mujh se pahlii sii muhabbat merii mahbuub na maaNg - By Faiz Ahmad Faiz

by fernsk on March 29, 2011, 02:23:59 AM
Pages: [1]
ReplyPrint
Author  (Read 757 times)
fernsk
Guest
Reply with quote
mujh se pahlii sii muhabbat merii mahbuub na maaNg

maine samjhaa thaa ke tuu hai to daraKhshaaN hai hayaat
teraa Gham hai to Gham-e-dah’r kaa jhagRaa kyaa hai
terii suurat se hai aalam meN bahaaroN ko sabaat
terii aaNkhoN ke sivaa duniyaa meN rakhaa kyaa hai
tuu jo mil jaaye to taqdiir niguuN ho jaaye
yuuN na thaa maiN ne faqat chaahaa thaa yuuN ho jaaye
aur bhii dukh haiN zamaane meN muhabbat ke sivaa
raahateN aur bhii haiN vasl kii raahat ke sivaa

mujh se pahlii sii muhabbat merii mahbuub na maaNg

anginat sadiyoN ke taariik bahimaanaa talism
resham-o-atlas-o-kam-Khvaab meN bunvaaye hu’e
jaa-ba-jaa bikte hu’e kuuchaa-o-baazaar meN jism
Khaak meN lithaRe hu’e Khuun meN nahlaaye hu’e
lauT jaatii hai udhar ko bhii nazar kyaa kiijiye
ab bhii dil-kash hai teraa husn magar kyaa kiijiye
aur bhii dukh haiN zamaane meN muhabbat ke sivaa
raahateN aur bhii haiN vasl kii raahat ke sivaa

mujh se pahlii sii muhabbat merii mahbuub na maaNg
Logged
Pages: [1]
ReplyPrint
Jump to:  

+ Quick Reply
With a Quick-Reply you can use bulletin board code and smileys as you would in a normal post, but much more conveniently.


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
October 26, 2020, 01:20:33 AM

Login with username, password and session length
Recent Replies
[October 26, 2020, 12:36:36 AM]

[October 25, 2020, 10:02:56 PM]

[October 25, 2020, 05:53:44 PM]

[October 25, 2020, 03:49:05 PM]

[October 25, 2020, 12:56:21 PM]

[October 25, 2020, 12:53:37 PM]

[October 25, 2020, 12:52:36 PM]

[October 25, 2020, 12:51:38 PM]

[October 25, 2020, 12:49:22 PM]

[October 25, 2020, 12:48:35 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.213 seconds with 23 queries.
[x] Join now community of 8399 Real Poets and poetry admirer