zarraa ... phir dil ko aabaad n kar

phir dil ko aabaad n kar
bhool ke bhi ab yaad n kar

poochhe kyooN fariyaad karooN
kehta hooN be-daad* n kar

le de kar ye wahm-o-gumaaN*
in ko to barbaad n kar

vaada-e-farda* kar de
phir kuchh aaj ke baad n kar

kal rulwaana hai sach ne
aaj ko jhooth se shaad* n kar

mas'loN ko sulga deNge
aise hal eejaad* n kar

maana dasht* sab or magar
kyooN gulshan ki muraad n kar

baat jo karni hai kar le
par rukhsat* ke baad n kar

booNd n peene de ik ya
tay is ki meeyaad* n kar

kar de "zarraa" ko ruswa*
de kar lekin daad n kar

- zarraa

*
be-daad = injustice / oppression
wahm-o-gumaaN = suppositions and misconceptions
vaada-e-farda = promise of tomorrow
shaad = cheerful
eejaad = invent
dasht = wilderness
rukhsat = leaving
meeyaad = duration
ruswa = malign