Indriyon ki oorja wishay sewan ke lie nahi apitu adhyaatm ke lie hai

Hum apni indriyon(aankh,kaan,naak ityaadi) se unke wishayon (shabd,roop,ras,gandh aur sparsh) ka bhog karte hain aur is mithyadhaarna se grasit rahte hain ki sukh inhi wishyon(waasnaaon) me hai. Poora jiwan hamara isi me nikal jaata hai aur vyarth sidhh ho jaata aur hum in wishay waasnaaon se nikal hi nahi paate balki inme sukh dhundhte hue kai vikaaron se grast hoke hamara agyaan aur pragaadh ho jaata hai. Indriyan aur unke wishay hamara man sanchalit karta hai aur man ko budhhi parantu man se utpann koi bhi waasna naahi poorna ho sakti hai aur na hi sukh de sakti hai kyunki man w waasna ka swaroop hi apoorna hai athaart unka poorna hona unke adhurepan me hi nihit hai. Isi vigyaan ko wyakti  apne vaastavk swaroop jo ki vaastavik anand ka bhi srot hai aatma me isthit hoke jaan sakta hai. Is gyaan k manan se hi wyakti apne swaroop me isthit ho jata hai aur man w budhhi joki aatma se hi chetanta praapt karte hain na sirf niyantrit balki adhyaatm me sahayak bhi hone lagte hain.

बेहतरीन पेशकश!!!!!!!!!!!!!!!!!!!!!!!!!