|
fakharenaveed
Guest
|
Here are some songs.................
Dedicated to my sweet heart ERUM NAZ
aadamii aadamii ko kyaa degaa
Sudarshan Faakir
aadamii aadamii ko kyaa degaa
jo bhii degaa vahii Khudaa degaa
meraa qaatil hii meraa mu.nsib hai
kyaa mere haq me.n faisalaa degaa
zindagii ko kariib se dekho
isakaa cheharaa tumhe.n rulaa degaa
hamse puchho dostii kaa silaa
dushmano.n kaa bhii dil hilaa degaa
ishq kaa zahar pii liyaa 'Faakir'
ab masiihaa bhii kyaa davaa degaa
|
|
|
|
|
Logged
|
|
|
|
|
|
fakharenaveed
Guest
|
 |
«Reply #1 on: May 02, 2005, 11:09:17 PM » |
|
aah ko chaahiye ik umr asar hone tak
Mirza Ghalib
aah ko chaahiye ik umr asar hone tak
kaun jiitaa hai terii zulf ke sar hone tak
aashiqii sabr talab aur tamannaa betaab
dil kaa kyaa rang karuu.N Khuun-e-jigar hone tak
ham ne maanaa ke taGaaful na karoge lekin
Khaak ho jaaye.nge ham tum ko Khabar hone tak
[taGaaful = neglect]
Gam-e-hastii kaa 'Asad' kis se ho juz marg ilaaj
shamaa har rang me.n jalatii hai sahar hone tak
[juz = other than; marg = death; sahar = dawn]
|
|
|
|
|
Logged
|
|
|
|
|
fakharenaveed
Guest
|
|
|
«Reply #2 on: May 02, 2005, 11:15:39 PM » |
|
aaj ham bichha.De hai.n to kitane ra.ngiile ho gaye
Shahid Kabir
aaj ham bichha.De hai.n to kitane ra.ngiile ho gaye
merii aa.Nkhe.n surKh tere haath piile ho gaye
kab kii patthar ho chukii.n thii mu.ntazir aa.Nkhe.n magar
chhuu ke dekhaa to mere haath giile ho gaye
jaane kyaa ehasaas saaz-e-husn kii taaro.n me.n hai.n
jin ko chhuute hii mere naGme.n rasiile ho gaye
ab ko_ii ummiid hai "Shahid" na ko_ii aarazuu
aasare TuuTe to jiine ke vasiile ho gaye
|
|
|
|
|
Logged
|
|
|
|
|
fakharenaveed
Guest
|
|
|
«Reply #3 on: May 02, 2005, 11:20:25 PM » |
|
aaj jaane kii zid na karo
Faiyyaz Hashmi
aaj jaane kii zid na karo
yuu.N hii pahaluu me.n baiThe raho
haaye mar jaaye.nge ham to luT jaaye.nge
aisii baate.n kiyaa na karo
tum hii socho zaraa kyuu.N na roke tumhe.n
jaan jaatii hai jab uThake jaate ho tum
tum ko apanii qasam jaan-e-jaa.N
baat itanii merii maan lo
vaqt kii qaid me.n zindagii hai magar
chand gha.Diyaa.N yahii hai.n jo aazaad hai
in ko kho kar abhii jaan-e-jaa.N
umr bhar na tarasate raho
kitanaa maasuum-o-rangiin hai ye samaa
husn aur ishq kii aaj meraaj hai
kal ki kis ko Khabar jaan-e-jaa.N
rok lo aaj kii raat ko
|
|
|
|
|
Logged
|
|
|
|
|
fakharenaveed
Guest
|
|
|
«Reply #4 on: May 02, 2005, 11:38:21 PM » |
|
aaj jaane kii zid na karo
Faiyyaz Hashmi
aaj jaane kii zid na karo
yuu.N hii pahaluu me.n baiThe raho
haaye mar jaaye.nge ham to luT jaaye.nge
aisii baate.n kiyaa na karo
tum hii socho zaraa kyuu.N na roke tumhe.n
jaan jaatii hai jab uTh ke jaate ho tum
tum ko apanii qasam jaan-e-jaa.N
baat itanii merii maan lo
gesuuyo.n kii shikan hai abhii shabanamii
aur palako.m ke saaye bhii madahosh hai.n
husn-e-masuum ko jaan-e-jaa.N
beKhudii me.n na rusavaa karo
kitanaa masuum-o-rangiin hai ye samaa
husn aur ishq kii aaj meraaj hai
kal kii kis ko Khabar jaan-e-jaa.N
rok lo aaj kii raat ko
vaqt kii qaid me.n zindagii hai magar
chand gha.Diyaa.N yahii hai.n jo aazaad hai.n
in ko kho kar kahii.n jaan-e-jaa.N
umr bhar na tarasate raho
|
|
|
|
|
Logged
|
|
|
|
|
fakharenaveed
Guest
|
|
|
«Reply #5 on: May 02, 2005, 11:40:49 PM » |
|
aaj ke daur me.n ai dost ye ma.nzar kyuu.N hai
Sudarshan Fakir
aaj ke daur me.n ai dost ye ma.nzar kyuu.N hai
zaKhm har sar pe har ik haath me.n patthar kyuu.N hai
jab haqiiqat hai ke har zarre me.n tuu rahataa hai
phir zamii.n par kahii.n masjid kahii.n ma.ndir kyuu.N hai
apanaa a.njaam to maaluum hai sab ko phir bhii
apanii nazaro.n me.n har insaan sika.ndar kyuu.N hai
zindagii jiine ke qaabil hii nahii.n ab "Faakir"
varnaa har aa.Nkh me.n ashko.n kaa sama.ndar kyuu.N hai
|
|
|
|
|
Logged
|
|
|
|
|
fakharenaveed
Guest
|
|
|
«Reply #6 on: May 02, 2005, 11:42:34 PM » |
|
aaj phir un kaa saamanaa hogaa
Saba Sikri
aaj phir un kaa saamanaa hogaa
kyaa pataa us ke baad kyaa hogaa
aasamaa.N ro rahaa hai do din se
aap ne kuchh kahaa sunaa hogaa
do qadam par sahii teraa kuuchaa
ye bhii sadiyo.n kaa faasalaa hogaa
ghar jalataa hai raushanii ke liye
ko_ii mujhasaa bhii dil jalaa hogaa
|
|
|
|
|
Logged
|
|
|
|
|
fakharenaveed
Guest
|
|
|
«Reply #7 on: May 02, 2005, 11:48:02 PM » |
|
aaj tum se bichha.D rahaa huu.N
Sudarshan Faakir
aaj tum se bichha.D rahaa huu.N
aaj kahataa huu.N phir miluu.Ngaa tum se
tum meraa i.ntazaar karatii raho
aaj kaa aitabaar karatii raho
log kahate hai.n vaqt chalataa hai
aur i.nsaan bhii badalataa hai
kaash ruk jaaye vaqt aaj kii raat
aur badale na ko_ii aaj ke baad
vaqt badale ye dil na badalegaa
tum se rishtaa kabhii na TuuTegaa
tum hii Khushbuu ho merii saa.Nso.n kii
tum hii manzil ho mere sapano.n kii
log bo.nte hai.n pyaar ke sapane
aur sapane bikhar bhii jaate hai.n
ek ehasaas hii to hai ye vafaa
aur ehasaas mar bhii jaate hai.n
|
|
|
|
|
Logged
|
|
|
|
|
fakharenaveed
Guest
|
|
|
«Reply #8 on: May 02, 2005, 11:51:42 PM » |
|
aa.Nkh ko jaam samajh baiThaa thaa a.njaane me.n
Shamim Shahabadi
aa.Nkh ko jaam samajh baiThaa thaa a.njaane me.n
saaqiyaa hosh kahaa.N thaa tere diivaane me.n
jaane kis baat kii un ko hai shikaayat mujhase
naam tak jin kaa nahii.n hai mere afasaane me.n
dil ke Tuka.Do.n se terii yaad kii Khushbuu na ga_ii
buu-e-may baaqi hai TuuTe huye paimaane me.n
dil-e-barbaad me.n ummiid kaa aalam kyaa hai
Tim-Timaatii hu_ii ik shammaa hai viiraane me.n
|
|
|
|
|
Logged
|
|
|
|
|
fakharenaveed
Guest
|
|
|
«Reply #9 on: May 02, 2005, 11:54:46 PM » |
|
aa.Nkh se aa.Nkh milaa baat banaataa kyuu.N hai
Saeed Rahi
aa.Nkh se aa.Nkh milaa baat banaataa kyuu.N hai
tu agar mujhase Khafaa hai to chhupaataa kyuu.N hai
Gair lagataa hai na apano.n kii tarah milataa hai
tu zamaane kii tarah mujhako sataataa kyuu.N hai
vaqt ke saath haalaat badal jaate hai.n
ye haqiiqat hai magar mujhako sunaataa kyuu.N hai
ek muddat se jahaa.N kaafile guzare hii nahii.n
aisii raaho.n pe charaaGo.n ko jalaataa kyuu.N hai
|
|
|
|
|
Logged
|
|
|
|
|
fakharenaveed
Guest
|
|
|
«Reply #10 on: May 02, 2005, 11:56:58 PM » |
|
aa.Nkh se duur na ho dil se utar jaayegaa
Ahmed Faraz
aa.Nkh se duur na ho dil se utar jaayegaa
vaqt kaa kyaa hai guzarataa hai guzar jaayegaa
itanaa maanuus na ho Khilvat-e-Gam se apanii
tuu kabhii Khud ko bhii dekhegaa to Dar jaayegaa
[maanuus=intimate; Khilvat-e-Gam=sorrow of loneliness]
tum sar-e-raah-e-vafaa dekhate rah jaaoge
aur vo baam-e-rafaaqat se utar jaayegaa
[sar-e-raah-e-vafaa=path of love; baam-e-rafaaqat=responsibility towards love]
zindagii terii ataa hai to ye jaanevaalaa
terii bakshiish terii dahaliiz pe dhar jaayegaa
[ataa=gift; bakshiish=donation; dahaliiz=doorstep]
|
|
|
|
|
Logged
|
|
|
|
|
on eTI community..
