Rang-E-Zindgi

Iss badalti duniya me har pal rishton ke rang badal jate hain,
Subah khile phoolon ke rang shaam dhalte hi badal jate hain.
Sapne har subah ki kiran ke saath badal jate hain,
Virasat samajh baithe hain is suhane mausam ko,
Jo chand roj me badal jate hain.
Mushkil hai insan ki pahchaan yahan,
Har baat pe chehron ke rang badl jate hain.
kabhi koi dost bhi zindgi ki rahon milte hain,
Bikher ke khushiyan, jeene ka andaj badal dete hain.
chalte hain chand kadam saath-saath, aur door  nikal jaate hain,
rah jate hain bas yadon ke nishaan,
Bhigi palkon me muskaan de ke kahin kho jaate hain........"Pradeep"