Aap logo.n ke sath ek bahut hi sadharan rachana bant rahi hu,shayad jo bhi ise padhe use ye zara bhi achhi na lage........


Dekha hai sabhee ko
Apane astitva ke liye ladate
"aage badhane ke liye doosare ko pichhe dhakelate"
Prakriti ka niyam hai ye,suna hai sabko ye kahte hue,
Magar ye niyam kanhi,jhutha sa nazar aata hai,
Jab ghar ki bejaan sidheeyo.n ko gour se dekha jata hai,
Wo bhi badhati hai, Magar doosare ko sath le,
Kya hum log,kuchh in bejaan cheejo.n se sikh nahi sakte ?
Kya ye niyam badal nahi sakte ?
"Aage badhane ke liye doosare ko sath le kar chale"
Shayad hum wo sidhiyo.n si himmat lana nahi chahte,
Apani kamjoriya.n batana nahi chahte,
Darate hai haar se,Isaliye har baar jeetana nahi chahte.

Medha jain

nice thoughts Medha!!