!!Ghäzälz!!

by Dewana_Badal on March 18, 2006, 12:33:50 PM
Pages: [1]
ReplyPrint
Author  (Read 1233 times)
Dewana_Badal
Guest
Reply with quote
din anjaan galion mein gujaarte rahey…..
   shaam, mehfil-e-gam mein gujaarte rahey……

   sann.Nate kahin cheer na dein is dil ko…..
   cheekh-cheekh, uska naam pukarte rahey…..

   us raat toota taara, to maanga tha usne………
   har taare ko dekh hum, use maangte rahey………

   khoon-e-jigar ka koi to saudaai milega…..
   aag mein jalaa, lahoo ko nikhaarte rahey….

   aaina kehta hai ki, mujhse aa kar mil…..
   ru-b-ru hone ki, hum himmat baandhte rahey….

   uski paklon se girti hui har shabnam ko……
   apni aankhon mein hum tehraate rahey…..

   hawa ka jhonka, mera haal bataata raha.....
   duniya se 'Dewana_dil' apna haal chupaate rahey.....

   din anjaan galion mein gujaarte rahey…..
   shaam, mehfil-e-gam mein gujaarte rahey……
Logged
Similar Poetry and Posts (Note: Find replies to above post after the related posts and poetry)
Ghäzälz by Dewana_Badal in Ghazals
Dewana_Badal
Guest
«Reply #1 on: March 21, 2006, 07:50:30 PM »
Reply with quote
aise to ko_ii jii ko banaataa nahii.n patthar
bevajah to kabhii haath me.n aataa nahii.n patthar

Darataa hai apanaa hii ghar zad me.n na aaye
ek shaKhs andhere me.n chalaataa nahii.n patthar

kuchh shiishaa_badan logo.n me.n tajviiz yahii thii
Deewana tere shahar me.n khaataa nahii.n patthar

ye baat mere dil ko lagii sab se bhalii baat
Dewana dewanay pe uThaataa nahii.n patthar
Logged
Dewana_Badal
Guest
«Reply #2 on: March 21, 2006, 08:07:24 PM »
Reply with quote
jab tere shahar se guzarataa huu.N

dil bhii karataa hai yaad chhup ke tujhe
naam letii nahii.n zubaa.N teraa

ye bhii nahii.n mujhe maaluum
kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n  me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa

terii rusvaa_iiyo.n se Darataa huu.N
jab tere shahar se guzarataa huu.N

haal-e-dil bhii na kah sakaa garche
tuu rahii muddato.n qariib mere
kuchh terii azmato.n kaa Dar bhii thaa
kuchh Khayaalaat the ajiib mere
aaKhir kaar vo gha.dii aa_ii
baar-e-dar ho gaye raqiib mere
tuu mujhe chho.D ke chalii bhii ga_ii
Khair qismat merii nasiib mere

ab mai.n kyo.n tujh se pyaar karataa huu.N
jab tere shahar se guzarataa huu.N

vo zamaanaa terii muhabbat kaa
ek bhuulii hu_ii kahaanii hai
tere kuuche me.n umr bhar na gaye
saarii duniyaa kii Khaak chhaanii hai
lazzat-e-qarb ho ke zaKhm-e-firaaq
jo bhii hai terii meharabaanii hai
kis tamannaa se tujh ko chaahaa thaa
kis muhabbat se haar maanii hai

apanii qismat pe naaz karataa huu.N
jab tere shahar se guzarataa huu.N
Logged
Dewana_Badal
Guest
«Reply #3 on: March 21, 2006, 08:13:08 PM »
Reply with quote
qariib maut kha.Dii hai zaraa Thahar jaao
qazaa se aa.Nkh la.Dii hai zaraa Thahar jaao

[qazaa=death]

thakii thakii sii fazaaye.N bujhe bujhe taare
ba.Dii udaas gha.Dii hai zaraa Thahar jaao

nahii.n ummiid ki ham aaj kii sahar dekhe.n
ye raat ham pe ka.Dii hai zaraa Thahar jaao

abhii na jaao ki taaro.n kaa dil dha.Dakataa hai
tamaam raat pa.Dii hai zaraa Thahar jaao

phir is ke baad kabhii ham na tum ko roke.nge
labo.n pe saa.Ns a.Dii hai zaraa Thahar jaao

dam-e-firaaq me.n jii bhar ke tum ko dekh to luu.N
ye faisale kii gha.Dii hai zaraa Thahar jaao

[dam-e-firaaq=moment of separation]
Logged
Dewana_Badal
Guest
«Reply #4 on: March 21, 2006, 08:15:53 PM »
Reply with quote
merii daastaan-e-hasarat vo sunaa sunaa ke roye


merii daastaan-e-hasarat vo sunaa sunaa ke roye
mere aazamaane vaale mujhe aazamaa ke roye

[daastaan-e-hasarat=tale of desire]

ko_ii aisaa ahal-e-dil ho ke fasaanaa-e-muhabbat
mai.n use sunaa ke rouu.N vo mujhe sunaa ke roye

[ahal-e-dil=resident of the heart; fasaanaa=tale]

merii aarazuu kii duniyaa dil-e-naatavaa.N kii hasarat
jise kho ke shaadamaa.N the use aaj paa ke roye

[naatavaa.N=weak; shaadamaa.N=happy]

terii bevafaa_iyo.n par terii kaj_adaa_iyo.n par
kabhii sar jhukaa ke roye kabhii muu.Nh chhupaa ke roye

[bevafaa_ii=infidelity; kaj-adaa_ii=crudity/lack of gentility]

jo sunaa_ii anjuman me.n shab-e-Gam kii aap_biitii
ka_ii ro ke muskuraaye ka_ii muskuraa ke roye

[anjuman=gathering; aap-biitii=first hand experience]
Logged
harshit101
Guest
WAH
«Reply #5 on: March 22, 2006, 06:20:30 AM »
Reply with quote
VERY NICE BHAI
GREAT GHAZALS

KEEP IT UP
Logged
Dewana_Badal
Guest
«Reply #6 on: March 22, 2006, 05:34:04 PM »
Reply with quote
Shukriya Kalaam parne ka or Pasand Karne ka. Sir



tuune dekhaa hai kabhii ek nazar shaam ke baad


tuune dekhaa hai kabhii ek nazar shaam ke baad
kitane chup-chaap se lagate hai.n shajar shaam ke baad

itane chup-chaap ke raaste bhii rahe.nge laa-ilm
chho.D jaaye.nge kissi roz nagar shaam ke baad

mai.n ne aisee hii gunaah terii judaa_ii me.n kiye
jaise tuufaan me.n ko_ii chho.D de ghar shaam ke baad

shaam se pahale vo mast apanii u.Daano.n me.n rahaa
jis ke haatho.n me.n the TuuTe hue par shaam ke baad

raat biitii to gine aable aur phir sochaa
kaun thaa baa_is-e-aaGaaz-e-safar shaam ke baad

tuu hai suuraj tujhe maaluum kahaa.N raat kaa dukh
tuu kisii roz mere ghar me.n utar shaam ke baad

lauT aaye na kissi roz vo aavaaraa majaaz
khol rakhate hai.n isii aas pe dar shaam ke baad...
Logged
Dewana_Badal
Guest
«Reply #7 on: March 22, 2006, 05:59:43 PM »
Reply with quote
kaash Khwabon hii mein aa jaao bahut tanahaa hooN

yaa mere zahan se yaado.n ke diye gul kar do
mere ehasaas kii duniyaa ko miTaa do ham-dam
raat taare nahii.n angraye liye aatii hai
in barasate huye sholo.n ko bujhaa do ham-dam
dil kii Dharkanon ko sulaa jaao bahut tanahaa huu.N

a.Ndherii raat mein jab chaa.Nd khilane lagataa hai
tumhaare pyaar ke diipak jalaake rotaa huu.N
tumhaare aane kii jab aas jaane lagatii hai
main in chiraaGo.n ko Khud hii bujhaa ke rotaa huu.N
zindagii aisii miTaa jao bahut tanahaa huu.N

sochate sochate jab soch bhii mar jaatii hai
Waqt ke qadamo.n kii aahaT ko sunaa karataa huu.N
ashk thamate hai.n to aahoo.n kaa dhuaa.N uThataa hai
raat bhar yuu.N hii ta.Dapataa huu.N jalaa karataa huu.N
baar-e-Gam kuchh to ghaTaa jaao bahut tanahaa huu.N
Logged
Pooja
Guest
«Reply #8 on: April 13, 2006, 04:37:42 AM »
Reply with quote
wah kaya baat hai dewana badal ji!! bahoot khoob!!
Logged
Pages: [1]
ReplyPrint
Yoindia ShayariAdab > Shayri ( Poetry ) or Shayari > Ghazals > Topic: !!Ghäzälz!!
Jump to:  

+ Quick Reply
With a Quick-Reply you can use bulletin board code and smileys as you would in a normal post, but much more conveniently.


Get Yoindia Updates in Email.

Enter your email address:

Ask any question to expert on eTI community..
User
Welcome, Guest. Please login or register.
Did you miss your activation email?
May 02, 2024, 01:31:30 PM

Login with username, password and session length
Recent Replies
Jaan Pe Jaan Ko
by Iqtedar
[April 23, 2024, 09:54:09 AM]
Firaaq - A deadly love ta...
by ASIF
[April 22, 2024, 01:50:33 PM]
Sab thik hain? -Charan
by Charanjeet_Kaur
[April 04, 2024, 04:49:28 PM]
Mutthi
by vivekpohre
[April 02, 2024, 12:27:12 PM]
Hifazat - a thriller love...
by ASIF
[March 24, 2024, 04:34:54 AM]
BEDARD - (A Romantic Thri...
by ASIF
[March 24, 2024, 04:30:44 AM]
Anjaan - A THRILL LOVE TA...
by ASIF
[March 24, 2024, 04:26:39 AM]
Geraft - (Sequel to "Beda...
by ASIF
[March 23, 2024, 08:50:46 AM]
Mar gaye Dil- e - Nadaan
by Abul Asad
[March 21, 2024, 07:59:38 PM]
जंगल में शबरी के (C-SET)
by MANOJ6568
[March 17, 2024, 02:01:29 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.107 seconds with 23 queries.
[x] Join now community of 8499 Real Poets and poetry admirer