Insaan ke chahane...

Insaan ke chahane na chahane se kya hota hai,
wohi hota hai jo manzoor ae khuda hota hai.

Ek dor jo mohabbat ko baandhkar rakhti hai sanam,
us dor ki manzil ka safar wafa hota hai.

'Faqeer' us aks ki talaash mein jab hua jaanib,
maut ke baad zakhm dil se judaa hota hai.

Kis raaste ka safar muqammil hoga kya pata saadiq,
nahin chalta hoon raah par koi khafa hota hai.

Koshish bekar nahin jaati agar hausla ho dil mein,
baazi jeete wohi jo naqaam kai dafaa hota hai.

                        Daljeet'faqeer'