swarg - Jash Panchi

ਓਹਨੇ ਮਰ ਕੇ ਕਿ ਸਵਰਗ ਵੇਖਣਾ
ਜਿੰਨੇ ਜ਼ਿੰਦਗੀ ਨੂੰ ਸਵਰਗ ਬਣਾਇਆ ਨੀ
ਦੀਵੇ ਜਗਾਏ ਬੇਜਾਨ ਪੱਥਰਾਂ ਤੇ
ਕਦੇ ਗਿਆਨ ਦਾ ਦੀਪ ਜਗਾਈਆਂ ਨੀ


ਘਰ ਚ ਮੰਦਿਰ ਤਾ ਬਣਾ ਲਿਆਂ
ਕਦੇ ਘਰ ਨੂੰ ਮੰਦਿਰ ਬਣਾਈਆਂ ਨੀ
ਡੁਬਕੀ ਲਾਉਂਦਾ ਰਿਹਾ ਤੀਰਥਾਂ  ਤੇ
ਕਦੇ ਬੁੱਢਾ ਪਿਓ ਫੜ ਨਵਾਇਆਂ ਏ ਨੀ


ਖੀਰ ਪੂੜੇ ਖਵਾਏ ਪੰਡਤ ਕਾਵਾਂ ਤਾਹਿ
ਕਦੇ ਜਿਉਂਦੇ ਦਾ ਸਰਾਧ ਬਣਾਈਆਂ ਨੀ
ਪਥਰਾ ਨੂੰ ਚੜਾਏ ਮਿਠਾਈਆਂ ਮੇਵੇ
ਕਦੇ ਭੂਖੇ ਨੂੰ ਸੁੱਖਾ ਰੋਟ ਖ਼ਵਾਇਆਂ ਨੀ


ਵੇਦ ਗ੍ਰੰਥ ਬਾਂਛਲੇ ਲਿਆਕੇ ਅਨੇਕਾਂ
ਸਾਰ ਜ਼ਿੰਦਗੀ ਦਾ ਪੜ੍ਹਿਆਂ ਹੀ ਨਹੀਂ
ਨੰਗੇ ਪੈਰ ਕੀਤੀ ਯਾਤਰਾ ਚਾਰ ਧਾਮ ਦੀ
ਸੱਚ ਦੇ ਰਾਹ ਤੇ ਕਦੇ ਚਲੀਆਂ ਏ ਨੀ