bahut talaash kiyaa koii aadamii na milaa.

tamaam rishton ko main ghar pe chhod aayaa thaa,
phir isake baad mujhe koii ajanabii na milaa.

bahut ajiib hai ye qurbaton kii duurii bhii,
vo mere saath rahaa aur mujhe kabhii na milaa.

khudaa kii itanii baDii qaayenaat mein maine,
bas ek Shaks ko maangaa mujhe vo hii na milaa.

Bashir Badr

Wonderful sharing Sonia....Bashir Badar is one of my most favourite poets.

such wonderful sonia...and thanks for sharing of touchy as'aar of janab bashir badr shahab...

kuchh arz karna chahoonga tumhaare is behtarin post par...

is kaarwaa'n-e-zindagi me yun bhi kabhi hua
koi ajnabi milla kabhi khud kaa saayaa bhi naa mila..


shakil..

Hum bin Kahe rah payen yeh ho nahin sakta,
Dil ki baat zubaan se na nikle yeh ho nahin sakta.


---------

Jo na milna chaahe usse karun main kya gila, -
zamaane ka dastoor samajh kar Khaamosh raha. -

Phir bhi uske dar pe sadayen to buhat deen, -
Ghaafil-e-ishq ke ghar se dhakka bhi na mila. -


(Syed Naami)

Hosla afzai ka shukriya

nice sharing Sonia..

bahut ajiib hai ye qurbaton kii duurii bhii,
vo mere saath rahaa aur mujhe kabhii na milaa.


yah line sabse achi lagi!!!

sonia ji bohot hi umda ashaar se nawaza aap ne, khas kar aakhri shear     

khudaa kii itanii baDii qaayenaat mein maine,
bas ek Shaks ko maangaa mujhe vo hii na milaa.

or ahbab ne bhi umda kalam pesh kiye.