SHOOTER - एक अनदेखा निशाना, एक अटूट इरादा (Spy Thriller story)

Dhundhlahat jab dheere dheere uske nazaro se dur huyi toh usne ek jalti bulb ko apne saamne latke paaya, charo taraf andhera tha par roshni theek saamne thi, waha kayi log hass rahe aur oose gaaliya de rahe they, tabhi uske aankhe khulte dekh wo uspe jhapte...."aahhh urgggghh"....izhar dard se dohra ho gaya, oospar Fernandes ke aadmi apne hath pao chala rahe they kisi ka mukka to kisi ki jute ki thokhar toh kisi ki laat oose apne badan pe padti mehsus huyi, wo gherke oospe bharpur pao ki thokar maar rahe the, Fernandes ne unhe rukne ka ishara kiya to wo piche hate, mark x khoon munh se thook raha tha, uska chehra buri tarah suja hua tha daayi aankh buri tarah suj chuki thi oose apna ek baanh kaam na karta mehsus ho raha tha uske pao mein taqat nahi thi ki wo uthke khada ho paaye, wo apne zakhmi hatho se apne chehre ko chupa raha tha ki dobara uspe koi achamka hamla na kar de,

Fernandes ke kahe oose ghasitke dono kandho mein baazu fasaye uthaaya gaya dono baanh upar latki rassiyo se baandhi gayi, ek Jane ne furati se ek hook jispe rassi lipti thi, us lohe ke dusre sirhe ke rassi ko kheecha jald hi kuch ft upar hawa mein mark x bandhe hath ke sahare latka pada tha, wo beshud tha par hosh mein hokar bhi jaise wo madhosh tha,

Fernandes ne aage badhkar oose gereban se apni taraf kheecha..aur uske pait pe ghusse jamane laga uske bhari haath ka hamla mark x seh nahi paaya aur woh dard se dahadh uthta, Fernandes oose bedardi se maarne laga usne ulte muthi ka vaar uske chehre pe raseed diya jisse oose apna naak ki haddi tutti aur jabda hilta mehsus hua, usne dhair saara khoon munh se ugal diya dusri bhaari mutthi ka punch ooske aankho pe sidha pada jisse oose apni daayi aankh khoti mehsus huyi, us aankh ko wo dobara khol nahi paya, Fernandes oose maare Jaa Raha tha aur bake ja rahe tha, jaise itne waqt se uske ki har barbadi ka wo oose peet peetke saja de raha tha,

"Pehle mere client ko maara, fhir mere aadmiyo ko fhir mere thikano ko aag lagaya, usse bhi dil nahi bhara toh mujhe duniya ke saamne benakab kiya, meri chavi girayi akram khan ka naam duniya ko ek gunahgar, contract killing ka thekedar, blue Fernandes underworld ka raja, saale haramzade ye sab Teri wajah se aaj baccha baccha mujhe pukar raha hai aankh mat band kar"

Wo dant peesta uske seene pait chehre par ghuse Marta raha, jab wo hafta piche hokar tehra toh uski mutthiya uske khoon aur khud ke maare jaane se chamdi cheel chuki thi, mark x mushkil se saans kheech pa raha tha,

"Tere gulelbazi ko dekhke tujhe apne anokhe hatyaro ke sadasya mein joda tujhe general banaya aur bhadwa namak haram apne Godfather ruksar ki baat mein aake mujhe hi double cross karke bhaaga tu, fhir dobara aaya mujhe hi barbad karne saala"......usne ek baddhi gaali di aur sidha mark x ke seene pe laat jamai wo hawa mein jhulne laga, uske munh se khoon ki laar beh rahi thi aur kasse rassiyo se upar bandhi hatheli cheelkar khoon se bheeg rahi thi,

"Ab bata kaise bacha tha? Mustaq Ali Khan apne humpeshe sniper slingshot rifle ke charre lagne ke bawjud tu bacha kaisa tha? Bol haram ki aulwad bak kuch"

Usne do teen thappad khoon se lathpath suje mark x ke chehre pe raseed diye, mark x ne ek gaal se halka muskuraya uski ek aankh band thi dusri aankh se wo halka halka Fernandes ko dekhne ki koshish kar raha tha, "go..li t..oh m..ujhe l..agi t..hi p..ar m..aine wo v..est pehenn r..akha t..ha jisse m..ujh..pe cha..rro k..a koi asar nahi hua j..jaise bulletproof vest h..ota hai w..aise hi apne humpeshe ke hathyar se ba.chne ke liye m..aine sling..shot r..resistance steel vest pehen rakha tha, wo itna mazbut tha ki usse m..ain bahav mei girke bhi mujhe koi chot ka ahesas na hua, wo kh..oon jo unhone dariya pe jhakte waqt dekha w..oh ek pouch mein bhara khoon tha jise maine peeth pe aise jagah pehne tha ki charra pehle oosi ko laga, khoon paani mein b.ikhar gaya aur mainn bachh nikla!"

Fase gale se wo dheere dheere jo kuch keh paya uske baad uske aadmi ne piche se sidha ek sariya ka vaar uske mathe pe kiya, uska sar mein aseem dard utha aankhe bahar aane ko ho gayi, maathe se khoon chehre se hota niche tapakne laga, usne dobara sariya uske mathe pe nishana banake abhi hawa mein hath uthaya hi tha ki Fernandes ne oose roka

"Aye dusra vaar kiya toh ye jaldi marr jayega, ise maarna nahi tadpana hai laa chura de ab main Kasai ki tarah ise aise hi taange, ghosht ki tarah katunga saale ko, haramkhor aaj jo tu kuch bhi tha meri wajah se, mujhe barbad karne ka shouk tha na bheja na tere parivar aur ruksar baap ko upar ab tu bhi jayega, dilris ki tarah nahi thokunga tujhe, usse badtar maut dunga taaki mere aadmi ko ibrat mile ki mere maut ka saman karne ka anjam kya hota hai?"

Tabhi ek goli sansanati huyi uske chure thaame hath par huyi, wo dum saade hairat se piche ki or muda, helin zinda thi wo larkahai chaal mein khud ghayal waha pahuchi thi, usne tabadtod banduke fiza mein daag di, diwar ki plaster udhadh gayi aur khidki ke kaanch bikhar gaye, Tamam aadmi Fernandes aur khud reshma niche ko jhuk gaye tab usne fauran puri taqat se goli hook pe maari, hook tuta rassi kat gayi aur mark x niche zameen par,

Helin ne is baar un tamam badmasho par goliya chalani chahi tabhi uski goli khatam ho gayi, usne furati se banduk faikha aur slingshot nikaala theek waise hi mark x ki tarah charra chadhaya aur itne din uski sohbat mein rehte huye uski tarah practice karte oosne ek daksh nishanebaz ki tarah unpar nishana sadha do aadmi wohi dhair ho gaye, kunai ka sidha vaar se wo bachi, reshma uspar bagh ki tarah jhapti helin ne jhuke jhuke sar ko uske pait pe de marte huye oose leke ulti taraf gir padi, uske baki aadmi uspe goli chalane se katrane lage, tabhi Fernandes ko apne gardan par ird gird lipati do taange kassti mehsus huyi, itne mein woh mark x ka oose zehan hua, jo mauke ki firaaq mein zakhmi pada uske piche gardan par laite laite oose paich dene laga, tabhi uske gundo ne uspar hamla karna chaha par Fernandes ko apne upar dhaal banakar mark x ne ooske pakade shareer ko unpar de faika, mark piche ki taraf ludakta hua ab apni taangon par khada ho chuka tha, helin ne kunai wala hath reshma ka pakadkar uthte huye madod diya aur fhir slingshot mark x ki taraf uchaali, beech mein Fernandes ne oose rokna chaha par mark x ne oose laat dete huye dur faika aur slingshot thaam liya, bas uske hath mein woh hatyar aane ki der thi, usne apni jeb se charre apne hath mein le liye, usne pehla nishana uski taraf bhaagte aate gunde pe de maara uske girte hi usne banduk uspar chalate gundo par bachte huye unpar jhuke jhuke hi nishana saadh diya iske baad wo furati se utha aur usne tamam bache gundo ke mathe ko nishana banaya, wo log wohi dhair ho gaye,

"Ruk jao mark x warna ye maregi"....reshma ne kunai ka nok helin ke gardan par jabran rakhka hua tha dusri taraf Fernandes oose dekh raha tha

Reshma janti thi Drugs ke dose se wo sunne samajhne ki taqat kam rakhta tha, "tumhe pehle ise maarna hai"....usne helin pe ishara karte oose kaha

Helin oose bhauklaye dekhne lagi, mark x ko apna dimaag ghumta mehsus hua, reshma ko drugs deke unhe kabu karna aata tha, wo apne hosho hawas se bekabu hone laga, "slingshot ka vaar Ispe karo mark x karo"

Helin ne kehna chaha par uske gale mein kunai aur kasskar reshma ne daba di, khoon ka qatra behne laga gale se, mark x uske kareeb aane laga Fernandes pass pada pistol ki taraf badha, "c'mon mark x, what u just waiting for?"....mark x uske kareeb aane laga wo beech mein tehra helin oose nam aankho se dekhne lagi

Mark x oose aise dekh raha tha jaise wo uska qatal ab bas karne wala tha, uske hath uthe aur usne aehen nishana saadha, "izhar tumhara parivar tumhare sahare sab inhone Cheena hai hosh mein aao"

Reshma ka hath zor se gusse mein kunai pakda helin ke gale mein abhi aur dhassta, uski nam aankho ko dekh mark x ne sidha vaar kiya, helin ne aankhe band ki aur theek tabhi charra uske chehre se kisi garam cheez ki tarah guzarta laga charra reshma ke hath mein laga kunai zamen pe ja giri, reshma dum saade wohi baith gayi,

Fernandes ne bhauklaye apni pistol uthakar uspe daagi hi thi ki wo jhuka aur usne slingshot ka vaar uske taangon ke beech kiya fhir uske jangh pe fhir uske pindliyo pe fhir uske passliyo pe, ek ke baad ek goli uske badan mein dhass gayi, Fernandes wohi zameen pe dohra hoke tadapne laga, "tune mere sath itna kuch kiya hai ki jise main bhula nahi sakta, helin ki nam aankho ne mere andar ke zazbat ko mauke pe jagakar is drugs ke asar ko beasar kar diya hai ab main nashe mein hone wala nahi pure hosho hawas mein hoo, mera sub conscious mind ko tere ye bebas kar dene wali dawaye mujhse ab aur kuch nahi karwa sakte"

Fernandes ladkharata zameen pe ghasitta bahar ki taraf jaane laga usne banduk fhir uthakar uspe hamla karna chaha par mark x itna furtila tha ki uski har chalai goli uspe nishana nahi laga pa rahi thi, Fernandes ko sabse zyada dard apne taangon ke beech uske charre lagne se reh rehkar taqleef de rahi thi, mark x ne furati se uske banduk Wale hath pe bharpur thokhar Mari fhir uske munh par thokhar maari, Fernandes ko apna aadha sar aur chehra sun hota mehsus hua uska chehra buri tarah cheel gaya,

"Kya hua uthna haramzade kya hua bh**dike uth Tera hi kahawat tha na mujhe us ek hazar hathyar chalane wala ka khauff nahi mujhe us ek hathyar chalane waale se khauff hai jisne hazaar baar oosse hamla kiya ho"

Fernandes ab dheere dheere mark x se dur hone ki koshish kar raha tha uska jism kaanp raha tha, mark x ne furati se chura uthaya aur sidha uske jangh mein ghusake bedardi se bahar kheech liya, wo dard se sar patakne laga uski cheekh pure hall mein gunz rahi thi, mark x ne oose baalon se uske sar ko pakda aur munh par oosi slingshot ka muth betartib dhang se marne laga, uski aankh fhut gayi, naak kat gayi, honth buri tarah katkar latak gaya, wo jaise mushkil se ab saas kheech pa raha tha,

Usne apne dono baazu se uske bhari shareer ko gale lagake uthaya aur usse do kadam piche hata, "galti tune us din mujhe maarke nahi, mujhe hatyara banane ki nahi karni chahiye thi sayonara dozakh Mubarak Khan bhai"

Usne slingshot ka ek karara vaar kiya aur charra uske sar pe surakh karke nikal gaya us jagah se ab khoon fhuhare ki tarah behane laga tha, Fernandes tehri aankho se oose dekhte hi dekhte wohi laash banke gir pada, mark x ne kuch dair oose dekha aur wo wohi dard se tadap kar gir pada uske aankho mein aansu they, apno ko khone ka namumkin dard tha wo pehli baar roya tha,

Jab reshma ko hosh aaya to oose aas paas helin nahi dikhi wohi dur uske aadmi mare pade they, sabke maathe pe mark x ne goli mari thi, reshma halat ka jayeza leti apne bache kunai ko hath mein lekar tute hatheli ko thaame bahar nikali, bahar hall mein oose Fernandes gira dikha, wo uske paas aayi uske maathe pe surakh tha aankhe tehri huyi thi, reshma ne ek nazar uske saamne gire behosh mark x pe daudai,

Wo uske kareeb hinsak bhaav se kunai ko liye badhi, wo us par kisi bhi pal kunai faikne wali thi, ki tabhi oose saamne khadi helin dikhi "t..tu bachi kaise thi? Goli maari thi tujhe"...usne thithakar helin ki taraf dekhte huye pucha

Bina kuch kahe uska hath upar utha reshma ne furati se kunai uspar faikne ki koshish ki lekin usne slingshot ka charra uske or  chodha uske gale se charra aar par nikal gaya tab oose slingshot ki taqat ka ahesas hua jise wo hamesha bejan khilona samjhti thi, wo apna gala thaame munh se khoon ugalti wohi Fernandes ke pao ke paas giri, helin uske paas aai usne apne badan ke kapde ko nikaalke jaise oose dikhaya ki usne kya pehna tha wo ek bulletproof vest thi, reshma waise hi kanpti rahi, gale se khoon behte ja raha tha, helin ne uske khoon par gire dono kunai ko uthaya aur ooske seene pe ek hi baar mein dono ko dakhil kar diya, uska kaanpna band ho gaya gulabi aankh waise hi khuli reh gai, helin uske lash ke upar se uthi usne Fernandes ki lash ki taraf dekha aur khamoshi se langdaaye darwaje ke kareeb aayi jaha pehle hi zakhmi mark x urf izhar hosh mein aakar waha khada oose dekh muskura raha tha!

                --------

Darwaja chaukhat se alag ho gaya wo dono veeran safari villa se bahar nikle bhor hone ko tha aasman se andhera chatt raha tha, dono ghayal ekdusre ke kandhe pe baazu phasaye ekdusre ke sahare lasho ke upar se  guzarte fatak thele bahar nikle,

"Gaadi main nahi chala paunga"

"Koi nahi"...usne sahare se mark x ko gadi mein bithaya aur khud bagal ki driving seat pe aa baithi

"Bahut acha nishana seekh liya tumne ruksar bhai bataye nahi they ki tumhe slingshot chalana aa gaya"

"Ruksar Bhai ne mana kiya tha batane se"

Itna kehkar muskurati helin ne gadi ki chabi ghumai aur gaadi ko wapis sheher ki taraf mor diya!

Bonus chapter (मार्क X की वापसी)

Few years aftermath

Place :- Russia (Department of high intelligence and Interpol)

Time :- 7:00 PM

Us waqt Russia ke state Moscow mein bheeshan barish ho rahi thi, Ghana andhera waqt se pehle chaa gaya tha, wo Russia ka ek high intelligence department tha aur us waqt us secret cabin ke gaddedar sofa pe baitha cigar fhukta chief oose Paini nazaro se dekh raha tha,

Usne mark x ke aage wo tasveer rakhi, mark x ne jab oos tasveer ko uthaya toh wo oose Russia ke mul ki nahi balki japan ya China se taluq rakhti ek hassti masum ladki si dikhi jo kamsin thi kam umar ki thi,

"Iska naam Alina uzumaki hai peshe se air hostess hai lekin badkismat se ek aisi material witness yaani ek aise case ki iklauti chashmadid gawah ban chuki hai jiska parso tak court mein haziri lagana behad zaruri hai"

"Case kiska tha? Yakeenan agar russian intelligence ki is par nazar hai to yakeenan case bhi mamuli nahi hoga"

Chief thoda pareshan hua fhir sanjida, "tum musasa Bhai ko jante ho, Russia ka top kingpin jisne saalo tak yaha awaid manav taskari, hathyaro ki kala bazari aur kayi gair kanooni juye ke adde jise casino kaha jaaye in sab ka dhandha Zoro shoro se kiya hai, uski chavi bilkul waisi hi hai jaisa maine suna tha ki kabhi tumhare case se taluq rakhte blue Fernandes ka!"

"Aap aage badhiye"

Chief ne bechani se kursi par pehlu badla, mahoul mein dhar jaisa paina sannata pasar gaya fhir usne kehna zari rakhka,

"Wo ab kanoon ke shikanje mein puri tarah fass chuka hai, sirf hum nahi state aur videshi police bhi uske piche hath dhoke pad chuki hai, uske apne hi kuch pyade ab uske khilaf hai, aur kuch uske khilaf gawah dene ko tayyar ho chuke hai uske zyadti ke wajah se bhi aur kuch hamare darr aur tagde lalach ka jhaasa dekar bhi, par afsos wo un gawaho ko pehchan gaya hai, pehle wo apne raste mein aane waale kisi secret agent ya afsar ko bhi nahi chodhta tha, par ab court mein kuch aise sabut uske khilaf aa gaye hai ki ab oose apni jaan halak mein fasi nazar aa rahi hai, wo ab un pehchane gawaho ko maut ke ghaat utar chuka hai, uske aadmiyo par nazar hai hamari lekin ye kaam wo kisi international assasin se karwa raha hai"

"Toh iska matlab ye iklauti gawah bhi ya toh uske nishane pe hai ya toh iska khel bhi ho  chuka?, Waise ye abhi hai kahan?"......mark x ne tasveer pe thakthakate huye pucha

"Filhal toh hamari protection mein thi lekin jis tarah tamam gawah maare ja chuke hai hum sidhe taur pe musasa pe hath nahi rakh sakte, uska bhi kafi kaabil wakil hai wo lack of evidence aur pehle se mauzud sabuto mein noksh nikalkar bari ho jana uske liye mehez waqt ki baat reh jayegi, par uzumaki ne khud oose na hi sirf qatal krte dekha hai, balki uske kuch Raaz ko jaan bhi gayi hai jo Raaz hamare intelligence ne kabhi suna bhi nahi tha, darasal uzumaki ne khud musasa aur uske aadmiyo ko airport ek parking lot mein ek bahut naami humpeshe aur rival Usman Khan ka murder karte huye dekh liya tha, aapsi baat na hi sirf usne sun li, balki wo sidha darrne ke bajaay fauran humse contact ki, kyunki local police department uspar hath nahi daal sakti, aur airport pe kiye uske murder ka ilzam uspe lagYa nahi ja sakta kyunki uske paas sabut hai ki wo us waqt kahi aur tha, lekin uzumaki ne na sirf oose waha dekha tha balki uska live murder record bhi apne paas kahi mehfuz rakha hai, agar oose kuch ho bhi jaaye to bhi wo sabut hamare kaam aa sakta hai, par humhe uski jaan ki parwah hai uske wajah se hi hum musasa ke khilaf aaj itne hath mazbut kar paaye hai waha us murder scene mein usne khud kabula hai ki wo ek safedposh insan nahi ek gangster hai khooni hai ek gair kanooni dhandhe karne wala kingpin hai, ye baatein usne Usman ko maarne se pehle apni tareefo ke kasido mein jo kahi wo baatein ab uzumaki ki record ki video mein hai"

"Toh fhir ladki? Oose kaise malum chala"

"Hamare hi police department ka ek bhediya oose ye baat serve kar chuka, humne oos police officer ko hirasat mein to le liya lekin ab uzumaki khatre mein hai wo japan jayegi toh waha bhi musasa apne assasins bhej sakta hai, waha to kaam yakuza se aur aasan hai par yaha hamara system hai network hai isliye wo sarkari gawah ke taur pe hamari protection mein din raat thi, par ek din wo gayab ho gayi aur uske piche wajah hai musasa ka bheja ek dreaded assasin"

Usne wo cctv se kheechi tasveer mark x ke aage rakhi, "ise pehchante ho?".....mark x oose gaur se dekhne laga, usne koi jawab nahi diya toh chief ne fhir kehna shuru kiya

"Rocky Verma, hindustan ka bhagoda apradhi aur ek international assasin, suna hai Dubai ke bhai tak ye jaana jaata hai, tabhi musasa ne ise prefer kiya, lifecard pistol iska hatyar hai (छोटी फोल्डिंग पिस्तौल (Folding Pistol) है। जब यह बंदूक पूरी तरह से फोल्ड (बंद) होती है, तो इसका आकार बिल्कुल एक क्रेडिट कार्ड या एटीएम कार्ड जैसा दिखाई देता है, इसलिए इसे दुनिया की सबसे पतली बंदूक या "Credit Card Gun" भी कहा जाता है।) desh mein jagah jagah ise dekha gaya hai, kayi logo ko maut ke ghat utar chuka, jabtak police ise dhundhti hai ye us desh se gayab hota hai, aajtak ek jagah nahi tehrata, dark web ke zariye ho sakta hai apne underworld connection ke through musasa ne is tak pahuch banayi, ye Russia mein kayi pari se dekha gaya hai, aur jitne gawah mare hai sab isi ka shikar huye hai kyunki postmertum report mein bhi jo bullet unke shareer mein mila wo choti halki .22 WMR caliber ki thi yaani isne apna mukhya hatyar hi istemal kiya, kal raat uzumaki apne kamre se gayab ho gayi, hotel walo ka kehna hai ki oose lobby se bahar jaate bhi nahi dekha gaya, na hi darban ne oose nikalta dekha, oosi raat hamare guptcharo ne cctv mein ek badle huliye mein aadmi overcoat hat pehna uske ghar ke saamne se do baar guzarta dekha tha yakeenan wo Rocky hi tha, hamari team uzumaki ko suyi ki tarah talash rahi hai kya tum oose dhundh paoge?"

"Helin ki recommendation mein aapne mujhe Russia talab kiya, ye jante huye ki main ab Turkish police department ke liye ab kaam nahi karta, mere kaam karne ka dhang alag tha jo unhe pasand nahi tha"

"Main tumhare past se waqif hoo, main janta hoo yaha beete waqt mein huye assassination mein tumhara bhi naam shamil tha, halaki main tumhe geraftar to nahi kar sakta kyunki Turkish aur Russia ka diplomatic rishta kharab ho sakta hai, tum ab Turkish intelligence department se bhi Jude huye ho toh tum par sidhe hath dalna bhi aasan nahi, tumne mujrim hokar bhi apne hi boss ke khilaf kaam kiya aur na hi sirf ek underworld ke mashoor contractor ko maar giraya balki us jaise saikdo criminal corrupt clients ko bhi maara hai jinhone hamari sarkar ke naam mein dam kar rakha tha aur yahi nahi kayi desho mein tumne unhe markar waha ke govt par jaise ek ahesan kiya, halaki tum khud ek assasin rahe they kabhi lekin shayad isi binah par tumhari khatao ko nazarandaz Kara ja sakta hai manf kiya ja sakta hai"

"Behtar hoga hum apne is mudde pe laute, jab aapke paas itne kabil officers aur ek special unit hai toh meri fhir kya zarurat?"

"Kehte huye tumhe dukh to nahi pahuchana chahta par Rocky Verma tumhari hi past kirdar ki tarah ek khatarnak aur chalak shikari hai, oose aajtak kisi bhi desh ka koi mehekma pakad na saka, par tumhari baat juda hai tumhari past record ke tehet jo baatein mujhe intelligence officer helin se pata chali wo kaabil e tarif hai, blue fernandes jaise international mafia ko hum bhi thaamna chahte they jise pakadne ka humne kabhi nahi socha oose kisi sarkar ne nahi khud ek assasin ne maar giraya aur wo assasin turkey ke liye kaam karta tha (mark x janta tha helin ne yahi baat kahi hogi)"

"Ladki abtak marr chuki bhi ho sakti hai?"

"Wo ladki kafi himmatwali hai shayad tum nahi jante uske pita khud ek yakuza rahe they, beti ke bhavishya ke liye unhone kanoon ke aage khud ko hawale kiya aur oose apne kaale duniya se dur ek Naik zindagi di, wo ladki jaldi munh nahi kholne wali"

"Sach kahu toh wo oose abtak maar nahi paaya hoga, musasa Bhai ke paas oose le jaana kanoon ke shikanje mein aana hai aur musasa toh khud apne gereban mein khoon ke dag nahi lagne dega wo toh shayad apne mansion mein intejar kar raha hoga ki kab uske iklaute chashmadid gawah ki maut ki khabar mile, us sabut ke sath lash ko thikane ke liye Rocky oose samundra mein faik dega jaha laash shayad tairti huyi aapke dhundhe bhi na mile, lekin iska ek favourite tarika hai apne aakhri dushman ko maarkar ye samundra ke raste kahi nikal jata hai ladki ko suyi ki tarah talash karna matlab ye ise sheher ke kisi bhi adde par chupa nahi sakta pakde Jana afford nahi kar sakta, ye apna anjaam kisi sunsan veerane Samundra ke aise kinare dega jaha se ye bandargah ke container mein chupkar bhaag sakta hai, aise hi ye kabhi pakda nahi gaya aapne gaur kiya hoga iske adhiktar maare gaye logo ki ya to laash samundra mein payi gayi ya fhir ise aakhri baar aise kahi beaches par dekha gaya tha agar desh bhar ki un khabro ko nikalkr padhe to shayad aapko clue mil jata"

Chief jaise awaak oose dekh raha tha, ye bat uske zehan mein kabhi aayi nahi thi, mark x bhari kadmo se waha se tasveer liye nikal gaya,

                          ---------

Gaadi puri tej raftar se chalate huye aur thaamba ke officers ko chaturai se chakma dekar Rocky samundra ke kinare us ujaad beach par pahuch chuka tha jaha samne pier tha jo sidha samundra ke aakhirat mein jaake khatam ho raha tha, usne furati se apne piche bandhi rassiya umethti zakhmi chot khaayi uzumaki ko ghasitkar gadi se utara, aur oose kuch dur le jakar ek baar charo taraf ka muana kiya aur oose rait pe gira diya, uske kapre jagah jagah se phate they ek stann phate kapro bra ke strip se bahar jhaank raha tha, uske sath barbarta huyi thi isme koi shaq nahi tha, uski ek aankh kaali pad chuki thi baal ulajhe pade they, apni folding pistol ko reload kar Rocky ne uske mathe pe lagate huye uske buri tarah fase munh se kapre ko kheechke gale mein latkaya, wo oose nam aankho se dekh rahi thi,

"Badi ziddi hai tu, kya lagta hai munh nahi kholegi toh chodh dunga, puri raat tujhe tadpaya bura peeta, lekin saali japan ki gudiya tu to badi kattar nikli re, Abey haramzadi ab to bata kahan hai wo recording tere phone ke char tukde kar diye wo usme nahi hai"

"Wo tumhe kabhi nahi mil payega, aur na tumhare baap musasa ko"

Rocky ne ek ulte hath ka thappad uske chehre pe raseed diya uska gora chehra laal ho gaya hath ke nishan pad gaye aur honth ke koro se khoon aane laga, uski aankhe ansuyo se ubal padi,

"Saali zabaan ko lagam de, hahaha apun toh tere sath khel raha tha ye hai na wo"......usne uski behan ki tasveer dikhai

Uzumaki ghabra gayi, "na intelligence ko pata na musasa Bhai ko par kal raat jab tu apni behan ka naam neend mein badbada rahi thi to mainn samajh gaya ki ho na ho tape uske paas mehfuz aur wo toh tere gumshudgi se Russia toh aane hi wali hai, tujhe maarkar ek khoon aur karna kya badi baat hai? Yaha koi tujhe dhundh bhi nahi payega is Vishal mahasagar mein teri laash machliya kha legi ya to yu hi dubkar sadd jayegi hahaha"

"T..tum ai..sa kuch nahi karoge wo kuch nahi janti"......lekin uzumaki ko fariyad ka uspe koi asar nahi hua, usne banduk ooske mathe pe kasskar laga di

Wo ab aur kuch nahi keh Raha tha, uzumaki samjh chuki thi ab wo oose jaan se maar dene wala tha, usne apne bhagwan ko mann hi mann jaise yaad kiya aur kuch padhne lagi, par Rocky ko koi parwah nahi thi usne trigger ko dheere dheere kheechna shuru kiya, tabhi ek sansanati goli uske chehre pe lagi, wo dard se bilbila utha banduk thaame wohi akdu hokar baith gaya,  usne jab thooka toh khoon ke sath oose apna daant nikalta dikha, uska jabda dard se aith gaya, usne hadbadakar samne samundra ki taraf dekha,

Motorboat par chashma aur ek life jacket pehna shaks samundra ke beech ko cheerta lehro ko cheerta hua uske kareeb aa raha tha, ye koi aur nahi mark x tha, mark x ne handle chodha aur apne daayi hath pe chadhe kaale dastane ko theek kiya, fhir us haath se rubber peeche kheechte huye usne slingshot se uski taraf apni 8mm ka charra chodha, uska slingshot ab bhari tha uski muth lohe ki thi aur ab uski mote do jodi peeli rubber se faikti goli ki gati ghatak aur pehle se tej thi, wo uska khud ka ijaat kiya apna slingshot tha jo ek lohe ki wrist brace se bandha tha jo uski kalai pe kohni tak fit tha, dusra charra se Rocky Baal Baal bacha, uzumaki hadbadaye sar jhukaye wohi rait pe lait gayi, Rocky ne furati se goli chalai lekin mark x uske vaar se bachne ki koshish karne laga, usne motorboat se kinare ka chakkar kaata aur uske kareeb pier ke paas aane laga, Rocky ne daudte huye teen chaar goli ek sath fire ki, ek goli sansanati uske fuel tank ko lagi,

Mark x ne puri taqat se pier pe motorboat chada daali, jo kuch second ke liye hawa se baat karne lagi, wo motorboat sidha Rocky ke upar aa guzra, Rocky sambhal nahi paaya aur motorboat ka ek tej jhatka oose apne kandhe pe laga, mark x furati se dusri taraf kud gaya, motorboat dur jaakar rait par dhamm se giri aur blast kar gayi, uzumaki us dhamake ki awaz se siham kar ek or ho gayi, mark x aag ki lapto ko fhaandta Rocky ke kareeb badha, Rocky kandhe se zakhmi gun uthaaye uspe nishana saadhne ko hua,

Par mark x ne furati se uske zakhmi kandhe ko nishana banaya aur charra chodha, "aahhhh urrgggh"...goli uske hath se fisal gayi oose apne kandhe mein paibast wo 8mm ka charra dikha jise usne bedardi se bahar kheccha to khoon se uske hath sann they, wo ekdum ghabraya mark x ki taraf dekhne laga mark x usse thodi duri pe khada apna chashma utaar Raha tha,

"Y..ye goli nahi hai ye toh mehez charra hai kaun haiii tuuu?"

"Mark x pehchana"

Rocky ekdum awaak oose dekhne laga, "t..tu kaise zinda ho sakta hai? Tu toh gumnam ho gaya tha?"

"Zyada kahunga to kahani lambi ho jayegi, Rocky teri kismat kharab ki tera paala apne ex humpeshe se pad gaya, lekin chinta mat kar nihatto pe vaar karna maine sikha nahi banduk utha tu bhi toh aise hi apne dushmano ko ek baar vaar karne ka chance deta hai na darr mat main tujhpe chahkar bhi nishana nahi laga paunga ye gulel hai koi banduk nahi iske liye dono hatho ki zarurat padti hai, teri banduk mein abhi kuch goli bachi hogi, jo pehle nishana lagake vaar karega wo yaha se zinda jayega"

Rocky uski chaal nahi samjh pa raha tha, uske hath dheere dheere zameen pe gire apne banduk ki taraf sarke, par nazar mark x pe gadi huyi thi, fhir usne banduk utha li aur uske taraf ekdum se nishana saadha, lekin usse pehle hi mark x ne furati se slingshot ki wrist brace jo uske kalai mein fasi thi uska charra fauran pouch mein girate aur palbhar mein kheechte huye uspe nishana laga diya, Rocky ki goli banduk se abhi nikli bhi nahi thi ki mark x ki goli sidha uske halak mein aa dhasi, wo apna gala thaame oose hairat aur dard bhari nazaro se dekhta munh se khoon ugalta wohi rait par dhair ho gaya,

Mahoul mein fhir sannata pasar gaya, samundra ke kinare aati lapto ka shor aur hawa ka jhoka bas sunai dene laga, wo ek baar laash ki taraf muana karte huye dekhkar fhir giri bandhi rasiyo se uzumaki ke paas aaya, usne chaku se uski piche hatho se bandhi rassiya kaati aur oose Azad kiya,

"Tum theek ho? Apna hath do"....uzumaki ne oose apna hath diya aur mark x ne oose khechkar uthaya

Wo halka larkharati huyi apne pairo par khadi huyi, "sambhalkar, tumne bahut bahaduri dikhai jaha bade se bade log darrkar Tut jaate hai tumne tab bhi apna willpower strong rakhkha aur aakhir tak wo tumhe itni yaatna ke baad bhi Tod nahi paaya"

Itna kehkar mark x ne ooske phate adh nange nikale stano ko apne overcoat se lapaitkar dhak diya, wo oose nam aankho se dekhne lagi

Kuch der baad Suraj ab dheere dheere ast hone laga tha, uzumaki ka hath thaame oose sahara diye mark x oose apni dur khadi gadi ki taraf le ja raha tha, jo mukhya raste pe khadi thi

"Kya naam hai tumhara?"....uzumaki ne itne waqt baad maun todte huye usse pucha

"Mark x"

"Nahi asli naam".....usne fhir muskurate pucha uske chehre pe Rahat thi aur sukoon tha

"Izhar...izhar Siddiqui"

The End.....