Adhuri Mohabbat (suspenseful supernatural mystery horror story) By Asif biswas

Chapter 1

Khaadi ke theek beecho beech jaisi gufa se nikalti train patri par aahiste aahiste raftar se chal rahi thi uski horn ki awaz dur dur Veeran us andher bhari ghati ki fizaayo mein gunz uthi, train us waqt us gehri khaai ke upar Bane bridge ke sirhe se guzar rahi thi,

Raat gehri hoti jaa rahi thi, Chand ki fiki roshni se kuch saaf dekha nahi jaa sakta tha, train ki baugi ke kayi dabbe khaali they, kyunki zyadatar passenger apni manzil par utar chuke they aur train apne manzil ke aakhri station par pahuchne Wali thi, lekin ek baugi mein ab bhi roshni jal rahi thi,

Kaano mein headphones lagaye, surendra Mohan Pathak ki likhi ek novel "meri jaan ke dushman" ko haatho mein thaame, runjhun wo upanayas dilchaspi se padh rahi thi, tabhi train ne raftar pakdi toh baugi thodi si hili, runjhun ka dhyan jaise tuta usne headphones nikaale sheeshe ki window se bahar jhaaka par kuch bhi nahi dikh raha tha, train pehle hi 4 ghante late thi shaam ka pahuchne ke bajaay wo gaye raat waha pahuchne Wali thi,

Ab aage saamne mushkil munh baaye yu khadi thi ki itni raat gaye oose koi convenience Milne wala tha bhi ki nahi, kyunki nalangarh chota sa Zilla tha jo ki ek chote se sheher ke roop mein kuch waqt pehle gaon se ubharkar tabdil hua tha lekin abhi bhi sheher jaisi waha baaki sukh suvidhaaye nahi thi, aur ittefaq aisa tha ki nalangarh utarne wali wo ek hi passenger thi dopahar mein ye baat khud t.t.e ne oose hasskar batayi thi,

Nalangarh se runjhun ka koi rishta nahi tha, darasal wo apni bimar saheli Rupa ko dekhne waha pahuchi thi, Rupa aur runjhun college time se achi pakki saheliya thi, runjhun jaha high class family se belong karti thi wohi Rupa ek madhyam varg parivar ki ikaluti beti thi jo sheher mein padhai puri karne aayi thi, lekin ittefaq se runjhun se uski aisi dosti huyi ki college ke baad bhi wo dono ikhatte rehne Lage, dono ne modelling mein apna career banaya haalaki runjhun aage nikal gayi aur Rupa ko utna kaam na mil saka, fhir kismat ne munh Moda aur runjhun ne degree hasil hote hi ek chota business shuru kar diya wo bataur entrepreneur kamyab rahi jabki Rupa modelling lagbhag chodh ulte wapis apne gaon chali gayi,

Runjhun ne paiso se uski madad hamesha ki par Rupa khuddar thi aur wo hamesha runjhun ko mana karti thi ki paise ko kabhi rishte ke aage na laaye isse rishto mein kadwahat aur daraar aa jati hai, haalaki uske ghar mein paiso ki dikkat thi, runjhun ko Rupa ka yahi behaviour kafi pasand tha ki wo bahut imandar saheli thi aur uske status ka kabhi bhi usne najayaz fayda nahi uthaya, uske chale jaane ke baad dosti mein fasle aa gaye ekdusre se contact Tut Gaya, kuch saal baad kuch waqt se uske paas Rupa ke khat aa rahe they, runjhun ko laga ki usne shadi kar li hogi, par khat padhkar malum chala ki uske ghar maali halat theek nahi thi, aur wo kafi bimar thi ho sakta tha ki ab zindagi ke chand din hi ab uske baaki ho isliye usne khwahish ki, ki wo runjhun se aakhri baar milna chahti hai usne nalangarh mein apne ghar ka pata aur kaise pahuchna hai sab likhke diya tha, runjhun ko bahut afsos hua kaash wo sheher laakar Rupa ka ilaaj Kara sakti, fhir bhi uske gaon jakar usse milkar wo koshish kar to sakti thi ki oose samjha bhujhakar aas deke wapis sheher laakar uska ilaaj karaya jaa sakta tha

Train ki tej horn ne uska dhyan toda usne fauran headphones ke tar ko samaitte huye bag mein rakhka fhir apne hath mein thaami kitaab ko bhi bag mein dalte huye coach berth se uthkar apna saaman niche se nikaala, jagmag roshni padi train station par pahuch chuki thi, train ki raftar jab kafi ghat gayi aur ek jagah thami, toh runjhun apna saaman liye train ke fatak se bahar utari,

Station bilkul khaali tha, nalangarh rajya ke ulti taraf tha aur waha aawajahi bahut kam thi, aur us ghadi raat 12 baje toh wo jagah bilkul nirjan veerana mein dubi huyi thi, bas station pe roshni thi yahi bahut badi baat thi, nalangarh aane ke liye runjhun ko ek mail express pakadna pada tha jisne taqreeban 3 din lagaye nalangarh aakhri station tha, sawan khatam hone ki kagar par tha aur charo taraf geeli mitti ki saundhi khushbu aa rahi thi wo platform par saaman liye station master ka kamra talashne lagi khaali train ne raftar pakdi aur horn dete huye nalangarh station se aage nikal gayi, runjhun ko apne hi pairo ke kadamo ki awaz sunai de Rahi thi,

Achanak oose kisi ne piche se Toka, runjhun ko hairat huyi ki uske piche ek aur passenger nalangarh utara tha, usne photographer ka vest pehen rakha tha sar par topi thi aur bhaari bag kandhe pe latakaye thaka haara larkharaye kadmo se wo runjhun ke paas pahucha, runjhun us ajnabi ko dekhkar pehle toh thoda jhijhaki lekin fhir wo normal huyi,

"Sorry umm maine aapko dekha nahi tha"

"Ji main b9 berth mein thi"

"Oh I see main b5 mein tha, maine socha ki main is station ka iklauta passenger hoo jo yaha utara hai par khushi huyi ki ek Jana aur mujhe sathi ke taur pe mil gaya"

"Waise aap chadhe kahan se they?"

Runjhun usse baat karte huye sath sath chalne lagi, "well main rajshahi se chadha tha"

"Oh acha aap yahi ke rehne wale hai"

"Nahi darasal main photographer hoo aur nature photography karna pesha hai maine nalangarh ke hill forest ke baare mein bahut suna kehte hai bahut khubsurat hill side hai toh bas chala aaya aap yaha ki rehne wali hai?"

"Ji nahi main dhaka se hoo aur nalangarh town ja rahi hoo"

"Main bhi wohi jaa raha hoo agar aap bura na maane toh ikhatte hum sath chale dekhiye safar bhi kat jayega aur main is jagah ke baare mein itna nahi janta hu"

"Main bhi pehli baar hi yaha aayi hoo"

Kehte hai ajnabi ko itna munh nahi lagana chahiye lekin runjhun ko wo insan masum laga aur kyunki wo bare sheher ka padha likha naujawan tha toh oose thodi Rahat mili ki koi oose company dene wala safar mein mauzud tha, tabhi kahi clock mein 12 bajne ki tej ghanti sunai di, dono ko nazar apne aap hi station ke chatt ki imarat par latki ghadi par guzari, dono muskuraye aur fhir station master ke room pahuche,

Station master us waqt waha se railway headquarter ki taraf room par taala laagaye nikal raha tha, do ajnabi musafir ko dekh wo thithaka runjhun aur wo ladka uske paas pahuche pehel ladke ne ki,

"Sir kya aap bata sakte hai ki nalangarh town pahuchne ke liye yaha cab ya hired gadi wagaira kahi mil sakti hai"

Station master hasaa usne sar se pair tak dono ko ghura, aur fhir kaha "lagta hai nalangarh pehli bar aye hai"

"Ji"....dono ne sehmati mein sar hilaya

"Isliye aapko malum nahi ki yaha cab wagaira nahi milati ye chota sa district hai, jaha aas paas chote chote kasba aur gaon hai, din mein aate toh shayad aapko ghoda gadi baggi ya auto mil jati par itni raat gaye behad mushkil hai"

"Koi auto hi mil jati toh behtar hota"

"Aji nahi station se bahar jhaankiye aas paas koi auto toh kya tangewala bhi nhi dikhega itni raat gaye bhala kaun station pe tehrega agar aap log pehle se intejamat karke aate toh behtar tha, waise nalangarh town jaana kahan hai aapko?"

"Ji main toh yaha ghumne ke lehze se aaya tha ek hotel ka malumat Google pe hi liya tha jo nalangarh gaon ke paas padta hai"

"Aur aap?"......station master ne soch mein dubi runjhun se pucha runjhun ka dhyan tuta aur usne muskurakar bataya

"Ji meri friend yahi ki hai Seth munim ji uske father hai"

"Acha munim ji wo to hamare kafi purane jannewaale hai unhe to lekin aapke liye baggi ya auto ka bandobas pehle se karwake rakhna chahiye tha khair koi nahi main toh railway quarter mein rehta hu dekh hi sakte hai ki is station ke charo taraf kitni veeraniyat hai aas paas sirf jungle hai wo paas mein mera sarkari quarter hai jaha main apne biwi bacho ke sath rehta hu, sach puchiye toh ye jagah jitni shaant hai utni hi raat gaye khatarnak bhi"

"Waise Maine khat bhijwaya tha unhe lekin ikhtila nahi Kari ki main kab yaha pahuchungi time hi nahi mil raha tha ek hafte ki chutti lekar hi yaha pahuchi hoo unka phone bhi nahi lagta"

"Haan yaha network tower na ke barabar jo hai"

"Wo sab toh theek hai lekin ye jagah raat ko khatarnak kaise?"......is baar us ladke ne beech mein tokte huye pucha

"Kya kahe? Raat gaye yaha tarah tarah ke jungli janwar ghumte hai aur gaon ke log bhi andhere ke baad aawajahi karna bilkul band kar dete hai, isliye agar paidal jaane ki sochenge toh fauran ye irada chodh dijiye kyunki nalangarh gaon jungle aur kheton ke beech ke kachche raste se hokar jaata hai"

"Toh fhir hum pahuchenge kaise? Yaha akar toh humne lagta hai bhaari galti kar di"....runjhun ne apni chinta vyakt karte huye kaha

"Hahaha aisa nahi hai raat ko ye jagah jitni darawani aur veerani lagti hai utna hi din mein behad khubsurat khair jaane dijiye aap log ek kaam kijiye mere paas ek gadi hai wo main aap dono ko de sakta hu waise kitna din tehrenge aap dono"

"Main bhi hafta bhar hi rehne ki soch raha hoo"....ladke ne muskurakar kaha

"Theek hai koi nahi waise bhi hamari gadi yun hi padi hai meri wife ko gaadi chalana nahi aata aur main yaha drive zyada karta nahi wo mahine mein rashan wagaira sheher se laane ke liye ya zaruri kisi kaam ke liye gaadi istemal karta hu"

"So nice of u theek hai toh fhir aap chabi de dijiye mujhe gadi chalani aati hai".....ladke ne utsuk hote kaha

"Aur rasta mujhe Rupa ne pehle hi khat mein likhkar bata diya tha".....runjhun ne jawab diya

Station master sehmati se unhe station se bahar le aaya waqayi jitna station ujwal tha bahar utna hi andhera aur veeranapan tha, station master ne apne naukar se chabi aur gadi bhijwai aur un dono se Vida lekar apne quarter ki taraf chala gaya,

Wo achi haalat mein ek safed gadi thi, dono apna saaman gadi mein rakhke aage ki seats par sawar huye, ladke ne gaadi puri dakashta se raste ke aage badhai,

"Tumhe gadi chalane aati hai?"

"Haan arre baaton baaton mein maine toh aapka naam hi nahi pucha"

"Mera naam Monty hai aur aap?"

"Runjhun runjhun dasgupta"

"Oh I see maine aapke tasveere pehle dekhi hai tabhi aapki Surat jaani pehchani lagi wo sheher ke Billboard banners par ad wagaira mein maine aapko dekha tha"

"Haan wo mera part time work hai ab main modelling nahi karti I am an entrepreneur now"

"Sunke Khushi huyi"

Gaadi drive karta Monty runjhun se baat karne laga, safar katne laga tabhi baarish tej ho gayi aur itni tej ki tufaan se bijliya kadakne lagi hawaye tej ho gayi, kachchi sadak aur bhi zyada kharab aur fisalan bhari ho gayi, car wipers ke chalne ke bawjud bheegte sheeshe se saamne saaf dekh paana muskil lag raha tha,

"Uff hoo ye barish kahan se shuru ho gayi?"

"Taqdeer hi kharab hai pehle na koi gadi ya auto mili aur ab ye musibat itni raat gaye na jane kab pahuchenge nalangarh town, upar se shaam se kuch nahi khaaya maine"

Runjhun ne fikarmand hote byaan kiya, Monty ka bhi kuch wohi haal tha wo savdhani se gaadi sidha chala raha tha gadho ki wajah se gaadi kaafi hichkole khaane lagi runjhun ke sar pe chot lagte lagte bachi, "maaf karna rasta bahut kharab hai agar pehle pata hota toh shayad yaha aane ka irada chodh deta"......Monty steering ko sambhaale apni pareshani jatata bola

Runjhun ne koi jawab nahi Diya wo bahar ka nazara dekh rahi thi charo taraf jungle hilate lehraate paid barasat ki tej bauchar gaadi ke sheesho par pad rahi thi, dhundhlat se bahar kuch theek dhang se dekh paana na mumkin tha usne apne kalai ghadi pe nazar daudai toh waqt koi 1 baje ke aas paas ka tha lekin nalangarh town toh dur oose toh ye rasta kabhi khatam na hota lagne laga,

Tabhi monty ne gaadi Roki, uske ekdum se break lagane se runjhun ne sawali nazaro se oose ghura, usne wajah bhi ishare se saamne dekhte huye batayi, aur fhir apna gaadi ka sheesha khola paani ki jhaptein gadi mein dakhil hone lagi, waqayi tufaan aur barish dono tej tha, usne gardan bahar nikaalkar bheegte chehre se gaur se dekha saamne sadak par paani se gaddha bhara tha usne gardan ander ki aur hathyar daalte huye Naa mein nirasha se apna sar hilaaya

Runjhun ne bhi sheeshe se bahar sar nikaalkar saamne jhaaka uske bhi chehre par kuch waise bhaav aaye wo rumaal se apne chehre aur baalon pe bikhre paani ko ponchte huye fikarmand dikhne lagi

"Ab kya karenge?"

"Wapis Jaane ke siwah koi chara nahi koi dusra rasta mujhe nahi lagta itni raat gaye is sunsaan jungle mein dhundha ja sakta hai charo taraf bas bade bade paid hai aur jhaadhiya station master ne bas isi sadak ka zikar kiya tha aur saqt hidayat di thi ki akele bahar yun junglo mein na ghume yaha bahut jungli janwar hai"

"Rupa ne bhi sirf isi raste ke baare mein likhka tha ye sidha rasta hi nalangarh gaon ki taraf jata hai, Uff upar se ye tufaan thamne ka naam nahi le Raha koi aas paas insani aabadi bhi nahi lagti"

"Shayad humhe intejar karna chahiye"

"Koi highway road nahi hai jaha se koi guzarti gadi mil jaaye hum fass chuke hai gaadi mein baithe rehne ke siwah hum kar bhi kya sakte hai bahar niklna theek nahi"

"Ek second"

Itna kehkar bhadhak se gadi ka apni taraf ka fatak khol monty jacket jhaadhta hua barsat mein bheegta bahar idhar udhar jhaakne laga, runjhun ne oose mana kiya "kya kar rahe ho? Wapis aa jao bahar jungli janwar ho sakta hai monty come back"

Achanak runjhun aur kuch keh paati, monty jo pagalo ki tarah idhar udhar jhaank raha tha achanak ek taraf uski nigah tehri aur chehre par muskurahat aayi, usne jaldi se andar jhukkar runjhun se jaldi jaldi kaha

"Wo dekho saamne ek Dak bangla hai"

Itna sunte huye runjhun bhi gadi se bahar nikali dono bheegte huye dur daayi taraf dekhne lage kuch fasle hi dur ek Dak bangla tha jisme roshni chamak rahi thi aisa lagta tha ki waha koi rehta tha aur utni raat gaye bhi koi jaaga hua tha, runjhun ko yaad aaya ki khat mein ek dak bangle ka bhi zikar tha lekin uske baare mein oose zyada malumat nahi thi,

"Kya waha jaana theek rahega?"

"Koi madad toh mil sakti hai ek raat panaah dene ke liye kya malum wo log tayyar ho jaaye aur waha se madad mil sakti hai tum phone lagakar apni location bata sakti ho ya fhir hum kal savera hote hi nikal sakte hai barish bhi kaltak tham jayegi"

Runjhun ne sochte huye fhir us Dak bangla ki taraf dekha bijli kadaki toh wo bangla uske saamne Roshan hua wo purani si guzre zamane ki bani imarat thi lekin khasta haal hone ke bawjud ache haalat mein dikh rahi thi aur roshni ka hona saaf tha ki waha koi rehta tha,

Dono gadi mein sawar huye aur gaadi fhir dayi or ka rukh lekar us taraf badhne lagi jaha wo Dak bangla tha, wo guzre zamane ke fountain ki murti ke saamne aa khade huye murti mitti dhool aur lapato se sann thi, wo ek aurat ki akriti thi jo matka liye sar pe kisi apsara ki mudra mein haath upar uthaaye khadi thi aisa lagta tha wo fountain band huye kayi arsa beet chuka tha,

Dono ne Dak bangla ki taraf dekha fhir gadi se utare wo sidiyo se upar pahuche fhir us 10 ft lambe darwaje pe dastak dene lage, khamoshi ke mahoul mein darwaje ke peetne ka shor kadakti bijliya aur badal ki gargarahat ki awaz mein kahi dab sa raha tha, darwaja chrr charata hua kisi ne khola

Saamne ek 19 saal ki ladki khadi thi jisne gaon ke choli jhalar jaisi blouse aur churidar salwar pehen rakhi thi, oose dekhkar monty ek pal ko uske yauvan ko niharne laga ki fhir usne runjhun ke mauzudgi ka ahesas bhaanpte huye muskuraya

"Kaun hai aap log?".....usne hairat se unhe Aise ghura jaise pehli dafa sheheri logo ko itne kareeb se dekha ho

"Darasal hum nalangarh town jaa rahe they aur raste mein paani bhar gaya hai itni musaladhar barish jo ho rahi hai kya hum aapke Malik se baat kar sakte hai?"

"Ji nahi wo yaha nahi rehte chote Sahab hai par gaon ki apni kothi mein main chowkidar ki beti hoo aur is dak bangle ki dekh rekh bhi karti hoo"

"Theek hai toh fhir apne father se humari baat karwa do"....runjhun ne is baar us ladki se kaha

Tabhi lathi ka sahara liye ek adhedh umar ka patla aadmi waha pahucha usne kambal odh rakhka tha aur dhoti pehni huyi thi, chehre par aisa maatam chaaya tha jaise wo koi chalta fhirta murda ho, lathi baar baar jameen par thokne se hi runjhun aur mintu ka dhyan uspar gaya

Runjhun ne haath jode toh monty ne bhi theek waise kiya wo aadmi runjhun ko bade gaur se dekh raha tha fhir usne monty ko ghura, ladki jaldi jaldi monty ka batayi baat kehne lagi

"Humhe koi dikkat nahi balki Khushi hai ki pehli dafa is veerane mein koi musafir mehman bankar aaya hai darasal main hi yaha ka chowkidar hoo"

"Aur yaha ke malik"

"Zamindar kahiul Chowdhury jo ab is dunia mein nahi rahe unke baad ab unke bete yaani chote Malik Haresh Chowdhury yaha ke malik hai"

"Oh toh unki izazat!"

"Unse aap kal hi mil sakte hai filhal Champa aapko aapke kamre dikha dengi kisi cheez ki zarurat ho toh aap bejhijhak keh sakte hai"

Wo chowkidar tha par uski baaton mein malikana jaisa raub tha usne apni beti Champa ki taraf dekha aur oose upar ke do kamre khol dene kaha sath hi sath mehman ke liye chai aur khaane ka intejam karne kaha,

Kamre mein aate hi runjhun jhumar ki taraf dekhne lagi Dak bangla waqayi jitna bahar se purana tha utna hi andar se Shahi cheezo se bhara, purane zamane ki gramophone ek table par saamne deewan ek taraf sheeshe se saja singardan aur diwaro par badi badi paintings aur theek saamne aangan ke baayi taraf bara sa chauda bistar upar mashari charo khaano mein fasi tangi huyi,

"Chaunk gaye na kaafi aalishan bangla hai yeh".....is baar champa ne runjhun ka saaman ek taraf rakhte huye hasskar kaha

"Yaha aur koi nahi rehta tumhare aur tumhare father ke siwah"

"Nahi didi chote Sahab aate hai na wohi rehte hai kabhi kabhar wo saamne ki taraf waali room mein waha kisi ko jaane ki ijajat nahi sirf hamare baapu hi andar ja sakte hai"

"Tumhare chote Sahab karte kya hai?"

"Vilayat se padhke aaye hai aur ab yahi Nalangarh gaon mein rehte hai zamindari sambhalte hai bahut hashmukh insan hai waise aapka koi nalangarh mein rehta hai"

"Haan woh shayad tum janti hogi Seth munim ji ki beti Rupa main oosi se milane aayi hoo"

"Acha munim ji ki beti arre wo bechari to bahut bimar hai suna hai doctor ne bhi jawab de diya hai unhe"

Sunkar runjhun ko bahut bura laga usne kuch kehne ke liye munh khola par fhir chup rehna munasib samjha bahar tej hawaye chal rahi thi khidki khuli reh gayi thi jis wajah se khidki se ho ho karti hawa ka shor andar dakhil ho raha tha, bahar ki kadakti bijli se tharrati champa ne aage badhkar khidki laga di,

"Aapke liye chai ya kuch khaane ko lau"

"Bhook to lagi hai agar kuch khane ko mil jata toh"

"Mere liye bhi le aana champa main bhi bahut bhooka hoo"

Kamre mein monty aaya champa muskurakar usse do baat karke waha se chali gayi, "waqayi manna padega ittefaq hi sahi tufan mein fase par hotel se badhiya teherne ko jagah mil gayi wo bhi muft mein hahaha"

Monty ki hassi mein runjhun ne bhi hass diya, "waqayi kafi bhale log hai jo itni raat gaye humhe yaha panaah di kamra lekin bahut bada aur aalishan hai"

"Zamindar bari hai na isliye Mera akele Mann nahi laga to socha dekhu ki kahi tum so to nahi gayi"

"Thakaan to bahut hai lekin ajnabi aur nayi jagah mein mujhe jaldi neend nahi aati"

Tabhi darwaje pe aahat huyi champa khaana leke aayi thi table par khaana sajakar champa jaane lagi toh runjhun ne bhi oose shamil hone kaha par usne muskurakar jaate jaate inkar kar diya, Monty runjhun ke sath baithkar khaana khaane laga, khane se farig hokar kuch dair baat karke monty bhi goodnight kehkar apne kamre mein laut gaya, ab runjhun apne kamre mein akele thi aur bistar par laiti train mein padh rahi oosi upanayas ko bag se nikalkar dobara haatho mein thaame padhne lagi, tabhi bijli zor se kadki aur dusre taraf ki khidki apne aap khul gayi..

Chapter 3

"ab tabiyat kaisi hai uski doctor?"

Monty ne pucha jo bahar darwaje ki chaukhat par khada tha, doctor ecg ko lapaitkar bakse mein band kiye uthte uski taraf dekha, Harry kuch fasle dur khada cigarette ke kash le raha tha,

"Sab theek hai bas thodi kamzori hai dost ki maut ne unhe andar se jhinjhodh diya hai isliye zyada stress ki wajah se weakness aur behoshi hone lagi, inhe kam stress lene kahiyega aur dawaiya di hai do din mein sab theek ho jayega"

"Chaliye main apko chodh aata hu"

Monty doctor ko chodhne darwaje tak badh gaya uske jaate hi Harry ne cigarette astray mein kuchalte huye kamre mein kadam rakhka, runjhun uth khadi huyi usne khidki se bahar dekha aur apna saaman tayy karne lagi,

"Arre re ye kya kar rahi ho tum? Kahan jaa rahi ho?"

"Is jagah mein mere liye ab kuch nahi tehra main yaha ek wajah ke liye aayi thi aur wo thi meri dost Rupa, ab wo is dunia mein nahi hai aur mujhe gam hai ki main uske aakhirat mein uske liye kuch kar na pai, oose yu marrne diya"

Gulabi nazaro se Harry ko ghurte huye runjhun ne apna saman bag mein daala toh Harry ne haath se uski kalai thami, runjhun oose ghurrne lagi, "maut aur zindagi pe hamara bas nahi chalta hum sirf insan hai taqdeer ke maare hai jiska khud ke taqdeer pe koi bas nahi"

"T..tum nahi samjhte ho wo"....apne aansu thaamte huye runjhun ne ek lamhe ke liye khamoshi saadhi Harry oose bade gaur se dekh raha tha

"Uske sath kuch galat hua hai wo zindadil ladki yun aise Marr nahi sakti na jaane kisne uski hassti khelti zindagi cheen li"

Kehte kehte wo rone lagi, Harry ne jhijhakte huye uske kandhe pe hath rakhka aur oose chup karaya....."dekho tumhari dost wapis toh nahi aa sakti par tum aise yaha se toh mat jao abhi toh aayi ho"

"Nahi yaha mujhe uski yaad satayegi pal pal dil uski baaton se ghabrayega"

"Aakhir usne aisa kya bataya ki uske sath kya ghata tha? Agar mumkin ho to hum sath mein uske liye ab bhi kuch kar sakte hai, ye sheher ye Zilla meri milkiyat hai agar uske sath waqayi nainsaf hua hai toh zamidar hone ke naate main oose insaf dilwaunga uske gunahgar ko khud saza dunga lekin pls tum is tarah himmat haarke chali jaogi toh uski rooh ko thes pahuchegi, aur kya pata uske sath kuch aisa hua na ho jaisa hum soch rahe hai, ho sakta hai uski bimari ne uske mansik haalat par bahut zyada galat prabhav dala ho jis wajah se wo marrne se pehle aisi beheki beheki baatein karne lagi ho"

Ek pal ko runjhun ka dil na maana fhir oose kahi na kahi aisa laga bhi, jis halat mein usne Rupa ko paya tha wo waqayi pagalo ki tarah darri sehmi bartav bhi kar rahi thi, Harry ne aakhir oose na jaane se mana hi liya, runjhun ne apna bag dobara rakh diya, Harry muskuraya, piche khada monty chupchap dono ko ghurr raha tha, oose acha nahi lag raha tha ki kis tarah Harry runjhun ke kareeb aa raha tha,

                      ---------

Chowkidar paudho mein paani daal raha tha tabhi monty ke uske kareeb aa khada hua wo gambhir tha, chowkidar ne oose ghura aur pucha "kya baat hai Babu? Kuch chahiye aapko?"

"Haan ek sawal hai jiska jawab aapko bhale bhaati malum hai"

Chowkidar ne paani daalne ke dabbe ko rakhka aur gaur se uski taraf dekha, "puchiye"

"Har raat dak bangla ke bheetar aur aas paas kaun aurat ghumti hai? Ji gaati bhi hai uski payal ki awaz charo taraf gunzti hai aakhir kaun hai woh?"

Chowkidar ki nazare bari bari ho gayi, champa chupke se piche dono ke khadi hokar sunne lagi, "jaane dijiye Babu aap sheher ke log aisi baaton pe wishwas nahi karenge"

"Mujhe jawab chahiye koi humhe daraane ki raat gaye koshish karta hai dak bangla andar se band hota hai toh kaise wo aurat andar dakhil bhi hoti hai aur gayab bhi ho jati hai, mujhe to ye sab kisi ki chaal lagti hai sacchai bata bhi dijiye"

"Wo koi sadharan insan nahi hai jaisa aap sochte hai, ek bhatakti huyi aatma hai ek rooh jo aaj se nahi kayi saalon se is veerane mein aur is dak bangla mein bhatak rahi hai, apne bichade us Humsafar ki talash mein jo usse sadiyo pehle bichadh gaya tha"

"Kya kehna chahte hai aap? Ye jagah haunted hai utter nonsense"

"Ye jhoot nahi sach hai, is dak bangla mein kayi purane aise rahasya hai jinse kabhi parda nahi utha, hamare zamindar sahab bhi ye baat jante they, unke purkho mein unke dada ke bhai zamindar Hamid Chowdhury isi gaon ki ek gareeb ladki ko pasand karte they, un dono ka milna julna aksar akele yahi hoya karta tha aur ek din wo dono pakde gaye zamindar ranjhan Chowdhury yaani chote malik Haresh chowdhary ke dada ji ne unhe fauran us ladki ko chodh dene kaha warna anjaam oose daasi banakar shagirdon ki hamesha ke liye zaleel kar gaon se nikaal Dena tha, is faisle ke khilaf Hamid bagawat par utar aaye wo isi dak bangla mein chupe rahe aur ek raat us ladki madhumati ke sath aatamhatya kar baithe par badnaseebi ki madhumati ne jaan dene ki himmat na jutaayi, baad mein pakadi gayi aur unhe zaleel kar bade bhai ranjhan Chowdhury ne unhe gaon se nikaal faika, apmaan aur tadap mein bhooke pyaase wo kayi dino tak bhatakti rahi aur fhir yahi dak bangla ke saamne usne jaan de di, tab se wo dono aaj bhi yaha rooh bankar bhatakte hai"

"Madhumati"

"Haan madhumati zamindar Hamid Chowdhury ki adhuri mohabbat"

Itna kehte huye chowkidar chala gaya toh monty soch mein pad gaya, champa ki aahat pakar usne piche mudkar oose jaate huye dekha, na jaane kya kuch sunne ko aur dekhne ko waha oose mil raha tha?

                          ----------

Rupa ke sadme se nikalne mein runjhun ko taqreeban 2 din laga aur is do din mein monty dekh sakta tha ki Harry kitna zyada runjhun ke kareeb aane ki koshish kar raha tha, aisa lagta tha jaise wo Mann hi mann runjhun pe kaayal tha, runjhun toh so gayi lekin monty teesri aur chauthi raat so nahi paaya har baat reh rehke ghum Rahi thi, gaye raat oose wohi payel ki chunn chunn aur ek dardbhari roti aurat ki awaz sunai di, lekin is baat ek aur naumeed ghatna ghati is  baat us aurat ke chale jaane ke baad fhir dobara koi gaana gaane laga kahi dur se aur ye awaz kisi mard ki thi, monty apne room ke khidki se jungle ki taraf us awaz ki disha mein dekhne laga, kayi fasle dur se wo awaz aa rahi thi, monty ne torch liya aur uske paas hamesha se rakha uska pital ka mukka jo hathyar wo aamtaur par safety ke liye rakhta tha, gaye raat wo jungle ki taraf jaane ka irada kar raha tha

Wo sidiyo se utara darwaje ko khol wo bahar nikla fountain ka mor kaata aur ghane andhere bhare jungle ki taraf dekhta do kadam jaane hi wala tha ki oose kisi ne awaz di, usne piche mudkar dekha Harry laaltain liye apne keemati night gown mein uske saamne chalte huye aaya,

"Arre itni raat gaye? Kahan jaa rahe ho?"

"Us awaz ka picha karne jo us taraf se aa rahi hai".......sawalat nazaro se Harry ne andhere jungle ki taraf dekha

"Kaisi awaz?"

"Tumne nahi suna taqreeban Roz ek aurat ghumti hai gaate huye aur aaj wo mardana awaz koi to hai jo humhe shayad daraa raha hai"

"Lagta hai chowkidar ne tumhe bataya nahi ki is dak bangle ki charo taraf aatmaye ghumti hai"

"That's utter nonsense"

"Dekho tum mere mehmaan ho aur aise yun jungle ki taraf raat gaye Jana khatre se khali nahi kuch bhi ho sakta hai, isliye main iski izazat nahi de sakta behtar hoga tum apne kamre mein jao aur jaake so jao"

Monty Harry ke paas Aya oose ghura aur fhir ulte pao dak bangla mein chala gaya, Harry sawalat nazaro se jungle ki taraf dekhta raha wo awaz aani bahut pehle hi band ho chuki thi,

                            --------

Aakhirkar Runjhun ne apne zazbat pe kaabu paa liya tha, is beech uska Mann behlaane ke liye Harry oose kahi jagah monty ke sath le gaya, monty samajh raha tha ki jab bhi oose sath le jane ki baat hoti to Harry aise bartav karta jaise wo runjhun ke sath akele Jana chahta ho, runjhun ko in sab ki parwah nahi thi na hi uska dhyan tha, wo dheere dheere Rupa ki maut ko mehez hadsa samajhkar bhula Rahi thi,

Us dopaharbaad ghum fhirke aake wo log ikhatte lunch karne lage, itne mein Harry ne monty se kaha "waise agar photography ki baat hai toh nalangarh ka sabse khubsurat jagah kaali hill hai waha jaakar tumhe saikdo khubsurat tasveere mil jayegi, tum ek kaam kyu nahi karte lunch ke baad chale jao aur shaam tak aa jana mera driver tumhe le jayega"

"Thanks par mujhe kisi ki zarurat nahi main khud drive kar sakta hu tum aana chahogi runjhun"

"I am sorry monty par mera mann nahi hai aaj tum akele ghum aao"

"Koi nahi tum aaram Karo mujhe sheher mein kuch kaam hai main jald hi laut aaunga"

Itna kehkar Harry ne munh ponchte huye sidiyo se upar chala gaya, monty ne runjhun se aahiste baat karna shuru kiya,

"Runjhun main tumse pichle do raato ki baat kehna chahta hu"

"Kaisi baat?"

"Yaha munasib nahi hoga tumhare kamre mein Chalke baat karte hai"

Wo dono dining table se uthe aur upar runjhun ke kamre mein aaye, monty ne sabkuch savistaar byaan kiya, "kya toh iska matlab wo dono aatmaye hai jaisa chowkidar ne kaha"

"Haan aur main is raaz ke teh tak pahuchunga main nalangarh town bhi jaunga taaki Rupa ki maut ka malumat kar saku"

"Agar Harry ko pata lag gaya toh"

"Oose pata nahi chalega Aaj raat jage rehna dekhte hai kya rahasya hai in sabke piche"

Tabhi Harry waha pahucha "tum abhi tak gaye nahi"......monty ne mehsus kiya ki wo anjan tha usne koi baatein nahi suni thi,

"Han bas jaa hi raha tha milte hai okay bye guys"

Kehkar wo kamre se nikal gaya, "ye tumse kuch zyada friendly nahi hota hai na tumhe janta hai na pehchanta hai"

"Main usse utna hi baat karti hoo jitna tumse aur waise bhi mujhe yaha ghutan hoti hai main yaha se jald se jald Jana chahti hoo"

Harry muskuraya, "theek hai toh kya tum mere sath mere Ghar chalna nahi chahogi? Nalangarh town mein jaha meri kothi hai"

"Aaj mera waqayi mood nahi hai"

"Pls fhir toh tum chali jaogi fhir dobara aao na aao"

Runjhun oose mana na kar saki, wo dono jeep pe sawar kothi pahuche, wo Vishal kaaye kothi thi, jo shayad Harry ke purkho ki thi, waha bhi ikka dukka naukar ke koi nahi tha, sabne Harry ko salam kiya, harry oose apne aalishan kothi ke cheeze dikhaane laga, runjhun ko boriyat si ho Rahi thi, wo oose apne kamre mein le aaya waha ek tasveer thi purani lekin uska chehra runjhun se milta julta tha, runjhun ek pal ko tehri

"Is ghar mein mere alawa koi nahi meri maa ko guzare arsa beet gaya aur pitaji ke bhi jaane ke baad ye pura kothi mein main akela rehta hu"

"Toh fhir koi achi ladki dekhke shadi kyu nahi kar lete".....tasveer par se nazar hataye bina runjhun ne kaha Harry muskurata uske nazaro ka picha karta us tasveer ki taraf dekhne laga jo saamne diwar pe tangi thi,

"Koi tum jaisi mili nahi"

Runjhun ne hadbadakar oose dekha, wo hassne laga kehne laga ki main mazak kar raha hoo, fhir usne tasveer ki babat pucha

"Bahut hi purani tasveer hai kehte hai kisi zamane mein ye yaha raha karti thi isi gaon mein nalangarh mein aur mere pardada ke bhai Hamid Chowdhury ki ye kafi kareeb thi unhone is tasveer ko kahi chupaake rakhka tha jo saalo baad mere father ke hath lagi aur fhir mujhe ye painting pasand aayi toh maine ise apne kamre mein jagah de di"

Harry muskurakar us tasveer ko bade gaur se dekhne laga, "na jaane kyu ye tasveer Jani pehchani si lagti hai aisa lagta hai hubahu meri hi tasveer ho"

"Haan jab pehli dafa tumhe dekha tha to mujhe yahi painting ki yaad aayi kya tum kabhi nalangarh mein raha karti thi? I mean tumhari family?"

"Nope main proper Dhaka city se belong karti hoo hamare parivar ke sabhi log wohi rehte hai"

"Oh tab ho sakta hai ye ittefaq ho kitni azib baat hai jis tasveer par mera dil aa gaya wo hubahu chehra tumhara hai"

Runjhun ekdum se hairani se oose dekhkar fhir hassne lagi, "par bahut khubsurat ittefaq hai"....Harry ne uske paas aakar kaha

"Mujhe ab chalna chahiye shaam dhal Rahi hai"

"Abhi toh aayi ho aur bhi kuch dikhana chahta hu tumhe"

"Fhir kabhi tabiyat theek nahi lag rahi"

"Acha theek hai chalo"

Jeep se wo dono wapis dak bangla laute Suraj dhal chuka tha, runjhun Jeep se utarkar ghar mein dakhil ho hi Rahi thi ki piche se Harry ne oose Toka usne mudkar dekha,

"Kuch kaam se sheher jaa raha hoo do din baad lautunga agar tumhe aitraz na ho toh parso mere sath hill forest ghumne chalogi sirf tum aur main dekho main monty ko janta nahi hoo"

"Oose bura lagega aur jante to tum mujhe bhi theek dhang se nahi ho"

Harry hasaa...."lekin ek baat janti ho aisa lagta hai jaise barso se hum ekdusre ko jante ho aisa lagta hai jaise tum meri kitni sagi ho"

Runjhun muskurayi, wo janti thi shayad Harry oosse flirt kar raha tha lekin uske dil mein Harry ke liye itna kuch karne ki wajah se bas hamdardi thi, usne muskurakar Haan keh diya, toh Harry jaise chehek utha aur usne runjhun ka shukriya kiya, runjhun andar lauti jabki jeep ko Harry park karne laga,

Raat ko dinner hall mein sab mauzud they champa un sab ko khaana paros rahi thi, jabki monty ne nivala dheere dheere khaa raha tha ya shayad uske khaane ki chahat hi nahi thi, Harry ne toka "kya baat hai? Tumhe bhook nahi hai?"

Monty ne hadbadakar hasste huye kaha "nahi nahi aisi baat nahi darasal safar ki wajah se thakaan hai waise manna padega kafi khubsurat jagah hai anginat panchi khubsurat Mausam pahadh kya view hai?"

"Hmm isliye Mera dil sheher mein laga nahi ab bhala itni achi jagah ko chodhke koi kaise jaa sakta hai?"....Harry ne muskurakar khaati runjhun ki taraf dekha jo uska ishara samajh rahi thi ki wo waha se chale Jana chahti thi wo bas muskurayi

Champa jhoote bartan le jaane lagi, khane se farig hokar sab ek ek kar kursiyo se uthne lage, tabhi Harry ne toka "waise aur kitne din ho yaha par?"

Wo sawal thoda azib tha par monty ne muskuraya runjhun ne dono ki taraf dekha, "socha tha 3-4 din par ab dil waqayi yaha kuch waqt aur teherne ko kehta hai aapko koi aitraz to nahi"

"Mujhe kya aitraz hoga? Balki Khushi hai ki is veerane dak bangle mein kuch habgab to huyi warna ye jagah toh sannate mein hamesha dubi hi rahi hai"

Harry runjhun se baat karna chahta tha par wo sone ka kehkar apne kamre mein chali gayi, monty bhi waha aur der nahi tehra, Harry bhi sidiya chadh gaya aur apne kamre ki taraf chala gaya, champa sabkuch sun rahi thi,

                             --------

Raat se hi badal mein garazan shuru ho chuki thi tufaan ki ho ho karti hawa charo taraf failne lagi, bijliya kadakne lagi apne kamre mein laiti andhere mein ektak runjhun khidki se bahar dekh rahi thi na jane kyu reh rehkar uske zehan mein Harry aur wo tasveer ghum Rahi thi jo hubahu uske chehre ki thi, kyu uske dil mein Harry ka khyal aa raha tha? Runjhun ke zindagi mein sirf ek hi shaks aaya tha jise usne tutkar pyar kiya lekin family ki misunderstandings ki wajah se usne oosse saare naate tod liye, runjhun tabse akeli thi aur Rupa ki maut ke baad wo aur zyada Tut gayi thi,

Tabhi darwaje pe dastak padi, bhaari dastak koi saaya oose bahar khada dikha, usne uthkar darwaje ke paas akar darwaja jaise khola oose bhauklaya par savdhan monty khada mila, wo fauran andar aaya aur usne khud darwaja laga diya, runjhun oose hadbadaye dekhne lagi...

Chapter 5

"ye sab kya hai monty aur tumhari ye halat?!"

"Meri halat ka behtar jawab tumhare piche khada ye mansik bimar dega jisne ye saara khel Racha hai runjhun, Rupa ka qatl bhi isne  hi kiya hai ye jo kuch bhi yaha ho raha tha na in sab ka zimmedar yahi tha yahi"

Ungli ko khanjar ki tarah Harry par uthata monty dahadhe bol utha, runjhun ne Harry ki taraf dekha jiski chori pakdi ja chuki thi, usne sard lehze se monty se pucha

"Tu yaha pahucha kaise?"

Uske kehne se pehle hi monty ne jawab diya chillate huye "haan tune to mujhe dhoke se hamla karke ye socha ki main khai mein gir chuka hoo par main gira zarur par aadhe darmiyan fasa reh gaya, khuda ki daya se jaan Baal Baal bachi aur main fhir yaha sabut ke sath pahucha"

"Sabut!"....runjhun ne kaha

"Haan runjhun iske Ghar ki Talashi mein mujhe medical reports mile ye sheher mein kayi maah tak mental asylum mein raha jaha ilaaj ke baad ise chodha gaya ye mansik bimar hai runjhun ise hallucinations hote hai Hamid Chowdhury se iski shakal milti thi bachpan se ise past life reincarnation ka jaise daura padta rehta tha ye khud ko Hamid chowdhury samjhta tha aur tumhe dekhne ke baad Rupa ki tasveer mein isne tumhe apni mehbooba madhumita samjha ye is intejaar mein tha ki kaise karke tum iske paas pahucho aur ye tumhe hasil kar le,

Rupa ke sath isi ka gehra sambandh tha isne oose pregnant kiya ye uske sath nahi kayi ladkiyo ke sath aisa khel khelta raha lekin jab ise malum chala ki madhumita ki jaisi dikhne wali ladki Rupa ki ek saheli hai toh isne faisla kar liya ki Rupa ko ab raste se hatakar hi tumhe paaya ja sakta hai,

Isne kaali ilm ka sahara kam umar se hi Lena shuru kiya tha taaki apne is past life reincarnation ko ye deal kar sake tumhe is Janam mein hasil kar sake Rupa ka qatal karna iske liye aasan nahi tha isliye isne oospe kuch aise galat amal kiye aur oose khaane mein kuch aisa khilaaya jo oose dheere dheere maut ki gehraiyo mein le jane laga aur ek raat usne dum tod hi diya, ye tumpar bhi Amal karta raha aur iska jeeta jagta sabut hai ye ladki champa, jo isi ke ishare par gaye raat ko sidiyo se toh kabhi aangan par to kabhi chatt par to kabhi dak bangla ke charo taraf dardbhari awaz nikaalkar gaati thi aur us raat tumhe dhoka isliye hua kyunki isne hubahu madhumits ki dekhi painting jaisa isne apna make up kar rakha tha ye janta tha ki tum madhumita urf apni hubahu chehre ko dekh hairat mein pad jaogi isliye us raat isne gungunate huye apna adhnanga chehra tumhe Aisa dikhaya ki tum yahi soch baitho ki ye madhumita ki aatma hai main jab dak bangla lauta to ye apna khel shuru kar chuki thi maine chatt par jaakar mauke ka fayda uthakar chupke se bangla mein dakhil hokar ise thaam liya isi ne bataya ki tumhare khaane mein ye kaali ilm se ye kameena Harry kuch na kuch milwata tha taaki tum iske pyar mein pagal ho jao aur tumhara dil bechain ho uthe runjhun yahi tumhari friend Rupa ka katil hai aur is pure sazish ka mastermind hai ye"

Usne dobara khanjar ghopti ungli se Harry ki taraf ungli uthayi, runjhun ab Harry se darr rahi thi Harry muskurakar taali bajane laga, "manna padega ki aakhirkar tum sacchai Jaan hi gaye par ye sach hai ki bachpan se jo sapne maine dekhe wo sach they Kali ilm ka sahara bhi isi liye maine liya taaki apni khoyi adhuri mohabbat madhumita ko talash kar saku aur oose paa saku aur dekho Rupa ke jariye se main runjhun tak pahuch paaya aur ittefaq dekho ki us rat fase halat mein tum dono dak bangla pahuche, chowkidar champa sabko malum tha inhone hi mujhe bataya ki hubahu madhumita meri madhumita ki tarah dikhti ek ladki yaha pahuchi hai isliye maine dusre din hi mulaqat karne ka faisla kiya

Jab yaha aaya toh runjhun ko pehli dafa dekh main shocked ho gaya mujhe yakeen ho gaya ki wo yahi thi, lekin kabab mein haddi tum beech mein aa gaye aur mera basa basaya plan bigad gaye lekin koi baat nahi jab Rupa ko main raste se hata sakta hu to tum kya ho? Ab mujhe kisi aur ki zarurat nahi khaskar sabuto ki tabhi Harry ne chura sabki nazar bachate sidha faika jisse monty sambhal pada lekin wo nishana champa ke liye tha wo chura champa ke seene mein kayi inch dhass gaya uski awaz ghuti reh gayi aur wohi girkar bari nigaho se oose ghurne lagi, chowkidar ne apni marrti beti ko sambhala lekin wo dum tod chuki thi itne mein chowkidar baagh ki tarah Harry par jhapta "teri Jaan le lunga main harami kutte meri beti ki jaan li tune kameene"

Wo Harry ka gala saqti se thaama raha toh Harry ne ek suyi uske gardan pe ghusa di, wo apne gale ko pakda akadta sidha aangan ki upari manzil se niche living hall mein girkar marr gaya Harry ne uske laash ko dekha aur ek taraf thooka tabhi vase ka bharpur vaar uske chehre gardan aur sar par daayi taraf se hua, oose apna sar jhanjhanata mehsus hua, monty ne sar ko jhukakar kisi dhaal ki tarah de maara Harry oose peeth se thaame aaundhe munh peeth ki taraf se oose rokne mein nakam hota sidiyo se niche girne laga, niche girne ke bawjud monty ki pakad dheeli nahi huyi Harry ne furati se apne daaye jute ka vaar uske jabdo pe kiya Monty dur jakar aundhe munh gira, Harry uth khada hua aur usne kohni monty ke peeth pe maarte huye uski gardan daboch Li, monty tadapne laga par Harry daant peesta hua apni pakad waise hi kayam raha, monty ka dum ghutne laga aankhe ubalne ko huyi, tabhi Harry ke sar par runjhun ne piche se murti se vaar Kiya harry apna sar pakda monty ka Gardan chodh wohi girkar chatpatane laga, usne paas aakar monty ko uthana chaha wo pehle hi zakhmi tha aur ab wo chot khaaye apni ukhadhti saanson pe kaabu paa raha tha, tabhi monty ne runjhun ko ek taraf dhakel diya runjhun ghass khaaye zameen pe giri Harry ka hamla sidha monty pe hua usne uske chot lage seene pe laat maarte huye oose wohi zameen pe gira diya aur ek khanjar jisse champa pe faikkar usne maara thaa waisa hi dusra uske hatho mein mauzud hua usne furati se monty ke seene pe wo churi utaara hi tha ki monty ne khoon se sane haatho se oose beech mein hi apne seene pe ghopne se pehle daboch liya, khoon ris ris ke uske chehre aur badan par haatho ka girne laga zyada dair tak wo Harry ko rok nahi sakta tha, tabhi runjhun ne  pass rakhki kursi uthakar puri taqat se uske saamne vaar ki lakdi ki kursi Tut gayi aur Harry ghass khaaye wohi dhair ho gaya, monty wohi behosh ho gaya usme jaan nahi thi uthne ko, monty ko wo jagane lagi uske chehre ko thapthapne lagi lekin wo na jaaga,

Wo oose ghasitte huye farsh par se hi bahar le jaane lagi bahar unki safed gadi khadi thi, jispr sawar hokar wo waha se bach nikal sakte they, usne ek baar ghasitte huye monty ke shareer ko thaame dur gire Harry ke taraf dekha uske jism mein koi harqat nahi huyi, wo sar ke mathe se leke chehre se gale tak dayi taraf khoon se lathpath tha jabki kursi ki chot aur sidiyo par girne se oose betahasha chot aayi thi uski sherwani phat chuki thi aur sabse Rahat wali baat wo behosh ho chuka tha itna waqt runjhun ke liye kafi tha waha se monty ko leke faraar hone mein aur police ko ikhtila karne mein, gaon jaane se behtar wo station master ke paas pahuchkar oose saari ghatna bata sakti thi madad sheher se fhir pahuch jati,

Usne bahar jaise taise girte padte monty ke shareer ko sambhaale oose gaadi tak laaya safed gaadi lock thi usne monty ko ek taraf laita diya aur dobara ulte kadamo se dak bangla mein daakhil huyi, sannata pasra hua tha chowkidar ki laash ek taraf tute saaman idhar udhar bikhre they farsh par khoon tha jo monty aur Harry ka tha, Harry ek taraf waise hi pada hua tha, usne paas rakhka khanjar utha liya jisse wo monty ko maarne wala tha wo sidiyo se tej kadmo se upar pahuchi champa ki laash ek taraf thi uski aankhe pathrayi aur tehri khuli thi, ek pal ko runjhun uske laash se guzarte huye ubakai mehsus karne lagi, wo kamre mein lauti fhir usne tamam jagah par chaabi talashni shuru ki chabi mil gayi, oose lekar wo wapis kamre se bahar aayi fhir sidiyo se niche pahuchi aur ek baar mudkar usne piche dekha Harry waise hi aankhe munde lahuluhan zakhmi behosh pada tha,

Wo tej kadmo se bahar aayi usne gaadi ke paas aakar chaabi ghumai pehle ghabrahat se lagi nahi fhir lagi aur darwaja khula usne monty ko backseat pe laitaya darwaja lagaya aur fhir jaise hi driving seat pe baithne ko huyi ek baanh uske gardan daboche kasskar oose apne se bheechkar gadi se utaar chuka tha runjhun ki cheekh uske gale mein reh gayi wo khauff bhari nazaro se piche dekhne lagi, Harry khoon se lathpath hassta hua pagalo ki tarah oose apne geraft mein le chuka tha,

Runjhun ne khanjar uske jaangh mein ghusa diya wo dahada aur uski pakad dheeli huyi lekin usne runjhun ko baalon se thaama aur oose zameen pe peeth ke bal gira diya fhir usne uske gale ko apne haatho mein jakad liya, "bahut dard diya hai tumne mujhe us raat bhi jaan dete huye tum piche ho gayi thi aur main maara gaya tha tum mere sath suicide kar sakti thi par tumne Aisa nahi kiya kya mila? Ye sab karke kya mila? Itna kuch kiya itna kuch sunaya par tum samjhna hi nahi chahti"

Harry ne ek jhapad uske chehre pe raseeda aur oose gale se daboche uthaya, patte ki tarah runjhun kaanp rahi thi wo uth khadi huyi oose gardan se daboche Harry ghasitta oose wapis dak bangla le aaya, fhir sidiya chadhte huye langdaate oose apne sath apne kamre mein le aaya,

"Wo kameena monty mere ghar ki Talashi lekar wo sabuto ke sath tumse contact karne yaha aa raha tha maine beech raste mein oose roka aur tumhare proposal thukrane se main aise hi tensed tha uski asliyat jaante hi maine oose samjhane ke bahane pahadh par le gaya aur mauke ka fayda uthakar uske sar pe vaar karke oose gira diya lekin harami bach nikla aur yaha tab bhi pahuch gaya girte padte haramzaada"

Pagalo ki tarah Harry daant peesta runjhun ko gardan se thaame darwaja khole oose andar le aaya apne kamre mein, waha azibo garib cheeze thi khopdi sindur chalk se bani sitare aur ek gole ka Nishan suyi nimbu kaale gudiya laal kapre aur tamam diwaro par madhumita ki tasveer apne jaangh mein fase churi ko Harry ne ek jhatke mein nikaal haath mein liya aur uski khoon se Sani nok ko ghabrayi runjhun ke gale pe rakha uski aankhe katoriyo mein fhirne lagi,

"Tumhe hurt karne ka mera koi matlab nahi tha lekin tum Mera saara sach Jaan chuki ho champa aur chowkidar ko marna tayy tha wo gaon mein mera bhanda phod sakte they ek baar fhir main tumse juda ho jata"

Usne rote runjhun ke maathe ko chuma runjhun ekdum Darr se kaanpte huye khamoshi se uski baate sun rahi thi, "ye sab dekho mujhe afsos hai ki main Rupa ko maara wajah thi agar oose nahi maarta toh wo tumhe Mera sach bata deti tumhe agaah kar deti jaisa usne tumse milane ke bawjud aisa kiya ye amal ye sab maine sirf tumhare liye kiya madhumita sirf tumhare liye dekho in diwar par lagi tasveero ko ye tum ho"

Runjhun ko laga jaise wo pagal ho chuka tha, wo chura haath mein liye idhar udhar fhira raha tha diwaro ki tasveer to amal ki cheezo ko oose bata batake dikha raha tha,

"Itni jane gayi itna kuch hua aur tum chahti ho main tumhe chale jaane du nahi jo galti maine pehle ki wo ab nahi agar main jaan de sakta hu toh tumhe paane ke liye kisi ki bhi jaan le sakta hu"

"Tum samjho Harry ye sab sach nahi hai maana hum iteefaq se hamari shakal Hamid Chowdhury aur unki premika madhumita se milati hai par ye sach nahi ki wo hum hi ho!"

"Ittefaq nahi hai yeh ittefaq nahi ye sach hai humara ye dusra janam hai aur ye Janam tumhara aur mera ek hone ke liye hua hai hamari adhuri mohabbat aaj puri ho jayegi kya kami hai mere andar aur toh aur is baar hamare pyaar ke aage koi rukawat hi nahi bachi bas monty ki chand saansein baaki hai oose marrne do fhir tum aur main ek honge"

Wo darwaja lagaye amal ke takhte par baith gaya ghadi mein kahi raat 12 baj utha, usne aag jalai aur fhir mombatti un sitaro ke khaano mein aur gol Nishan pe teen jagah rakhki, runjhun samajh nahi paa rahi thi wo kya kar raha tha? Usne shaitani muskurahat dete huye runjhun ki taraf dekha runjhun siham uthi, usne ek gudda uthaya jispar monty ka kapde ka tukda aur Baal tha, runjhun kaanpi wo mana karne lagi tabhi ek suyi usne uske pait ke daaye hisse mein ghopi monty ki dahadh sunkar runjhun uth khadi huyi wo khidki se bahar jhaaki gaadi se monty girta chatpatata dum saade tadap raha tha,

"Bas karo aisa mat karo"....runjhun ne oose mana kiya lekin Harry khoon se lathpath apne khoon sane haatho se shaitani muskurahat deta suyi uske seene ki taraf le jaane laga,

Tabhi runjhun ne pass rakhki botal dekhi aur sidha oose kund pe de faika sheesha tutke bikhra usmein rakhki sharab aag ko deheka uthi aur aag sidha Harry ke munh par padi, Harry dard se tadapta hua wohi gir pada runjhun ne gudda uthaake uske Bal aur kapde ke tukde ko uske badan se alag karke oose ek taraf faikh diya Harry ka chehra jal gaya tha wo pagalo ki tarah tadap raha tha, runjhun ne sidha laat zameen pe rakhke sindur pe maara jo sidha uske munh par jaa laga wo chatpata gaya runjhun ne tamam amal ke saje cheezo ko bikher rakh diya aag parde pe jaa laga aur ek taraf aag failne laga runjhun bahar ki or bhaagi darwaja khole,

Wo niche pahuchi fhir bahar aakar usne tadapte monty ka jayeza liya wo zakhmi tha par saansein chal rahi thi, monty ke jeb se ek pital ka mukka oose mila, barish shuru ho chuki thi bijliya kadakne lagi thi, Harry tadapta bahar pahucha toh waha gaadi to khadi dikhi par na to waha monty tha aur na runjhun, wo pagalo ki tarah chillane laga wo khanjar liye oose hawa mein jaise maarne laga pagalo ki tarah gaadi ke har taraf aur andar jhaakne laga toh kabhi niche, wo abhi utha hi tha ki ek taar uske gale mein aa fasi wo gale ko thaame tadapne laga runjhun ne wo taar piche se uske gale mein umeth diya tabhi Harry ne puri taqat se khanjar ka vaar uspar karne ki koshish ki mazburan runjhun ko gale mein fasayi wo taar chodhkar piche hat jaana pada khanjar uske pait par lagne se Baal Baal bacha, Harry ne larkharate huye mudkar uspe khanjar ka vaar Kiya par zakhmi hone se wo nishana barabar nahi laga paaya uska chehra bhayankar jala dikh raha tha, har vaar nakamyab ho raha tha lekin tabhi usne ek naumeed hamla apne jaangh se kiya aur ghutne ki chot runjhun ko apne pait pe mehsus huyi khanjar usne dobara daaye haath mein lete huye sidha vaar runjhun pe karna chaha toh runjhun ne apne baaye hath mein pehne pital ke mukke ka ulta ghusa uske munh par is tarah kiya ki wo khanjar wala haath uske upar aane se pehle nakam ho gaya , khoon ki bauchar uske munh se nikali aur uska jabda hilta mehsus hua, runjhun ne dahadhte huye cheekhte huye uske pait pe nishana lagate huye pital ka mukke ka vaar Kiya aur fhir uske seene pe wo pait aur Seena pakda wohi ghutno ke bal baith gaya, oose apni dhadkan dheemi hoti lagi, runjhun ne uske munh par chautha vaar Kiya aur pital ka mukka bhara vaar ne uske naak aur munh fhod Diya wo wohi dard se bilbilaaye gir pada, pital ka mukka khoon se sann chuka tha larkharayi runjhun ne uske shareer ki taraf jhukke dekha lekin uski taraf se peeth nahi fhairi, tabhi jab oose nischint lagne laga ki wo ab uthne wala nahi tha to wo uske bagal se guzarti aage badh gayi, Harry ne ekdum se aankhe kholi ek aakhri baar runjhun par vaar karne ke liye,

Wo dahadhta hua utha aur runjhun ke paas daudte larkharaye langdaaye churi haatho mein thaame abhi pahuchta ki tabhi ek goli sidhe sansanati uske seene ke aar paar chali gayi, wo wohi teher gaya uske aankho se aansu beh gaye, awaz gale mein hi ghut gayi saamne police aur station master khada tha aur hairani aur ghabraye oose dekh raha tha toh kabhi runjhun ko jo bhauklaaye piche mudkar Harry ki taraf dekhe jaa rahi thi, Harry kisi Kate paid ki tarah wohi zameen pe haath pao hawa mein lehraye gir pada churi ek taraf giri jo uske hatho mein thi, uski aankhe pathra gayi yakeenan wo marr chuka tha baarish uske Jale chehre aur khoon se lathpath jism par padne laga

Runjhun behosh hoti girnewali thi ki police inspector ne oose sahara diya "u okay runjhun sambhalo khud ko"....baaki baatein oose aise sunai de Rahi thi jaise kahi dur se koi keh raha ho wo behosh ho rahi thi

"Ganimat maaniye ki monty ne humhe waqt rehte ikhtila kar di warna toh humhe aur dair ho jati"...station master jo inspector se keh raha tha us ki awaz oose aakhri baar sunai di uske baad aankho ke aage andhera cha gaya....