chand aek ehad wafa ke aur do chaar phool gulaab ke

chand aek ehad wafa ke aur
do chaar phool gulab ke
bhala is trah bhi suno kabhi
panap saki hein mohabbat!

ye safar jo ishq-o-janonn ka hey
ye safar kahein bhi sehal nahi
kahein dasht hein kahein dal'dalein
kahein khaar-o-gubaar ke sil'siley
kahein dhoop hey kahein aandhiyan
har morr pe hein maey marhaley
ye safar kahein bhi sehal nahi!

tumhein aarzu hey meri magar
faqat aarzu ka karo ge kya !
tumhey dar abhi sey sabhi ka hey
to kisi imtehaan mein paroo ge kya !
tum museebaton se bhirro ke kyn
bhala rivaayaton se larro ge kya  !
ye safar jo ishq-o-janoon ka hey
ye safar kahein bh sehal nahi !