Jaagta hai kayi rangoN meiN hunar shaam ke baad.

by Dr. Naim Sahil on March 04, 2010, 12:08:39 PM

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Jaagta hai kayi rangoN meiN hunar shaam ke baad.

Pages: [1]

Author

(Read 958 times)

Dr. Naim Sahil

Guest

Dhoond leta hai nayi raahguzar shaam ke baad,
khatm hota nahiN Suraj ka safar shaam ke baad.

Yaad-e-maazi kabhi sone nahiN deti usko,
Apni taqdeer pe rota hai khaNdar shaam ke baad.

Be qusooroN ke makanoN se dhuwaN uthta hai,
Aag ban jaati hai dangoN meiN khabar shaam ke baad.

Ek hi rang meiN kab tak maiN sajaauN ghazleN,
Jaagta hai kayi rangoN meiN hunar shaam ke baad.

Jisne har mod pe zaalim ki himayat ki hai,
Ghar meiN rah kar bhi use lagta hai dar shaam ke baad.

Khush karuN kisko maiN 'Sahil' kise naraaz karuN,
Sochna padta hai jaauN maiN kidhar shaaam ke baad.


	Logged

Similar Poetry and Posts (Note: Find replies to above post after the related posts and poetry)
	Shaam K Baad by yasir_sensitive in Ghazals « 1 2 All »
	SHAAM KAY BAAD by muneeb in Shayri-E-Dard
	SHAAM KE BAAD......................... by arzoo22 in Ghazals
	shaam ke baad by NONAME in Shayeri for Dard -e- Bewafai
	RangoN mein itna fark kiuN haiN by mistufer in Shayri-E-Dard « 1 2 All »

riyaz106

Guest

Re: Jaagta hai kayi rangoN meiN hunar shaam ke baad.

«Reply #1 on: March 04, 2010, 12:17:16 PM »

Wah wah Sahil Sahab jaisi tareef suni thi aapki, waisa hi paaya. Bahut pyari, shandaar, taghazzul se bharpoor ghazal hai ye aapke. Tareef ke liye alfaaz nahin mil rahe. Unche meyar ki behad nafees ghazal.