Kya bhule kya yaad hai

San sentalees me mili thi humko aajadi ye hume yaad hai,
Khoya tha humne bahut kuch us aajadi ke liye,
Par wo sab humne bhula diya,
Subhash chandra bose,Bhagat singh,Nehru,Gandhi ke naam to humen yaad hain
Par unke usulon,aadarshon ko humne bhula diya,
Aur tab se lekar humne aaj tak bahut kuch bhula diya,
Tiresath saal hue humen aajadi mile ye baat humen yaad hai,
Par in tiresath saal ki kimat ko humne bhula diya
Aur bhi bahut kuch bhule hain in saalon me hum,
Manav hokar bhi manavta ko bhula diya,
Insaan hokar bhi insaaniyat ko bhula diya,
Gandhi ki tasveer lagakar gandhiwaad ko bhula diya,
Kash yaad aa jaye wo jo humne bhula diya,
Aadarshwaadi to yaad hain humen,
Par unke aadarshon ko gehri neend sula diya,
Kash hum un aadarshon ko yaad rakhen,
Gandhi,Nehru,Subhash,Aajad ko bhale hi bhul jayen,
Par unke usulon ko yaad rakhen,
Un mahaan logon ko yahi shradhanjali hogi sacchi humari,
Aur ek baar fir hindustaan basega dil me sabke,
Aur BHARAT MATA banengi hum sab ki pyari.....!!!!!