Kis ko maaloom hai: kab aayengey; aayengey bhi?:Ghazals

abdbundeli

Guest

Tum ko aanaa bhi naheen hai, na bulaanaa hai hamain!
Ab to lagtaa hai, gam-e-hijra hi khaanaa hai hamain!!

Aap aatey to hain: aateen hain hawwaayen bhi to;
Jaisey kahteen hon, “Aaye hain, ahbi jaanaa hai hamain!”

Ham naheen jaantey: kyoun ham ney mohobbat ki thee?
Khaak honaa bhi, naheen un ko bataanaa hai hamain!

Paas hotey hain, to, lagtaa hai, hamaarey hain woh;
Door jaanaa hai unhain; paas mein aanaa hai hamain!

Aatish-e-ishq hai: rag-rag mein phailtee hai yeh;
Ab bhi jaaree hai; isey roz jalaanaa hai hamain!

Jal uthhey hain, to, khushbuoun sey mahaktaa hai ghar;
Koun kahtaa hai, ki, ashkoun sey bujhaanaa hai hamain!

Kis ko maaloom hai: kab aayengey; aayengey bhi?
Ab, ‘abd’, bas yahee afsaanah sunaanaa hai hamain!

- abd bundeli


	Logged

Similar Poetry and Posts (Note: Find replies to above post after the related posts and poetry)
	Un ney, ham sey kahaa thaa: wa'adah hai, aayengey! by abdbundeli in Shayri for Dard -e- Judai
	Aap kahiye to zaraa: baarhaa aayengey ham! by abdbundeli in Shayri for Khumar -e- Ishq
	Qasam sey, aaj apney aap woh boley, ki, aayengey! by abdbundeli in Shayri for Khumar -e- Ishq
	Agar gulbun key gul logey, to, hissey khaar aayengey! by abdbundeli in Shairi - E - Zindagi
	Wo aayengey, aayegaa lamhah wasl-e-yaar kaa! by abdbundeli in Ghazals

Rajesh Harish

Guest

Re: Kis ko maaloom hai: kab aayengey; aayengey bhi?

«Reply #1 on: December 28, 2008, 09:03:32 PM »

Nice one Abd Ji


	Logged

honeyrose

Guest

Re: Kis ko maaloom hai: kab aayengey; aayengey bhi?

«Reply #2 on: December 28, 2008, 10:49:12 PM »

Bohat khoob Abd ji...


	Logged

abdbundeli

Guest

Re: Kis ko maaloom hai: kab aayengey; aayengey bhi?

«Reply #3 on: December 29, 2008, 10:11:03 AM »

Quote from: Rajesh Harish on December 28, 2008, 09:03:32 PM

Nice one Abd Ji

Quote from: honeyrose on December 28, 2008, 10:49:12 PM

Bohat khoob Abd ji...

Thanks a lot!
- abd bundeli


	Logged

cara

Guest

Re: Kis ko maaloom hai: kab aayengey; aayengey bhi?

«Reply #4 on: December 29, 2008, 10:40:01 AM »

kya baat hai abdji....

aap yae aur hawaki terha chale gaye.
aur mere dil mein sama gaye.
ishq ki aag, laga gaye ho mere rag-rag mein,
aur is ishq-e-aag se mahak rahe ho ang ang mein.
------kis ko maaloom hai:kab aayengey;aayengey bhi?


	Logged

abdbundeli

Guest

Re: Kis ko maaloom hai: kab aayengey; aayengey bhi?

«Reply #5 on: December 29, 2008, 01:29:46 PM »

Quote from: cara on December 29, 2008, 10:40:01 AM

kya baat hai abdji....
aap yae aur hawaki terha chale gaye.
aur mere dil mein sama gaye.
ishq ki aag, laga gaye ho mere rag-rag mein,
aur is ishq-e-aag se mahak rahe ho ang ang mein.
------kis ko maaloom hai:kab aayengey;aayengey bhi?

Mahak sey us ki, mahaktaa hai zamaanah saaraa!
Baad-e-firdosh samajhtaa hai zamaanah saaraa!!
Us key aaney ki khabar baad-e-sabaa laatee hai;
Roshnee mein nahaa uthhtaa hai zamaanah saaraa!!
- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Kis ko maaloom hai: kab aayengey; aayengey bhi?