" Kyon aati hai mujhe aaj bhi un beete huye lamhon ki yaad,
  sunti hoon jo uska naam,aaj bhi kyun ruk jaati hai saans..,

  phir se wahi dard,wahi tanhaai nahin chahiye hai mujhe..,
  woh khwaab jo hamesha bikharte hain,nahi dekhne mujhe,

  naa chahte huye bhi kyun aa jaata hai uska chehra saamne,
  door hai wo,phir kyun hamesha paas mehsoos karti hun use,

  woh iss kadar bas chuka hai ab meri in ankhon mein...,
  dekhti hoon kahin,dikhti kyun hain uski ankhein mujhe,

  har sambhav koshish ki maine door jaane ke liye usse....,
  jab main door gayi,wo kareeb kyun aana chahta hai mere,

  maine pyar kiya thha tumse,tumne kya kya diya mujhe,
  ansoo,dard,tanhaai sabse pyare saathi bane zindagi ke,

  jab maine bayaan kiya thha tumse apne dil ka haal..,
  tab kyun nahin pooche thhe tumne mujhse ye sawaal,

  aaj jab maen sab kuch bhula kar aage badhna chahti hoon,
  tumhari ankhon me mere liye taraste aansoo kaise dekhoon,

  dil samajh nahi paa raha hai main kya karoon,
  use yoon chod ke main aage kaise badhoon...,

  ek taraf wo hai,ek taraf meri khud ki zindagi hai,
  aaj saare nateeje mere ek faisle pe nirbhar hain.,

  kya zindagi di hai tune ae khuda mujhe....,
  jab jo chaha maine wo kabhi na mila mujhe,

  jab bhi apne ateet ko chod aage badhti hoon main,
  wo ateet mujhe kya soch ke de deta tu hai?,

  pehle mere har khwab ko todta hai,har khwahish raundta hai,
  aisa koi sitam na bacha hoga jo tu mujhe nahin detaa hai....,

  har baar toot ke sambhaalti hoon main khud ko,
  aur har baar phir tootne ko naya gam deta hai,

  ab to jee lene do mujhe,mujhe akela chod bhi do.......,
  dekho mere ashkon ne bhi aaj mera saath chod diya hai."

Thanx Tanha

wooooowwwwww nidhi!!!!!!!! jab bih ati ho sab ko hila kar rakh deti ho  :wink:  well done kuddiye!!!  :D

thanx a lot meena sis,aapki ki sis hoon,aapse hi seekha hai hilaana...lol.

my pleasure u liked it Talat .Thanx a lot.

Khamoshiyon ki saleeb par latki
ajnabiyat ki dehleez par khadi zindagi
ik din pooch baithee mujhse ek sawaal
bata tera kya hai wajood?
pal bhar socha phir boli
kisi ki beti, kisi ki bahu
kisi ki biwi, kisi ki maa
yehi to nahi hai mera wajood

wo boli
inn sabke beech tera kya hai apna wajood?
ghabra kar talashne lagi main apna wajood
par kisi rishte mein nazar naa aaya mujhko mera apna wajood
khamoshiyon ki saleeb par latki
ajnabiyat ki dehleez par khadi zindagi
meri bebasi par muskurati rahi
aur main mita kar apna wajood
har rishte ka wajood nibhati rahi

HI nidhi ji ab itni taarif ke baad kya kahu main aapse.........har kisi ke dil ko chhua hai aapne,kisi ko apna pyar yaad aaya,kisi ko apne yaar ki judayi.....yeh dil bhi kya cheez hai...kitne gham ko sahta hai,uff nahi karta..par jab ateet samne aa jaye phir to kayamat hoti hai.....dil kuch kahta hai,aankh nam hoti hai,sab apne paraye hote hai bas wahi ek apna najar aata hai...........jisne hame apno se dur kar diya wahi ajnabi..dil ko sukun pahuchata hai......

thank u so much kismis,accha lagta hai jab koi poem ko dil se padhta hai aur mehsoos karta hai,bojat bohat shukriya aapka   .