Gungunatay hue aachal ki hawa de mujko.............

gungunatay huay aanchal ki hawa de mujh ko
unglian pher ke balon main sula de mujh ko
jis tarah faltu guldan paray rehtay hain
apnay ghar ke kisi konay se laga de mujh ko
yaad ker ke mujhe takleef he hoti hogi
ek qissa hoon purana sa bhula de mujh ko
dobtay dobtay awaz teri sun jaon
akhri baar to sahil se sada de mujh ko
main tere hijr main chup chap na mar jaon kahin
main hoon saktay main kabhi aa ke rula de mujh ko
dekh main ho gia badnaam kitabon ki tarah
meri tashheer na ker ab to jala de mujh ko
roothna tera meri jaan liye jata hai
aisay naraz na ho, hans ke dikha de mujh ko
aur kuch bhi nahin manga meray maalik tujh se
uss ki galyon main pari khak bana de mujh ko
log kehtay hain ke yeh ishq nigal jata hai
main bhi ishq main aaya hoon, dua de mujh ko
yehi aukaat hai meri tere jewan main keh main
koi kamzor sa lamha hoon, bhula de mujh ko