Jaha.n mein kya koi aisa bhi haseen hai..........................Iftakhar

Mere mehboob ne rukh se ab hijab hata liya
Jaha.n mein kya koi aisa bhi haseen hai?

Aankhein qaza, lab sheeri.n, chaal ghazali
Aur rukhsar jaise k warq-e-yasmin hai

Dilfareb baatei.n aur labo.n pe sochi samjhi tabassum
Waah! Kya khoob meri bhi nazneen hai

Mere mehboob! Mausam-e-bahaar ye bezaari kyunkar
Aao, bahar to dekho, mausam kya rangeen hai

Abhi naa jao k dekhte reh jaane ki tamanna hai
Tere deedar se ye dil ab bhi nahi muttmaein hai

Dekho fisal naa jaaye, har qadam sanbhal k rakhna
'Iftakhar', Ye Ishq ka ma'mla hai, Kaafi sangeen hai

* hijaab: parda  / qaza: qayamat / sheeri.n: meethe, chashni mein duboye hue / ghazali: hirani jaisi / rukhsaar: chehra / warq-e-yaasmin: chameli k phoolo.n ki sheet / tabassum: muskurahat / bezaari: rukhapan / muttmaein: satisfied

Shukriya Anahita jee.