Ye Dafa Yunhi Chalne Do.....

Mere aziz doston.....

ek kalaam ehal-e-bazm ki nazar.....

koi apne pyar ko kaise ruswaa kar sakta hai.....uska gum is dil ko kisi bhi gum se jayada gumgeen karta hai.....

jaisa bhi hai ye haal-e-dil.....apki pesh-e-nazar kar raha hoon.....


Ye *dafa yunhi chalne do, koi anjaam na do……
Ek *wasila -e-marg de do, koi ilzaam na do…..

Kaafila-e-dard chalta rahe to behtar hai……
Rahoon mein rok ise, koi maukaam na do……

Mol-e-Wafa to khuda ke bhi paas nahi……
Ban ke *saudaai iska , koi daam na do…..

*baqayaa-e-zindagi *benishaan hi kat jaayegi…...
Aapna saath de ise, koi pehchaan na do…..

*Baah mushkilon se sambhla hai ye dil…..
Vo laut aaya na kahin, koi farmaan na do……

Vo to *nagmaa-e-mastaana mein gum hai….
Mere jaane ka use, koi paigaam na do….

Mera ek hi *harf-e-sad- talab hai mere yaaron…..
Husn-e-^AMAN^ ko, bewafaa ka naam na do…..

Ye dafa yunhi chalne do, koi anjaam na do……
Ek wasila -e-marg de do, koi ilzaam na do…..


*dafa= (court) case
*wasila -e-marg= reason for death
*saudaai= trader/ seller
*baqayaa-e-zindagi= bachi hui zindagi/ remaining life
*benishaan= without any identification
*Baah mushkilon= with lots of efforts
*nagmaa-e-mastaana=khushi ke geet
*harf-e-sad- talab= a word describing all desires